شو أدرس؟؟؟؟؟

**دموع أنثى** · 24-05-2009, 08:22 PM

حبيبتي دارستنه قبل يعني من يومين تقريبا واليوم من اول مارديت يلست ادرس النحو وقلت اسالكم ادرس الكتاب ولا النحو لان سمعت بنات يقولون ان الكتاب ما يندرس بس النحو الي يندرس وقلت يمكن في احد امتحن ويعرف .........

**عاشق ترافيان** · 24-05-2009, 08:30 PM

ادرسي الغلاف واول 3 أوراق

**binka** · 24-05-2009, 08:37 PM

زيين عيل يوم دارستنه بس مب إلا النحو داش وايد اشياء غيره

و فرضاً امتحناا و يا الامتحان خارجي .. يعني للي حاط الامتحان من وين بيخترع أسئلة

بتكون نفس نمط الكتاب أكيد 100%

و لو شفتي امتحانات سابقة صح في أشياء خارجية بس نمطها مثل نمط أسئلة الكتاب بالظبط ،، وفي سؤال كامل عن قصيدة النسر

يعني الزبده

كل الكتاب دآش

**دموع أنثى** · 24-05-2009, 08:39 PM

اها انزين مشكورة اختيه ...........انتو امتحنتو ولا لا ؟؟

**binka** · 24-05-2009, 08:49 PM

لا والله بس امتحنا تجريبي و بيي شراته قالو لنا في أسئلة خآرجية و فيه داخليه ..

بالتوفيق ..

**ع ــيونـ بدويـهـ** · 24-05-2009, 09:10 PM

مرحباااا الساع
شوفي اليوم امتحنااااا وبخبرجــ شو تدرسين
..

اسمعي معروف أنه كتااب العربي ما إيبون منه شي .. يعني المعارف الأدبية ما تدرسينهمـ أبد .. بس تتعلمين المهارات منهمـ .. المهارات يعني شو .. يعني الأسئلة اللي تكون ورا .. مثلا إنج اطلعين ( فعل .. ردة فعل .. الشخصيات الرئيسية .. الثانوية .. فكرة محورية ) .. طبعن أنتي عارفة أنهمـ بيبون قصة خارجية واطبقين عليهاا هالمهارات يعني بيبلـج طلعي شخصية رئيسية .. تشخيص .... الخ ..

ولكن في أشياآ مهمـة يبالها دراسة وتركيز واللي هي دروس النحو مال المحسنات وأسلوب التعجب ... الخ .. هاي الدروس لازم ادرسينهمـ عدل .. لأنه بيبلج صفحتين نحـو ..
وطبعن لا تنسين القصيدة اللي لازمـ تكونــ ف أول صفـحة هاي تكونـ خاارجية ..

والأبلة قالت لنا الفصل الماضي كان عندكم درس تحفظونه اللي هي رواية رجال ف الشمس .. أما هالفصل ما شي مولــ ينحفظ ..

ما أوصيج ركزي ف مذاكرتجـ وربي يسهلـ علينآ وعليــج ..

وإذا بغيتي أي مسااعدة .. أنا في الخدمـهـ ....

وبالتوفيــج ..

**قلبــــي رهيف** · 24-05-2009, 09:13 PM

http://www.study4uae.com/vb/study4uae72/article67420/

راجعوا عدل ^^ ,,

و بالتوفيق ,,

**قلبــــي رهيف** · 24-05-2009, 09:34 PM

اقتباس:
المشاركة الأصلية كتبت بواسطة عاشق ترافيان

ادرسي الغلاف واول 3 أوراق

هههههههههههه توني افهمها

شو انته جي دارس

**حربوق** · 24-05-2009, 10:45 PM

يعني في شي نحفظه متل القصايد ولا شي ؟؟

انا ما حفظت القصايد مطلوبة للحفظ ولا لا ؟؟

**bushido** · 24-05-2009, 11:38 PM

2na m2 brdruss shee. Illa el na7oo. Beek2ffee

الموضوع: شو أدرس؟؟؟؟؟

أدوات الموضوع

عرض

ضوابط المشاركة