-
عضو جديد
السـلام عليكم آخويه . .
آبغي آسألك عن الفرق بين مكتب تنسيق البعثات و ديوان الرئاسة ؟ لانه قبل وانا اقرا أسئلة الأعضاء جفتك تقول عن المكتب هو الديوان .. وانا الحين في بعثة المكتب بس مشكلة التخصص اني ابي اغيره وقدمت طلب .. وللحين ما ردوا علي وزايغه ما يقبلون .. ف أبي اظمن عمري واقدم في بعثات ثانيه وهي بعثات ديوان الرئاسة ؟ الي اكتب لهم طلب تقديم للبعثه وجيه .. ف شو الفرق .. ولا هو نفسه ؟ مع العلم انه نسبتي 92.6 لانه المكتب يطرش بعثتين وحده مال 85 - 90 والثانيه 90 وفوق .. قلت يمكن مال الديوان بعثات مال 90 وفوق . .
أتمنى تساعدني آخويه ويزاك الله خير عالمجهود صرآاحه ..
-
-
عضو جديد
مشكور اخوي بوعوف..
بس ابى اعرف عن التوظيف بعد الدراسه .. هل المكتب يوظفك عندهم ولا انا اسير ادور الوظيفه ..؟
( اسمحلنا ثقلنا عليك بالاسئلة )
-
اقتباس:
المشاركة الأصلية كتبت بواسطة 0ne kill 
مشكور اخوي بوعوف..
بس ابى اعرف عن التوظيف بعد الدراسه .. هل المكتب يوظفك عندهم ولا انا اسير ادور الوظيفه ..؟
( اسمحلنا ثقلنا عليك بالاسئلة )
اهلين اخوي ..
المكتب له نفووذه الخاص .. واللي بيضمن لك العمل في دائرة حكومية .. على ما اظن بتكون هناك توصية من المكتب .. وانت طبعا موقع على عقد بانك تشتغل مع المكتب بعد التخرج لمدة خمس سنوات ..
ها و الله اعلم ..
لا اخوي ما ثقلت ولا شي .. والله استانس يوم اشوفكم تتفاعلون بالاسئلة ..
اسمحولي انا ع التاخير و القصوور
-
عضو جديد
انا ثنوية عامة احينه انشاء الله ..
هل أخذ السيبا ولا ؟؟
وشو الامتحان اللي امتحنه لازم ؟
ومتى اقدم عالبعثه ؟؟ ووين ؟؟ وشو الاوراق المطلوبه ؟؟
-
اقتباس:
المشاركة الأصلية كتبت بواسطة الدانــه
انا ثنوية عامة احينه انشاء الله ..
هل أخذ السيبا ولا ؟؟
وشو الامتحان اللي امتحنه لازم ؟
ومتى اقدم عالبعثه ؟؟ ووين ؟؟ وشو الاوراق المطلوبه ؟؟
اهلييين اختي وسوري ع التاخير ..
طبعا خذي السيبا .. امتحان السيبا لا يتعلق بالبعثات بل بالجامعات المحلية الحكومية داخل الدولة وهي جامعة الامارات و جامعة زايد و كليات التقنية .
الامتحانات اللي لازم تاخذينها .. هوو امتحان التوفل باي نوع ( البييبر أو الانترنت ) ولازم تكون الدرجة عالية وها يضمن لج القبول ف البعثات طبعا اذا استوفيتي شروط النسبة .
البعثات الله يسلمج تفتح ابوابها بعد الفصل الاول .. وانتي قدمي ..
وين ؟؟ كل البعثات ( الديوان - التعليم - وغيره .. )
الاوراق المطلوبة .. كل بعثة لها اوراقها فانتي تابعي البعثة المختصة ..
اختي الدانة .. الاسئلة الي سألتيها لي .. تقريبا نص الطلاب سألوني اياها و انا جاوبت عنها فياريت انج تبحثين ع الاجابة ف الصفحات السابقة .. واذا كان هناك اي سؤال آخر اسأليني .
سوري ع الاطالة
-
عضو جديد
-
عضو جديد
السلام عليكم
اخويه عندك معلومات بخصوص بعثات الماستر ؟؟
-
عضو جديد
مشكور اخوي عالرد ..^^
أذا ماخذت التوفل عادي ولا لانه مستواي فالانجليزي نازل شوي ...
-
عضو جديد
اخوي بغيت اتخبرك عن التوظيف الله لاهانك
اذا درسة تخصص الهندسه كهربائية.. في امريكا .. على حساب المكتب و عقب اقدر اشتغل في هيئة المياه و الكهرياء ؟... ولا ادرس على حساب الهيئة فالدولة (اضمن الشغل عندهم)..)) وين احسن X.x
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
ترجمة الشهايد يستوي في وزارة التربية في دبي صح؟ كم ياخذ بالضبط, يعني يخلصونه في نفس اليوم؟