ما هو رأيكم بالفصول الدراسية الثلاثة ؟

[عمار الحمادي]

انا مب موافق الصراحه قرار فاشل والله حر موت نحن فصلين وبالموت نخلص منهم وين ثلاث

[um nolo]

بالعكس شذي أحسن يكون 3فصول احسن مايكون فصلين لأوا بالفصلين في ضغط كتير عالأطفال ولكل شي سلبيات وإيجابيات

[مراد الهاشمي]

انا مو ماوفق
كلنا متعودين على فصلين وهذي من الصف الاول ندرسها فصلين وبس وانا وصلت الصف الثامن وانا مو متعود عل 3 فصول اريد فصلين
بالتوفيق,,,

[رمش العـين]

انا موافقه ..

لانه لو كنا يايبين درجه زفته يكون لنـأإ فرصه للفصل الثالث ..

وبعدين جي تتوزع الدرجات عالطاير .. واحسن للطالب هالشي عسب يضمن نجاحه ..

وبعدين الثانويه يباله مذاكره لو كان فصلين بس ودرجات الطالب نازله اخر فصل خلاص يعيد السنه

وحرام هالشي هم مسوين فصل ثالث عسب الطالب يكسب درجاته ^^

[سكـ ال ع اطفة ـوت]

انا موافقه على الثلاث فصول لان الكتاب بيكون الحفظ فيه شوي يعني ثلاث او اربع دروس وهذا يؤدي لنجاحنا ومثل ما قالو اخواننا الوزارة ما بتحطي شيئ ولا وله فايدة.
((اتمنى لكم التوفيق والنجاح))

[طالبة علم فى زمن صعب]

موافقه اذا روعيت بعض النقاط ومنها
توفير جوملائم داخل المدارس للطلاب ومنها عدم تعريضهم للحر والجوع
تحديد المواد والاجزاء الداخله فى الامتحان وعدم امتحان الطالب فيها مره اخرى
اذا اعتمد القرار يجب توعيه الاهل والطلاب بايجابيت الخطه
شكرا

[σŋlч мε]

انا موافقه ..والفكره واايد حلوه..احس ان الدرااسه بتكوون اخف علينا من قبل ..وانشالله اتخلص السنه على خير ..اتمنالكم التوفيج..وفالنهاايه لازم نتعب مافي شي بسهوله وحلاته تتعبين عسب اتحسين بطعم الدرااسه

[شموخي فجراوي]

أنا مب مواافق ((الصرأأأحه تعب ونحن روحنا يالله يالله نشد حيلنا بفصلين وزتوهن 3
أرحمونا ياخي بس والله تعبنا ...

[هدهد السماء الزرقاء]

انا مواافقه , لان عاادي نفس المده و احس جيي مانذااكر واايد , يعني مب نفس قببل كل كتاب كبر القفعه -_-"

[بو حامد]

شو يخص الحر في السالفه ؟ جييه نحن ندرس في الساحة ؟
وبعد ما نخلص الدوام على طول على البيت يعني ابد ما نحر !

واصلا سواء كان النظام فصلين او ثلاث ، ترى ماشي فرق !!
نفس المده ما غيروها , بس مجرد قسموا هالايام لثلاث فصول
وهالشي احسن بعد لان الكمية اللي بنذاكرهاا لنهاية الفصل اقل !
يعني هم مسهليينلنا مب مصعبين !

وعن الاكل . . ترى شي مقصف ، تقدرون تاكلون ويوم تردون البيت تتغدون ! مافيها شي لو تاخرتوا ساعه يعني !



والسموحه ,,