تمديد ساعات اليوم الدراسي هل في مصلحة الطالب ؟

[THE DARK SIDE 49]

الحين الدوام في تركيا نفس الشيء, وفي صالة طعام في المدرسة< وأغلب المدارس الخاصة مافيها هذي الصالة,

بس بقالة

بيكون الدوام فترتين

(9) حصص الإجمالي, 5الصبح, وبعد الساعة 12 مدري 1 يروحون البيت إلي يبغى طبعاً ثلاث أرباع الساعة, او نصف ساعة,
بيردوا المدرسة , وبعد كذا يبدا دوام جديد مع تحية علم, وإلخ... < تعرفون الباقي, ويكون إجمالي الحصص بعد الظهر طبعاً 4.

بس لازم يكون في بالمدارس صالات طعام عشان الطلاب.
ونتمنى أن تزرعوا بعض الأشجار في جميع مدارس الدولة, عشان الطالب لما يطلع لبرا تنشرح نفسه,

وأعتقد أن البعض ما راح يرد على كلامي

[لحظة سراب]

يعني انا شو اقول اذا انا على طول بعد الحصة السابعة على طول تبدا حصة النوم مالي ,وطبعا الي مزيد السالفة انهم بيسون لنا بعد اسبوع نظام القاعات والساعات ,الصراحة احسن اني فأر تجربة مب طالبة (الله يعيني ويعين الجميع )

[THE DARK SIDE 49]

أنا موافق على تمديد ساعات الدوام,

وهذا من صالح الطلاب, لكن نتمنى تكون الإمتحانات في هذه الحالة بعد إنتهاء العطلة الإسبوعية (الجمعة, السبت) يعني الإمتحان يكون يوم الأحد, ونتمنى أيضاً يكون كل أسبوع إمتحان عشان يفضل عندنا وقت ندرس بيه

[دانة بلادها]

أتمنى من كل قلبي حد يعبرنا ويقرأ كل حرف نكتبه
أولا:
أشكركم إنكم عطيتونا فرصه نبدي راينا
أنا الصراحه كرهت حياااتي ويا هالقرار حرااااااااااااااااااااام نبا حد يحس فينا الأكل ف المدرسه داايم يكون فيه عله وما أنسى اليوم اللي حصلت ف الخبزه شعر لووووووع جبدي من خاطر واللي يقهر ب 3 دراهم والعصير 2 يعني لازم ف اليوم عشر دراهم وممنوع نييب أكل من البيت وهذا غير المشاريع والإمتحانات والأنشطه والله ما يمدانا نسوي شي آخر حصتين المخ مسكر ويقعدوون يعاقبون إذا ما إنحل الواجب ليييييييييييييييش تقولون مستوانا نزل ترا السبب منكم حسوا فينا نحن نبى نرد جميل هالوطن وإنتوا ما تشجعوون نبى نرتاح والله لو نعرف أن الدوامات بتمتد ما طلبنا رمظان إجازه
أتمنى إني ما طولت عليكم ^^

[طالبه ذكيه]

هيه والله .. صدكم شو هالسخااااااااااااااااافة الزايدة ....

بس حلووووو عسب أقعد ويااااا (( أبلتي )) وااافديت روح روحهاااا

[السنيدي 2008]

شو تسع حصص مندرابهم

[نصورالغاوي]

والله رد الوقت نفس ماكان انا من ارد البيت وانا اذاكر شو جي والله نبقي نرتاح ماعدنا وقت نبقي اندور بحوث

والله حتى المسن من شهر مادشيته والله حرام .... ّ-ّ..

[محينة]

هب راضــــــــــــــــــــــــــــــــــة طبعا

[تبولهـ]

والله محد راضي عن هاللي يستوي عنبووو ما يحسوون نحن اوادم

بالعكس هالشي يضرنا اكثر من انه يفيدنا الطلاب ما يقدرون يستوعبون من بعد الحصه السابعه نحن اواااااااااااااااااادم والله اواااااااااااااادم نحس والله نتعب مب مكاين نشتغل حتى المكااين تتعب هم يتحرون جذي بيزيدون من ذكائنا والله كله غلط بغلط يعني ليش اشمعنى الاولاد يرجعون الظهر ونحن العصر شو هذا ياناس افهمونا نحن متى نلحق نذاكر متى نتغدى عنبوو صلااااااااه ما نلحق نصليها صلاة الظهر نصليها بالمدرسه مال سريع سريع شوهاا يأذن العصر ونحن بالمدرسه راح نص اليوم ونحن بالمدرسه نرجع حتى ما نروم نتغدى شرات الناس مال سريع سريع وبعدنا ما سوينا شي الا وأذن المغرب متى نحل واجباتنا متى نلحق نسوي مشاريع وبحوث متى نلحق نذااكر انا اهلي والله ما ألحق ايلس وياهم والله ان الكل يشتكي شو هالقراار الكل مب راضي عن هالشي يعني محد الصراحه مقتنع والله ياريت لو تحسون فينا شوي وتعدلون هالقراار لانه ما ينفع نحن نتعب جذي نرجع العصر ما نلحق حتى نيلس ويا اهلنا شوي واصلا كل الطلاب من بعد الحصه السابعه تلاقونهم راقدين نحن في صفنا والله الحصه الثامنه البنات حاطين راسهم على الادراج وراقدين يعني في كل الاحوال ما نستفيد شي واصلا المخ له مده معينه واذا زاد الحد ما يستوعب فأبشركم ان نحن الطالبات كل شي ندرسه بالحصه الثامنه والتاسعه ما نستفيد منه شي لان نكون تعبانين ومخنا متسكر عن الاستيعاب

ويارييييييييت بعد هالشكاوي كلها تحسون فينا شوي وتغيرون القراار

والسموحه طولت عليكم بس والله من القهر اللي فيني

والصرااحه اشكر صاحب الموضووع على الطرح المهم

[smf]

انا مسغربة شو الفرق بين المدارس العادية ومدارس الغد؟؟؟؟ ليش هم دواماتهم اقل منا وبالاخص يوم الخميس