تمديد ساعات اليوم الدراسي هل في مصلحة الطالب ؟

[هلا والله]

لا الصراحة احنا مو راضين كفاية 50 دقيقة لكل حصة ولا بعد فوق هذا بيخلون 9 حصص والله ان الشباب والبنات صدق بيكرهون الدراسة فما يصير والله ومتى بنرد البيت عاد وبنذاكر وبنرتاح ماصارت هاي جذي والله لا خلوها نفس ماندرس الحين وابركانا



واسمحولي اخوكم ( البحـرانـــــــــــــــــــــــــي )

[أحاسيس!]

نحن مسطلين للحصة السادسة...طولو الدوام قد ما تقدرون اصلن ما شي طاااااقة بس جذا بتكونون مضيعييين وقتنا عالفاضي ...الله يهديكم

[أحاسيس!]

بس ها الي بيسوي ها يجهز تقاريرنا وبحوثنا ويحل الواجبات لا وبعد يذاكرلنا ..

[علاوي الغاوي]

يعني شو نقدر نسوي
هذا شي مب بيدنا
يالله الحمدلله على كل حال شو نقدر نقول
بس على فكرة تراه مب في مصلحة الطالب
لانه يرد البيت الساعه 4 تقريبا
يعني شو بيلحق يحظر ولا يدرس ولا شووه بالضبط
تخيلوا لوعليه اكثر من امتحان في اليوم الواحد !!
على العموم هذا شي مب بيدنا
ما اقول الا الله كريم
دمتم بود

[البادي123]

السلام عليكم ...

مخ الانسان مايستوعب كل شي مره وحده ونحنا هب آلااات ولا كمبيوتر نسجل كل شي ,, وماظنتي لو زودتوا الحصص أكثر بنخترع شي يديد ,,
وكل ماتزيد الحصص تزيد عندنا الضغوط ننضغط نحن نرجع الساعه 4 او خمس من الزحمه لانلحق نصلي الظهر فالمدرسه ولا حتى العصر نرجع مدوخين حتى اكل ماناكله مع انه ميتين من اليوع والله ارقد وانش القى الساعه ست ولا سبع ماواحاليه اصلي الصلاه فوقتها انا متعود اصليها فوقتها وساعات اقول في خاطريه مابرقد اول ما بوصل وفعلا لكن يوم ادرس ماقدر احس مخيه فل خلاص ماقدر اراجع الي خذته والله حرام عليكو يوم اطبقون شي فكروا فيه قبل حطوا نفسكو مكانا والله الي تسونه فينا هب زين .. خواتيه يردن متأخر مايلحقن يخلصن والله انهن يصيحن مايواحيلهن الوقت يمر بسرعه والايام تمر لكن انتوا تذبحونا قهر مادري ليه كل ها تسونه فينا مع انه مامنه فايده واونكو تزيدون قدره الطالب بالعكس تحبطونه تحسسونه انه يوم يرجع البيت يبا يذاكر ماينجز شي لانه ماشي وقت تحسسونه انه مامنه فايده حتى لو درس مابيب نتيجه وبالفعل الفصل الاول كانت درجاتنا أرف الصراحه .. وكل حد مستواه نازل ومحد راضي عن نفسه واول شي الطالب يتعقد يقول في خاطره شو ها ليه انا ايب جيه اكيد انا غبي يحط في باله انه غبي ومابيعرف يحل شي أصلا ً حتى المدرسين والمدرسات اذا الطلاب يردون 4 اكيد هم يردون وقت متأخر اكثر عسب اشغالهو وجيه لاكن المدرس يتضايج بعد شو ماعنده مسؤوليات والله المدرسين بروحهو مايبون يتاخرون على عيالهو وحريمهو ولا المدرسات ماعندهن عيال ولا ريل بيجابلنه يخلون العيال لمنوه الخدامه ؟ والله حاله يكبر الصبي واول كلمه يقولها يا ميري يا سمنتي ..و المفروض انكو تعدلون من هالغلطه.. على طول اطالعون الطلاب ما يابو نتيجه هالفصل شوفوا السلبيات ودوروا الأحسن ...أنا اسف عالمغثة لآآكن هذا راييه وحبيت اقوله وكلن له وجه نظر بخصوص هالموضوع يمكن انا صغير ومهب عاقل وماعرف شي فالنهايه مهما قلت القرار راجع ألكوو لكن تيملوو فينا نحنا اجيال الدوله نحنا الي بنبنيها لازم اطالعون لنا الاحسن وتتمنون لنا الأفضل .. والسمووووووووووحه

[نهى م]

شكرا على المشاركة المفيدة

[نونو الإمارات]

شي أكيد أن تعب وانا عن نفسي ما استوعب عقب الحصة السادسة لان مخي يقفل والمفروض يرحمونا

[Miss.ksha]

صرااااحه كلام اخوووويه البادي صحيييييح كفى ووفى قال كل شي مايحتاي اقول اشكرك يالبادي عالجرأه والصراحه كلامه صحيح كل الي صاير له يصرلنا والله يعين خواته الي يردن متأخر تعبانات شو هذيلا الي فالوزاره ماعندهم عيال او بنات مايجوفون حالتهم انا اوقف مع اخوي البادي وان شاء الله تسمعون رأينا صدقه نحن الجيل نحن الي بنبي البلاد

[R0R0 Angel]

عذااااااااااااااااااااااااااااااب ارحمونا شوي حسو فينا

[فتاة المغرب]

انا عن نفسي عادي لان ماادري في الثاانوية
اما الثانية الله يعينهم لين ساعه 3 يردون
وبعد الابلة قالت لنا لما نوصل لثانية راح نرد ساعة 3
فاكيد هب رااضيين