تمديد ساعات اليوم الدراسي هل في مصلحة الطالب ؟

[xxzzz]

الله كريم اصبرو

[haboooosh]

اكيد ضد
لانه خرب روتين حياتنا الي كنا متاقليم عليها لنا اكثر عن عشر سنين
وبعدين هالنظام ما خلة وقت لشي ارد البيت بعد صلاة العصر
متى بنتغدى متى بنصلي متى بنذاكر متى بنرقد
مافي وقت لاي شي
ارد البيت اجابل الكتب لانه ما شي وقت ادرس يعني من اول ما ارد ادرس وياليتني اخلص كل الي علي
وبعدين ما ييوز مطولين الدوام وتحطون في الحصص الاخيره مواد يبالها فهم وتركيز
انا عندي يوم الاحد اخر حصتين وحده رياضيات و الثانيه احياء
والاثنين يبالهم تركيز وعقل صاحي
نحن ع الدوام الجديم كنا ع السادسه خلاص نتعب
كيف لو لين التاسعه ويالسه ادرس رياضيات بعد
والله حراااااااااام و ما بتسفيدون شي ولا بتحصلون اجيال بمعدلات عاليه
حسبنا الله ونعم الوكيل

[az2009]

و الله هب راضين انرد الساعة 3 و متى انذاكر ان شاء الله؟؟

[شمسة سرور]

اذا الطلبة يدوخون والمعلمين يصدعون منو المستفيد ياجماعة الخير؟

[so0o.so0o]

السلام عليكم
اتمنى
تسمعوني وتفهموني ممكن

بصرآحة هاي السنة وايد ضاغطين علينا من كل النواحي تقريبن
لاكل موب شرآت اكل الاوادم والدوام طويييل ومتعب والواجبات
اللهم زد وبارك والتقارير كل مس تبي يوم محدد واذا مايها في نفس اليوم صفر
واشو اقول بعد والله بتعب من كثر مااقول الله يوفقنا ويصبرنآعلى طول الدوام
وكثر الواجبات والتقارير وهاذا الي عندي وانشاء الله تتقبلوا مروري البسيط

اختكم :
so0o.so0o

[bent zaued]

يقووولون البحوث والتقارير مهمه <<متى يكون عندنا وقت اصلا نسويها يعني ارسبو ..
والقهر ان لو حليتي المساله صح وكل شي اوكي بس غلطتي ف الاشاره مثلا تي الاجنبييه وتحط اكس كبر راااسها ع المساله يعني شو الانسان مايغلط؟؟؟
صح نحن دوامنا مب تسع حصص نحن سبع حصص بس والله انتو اهون عنا نحن كل حصه سااااعه تعرفون شو معنات ساااعه عذاااب هلاااك ارقدي ونشي وبعدها المس ف الصف تتفلسف ..
ولا القهر حصص الرياضيات والانجليزي اكثر من حصص الدين ..
ولا كل مس حالفه مااتظهر الا وهي حاطه كوز وواجبات شكثرها ..!!
وع طاري الاكل... الصرااااحه شو هاي السندويشات الي يبونهاا يبون صمون ويقولون فيه جبن وياريت يكون فيه شي فااااضي فااااضي ..لاتتريقين ولاتتغدين يعني موووتي موتي
ولا العصير ماااااااااافي احلى عنه ينن اصلا كل بنات المدرسه ماايحبون الا ها العصير وماتمر خمس دقااايق والا كل وحده شاربه 10 ...
واللله الشي الوحييد حلو ف المدااارس هو الماي والله احس ان نحن عايشيين ع الماااي ..
اعرف اني تفلسف بس والله ابا اطلع الي فخاطري ..

[سيف الحب]

والله معاناه لا تعلييق ..

يارب يرجعون القرار الاولي والنظآم العآدي ..

من يوم ما يونآ الاجآنب والشرآكه .. والتعليم كله خبصه في خبصه الله يستر منهم بس ..

اونه ثقافه وانجليزي .. خربوا التعليم الله يخرب بيوتهم ..

[الملك 14]

انا في الحالتين نوووووووووووووووووم

[طاسه صغيرونه]

صدقهم مب بيدنا نسوي شي..
الله كريم

[8mar 14]

اصلا فسحتين ع الفاضي و كل فسحة 10 دقايق شو نسوي فيهم ..

وبعد الخمس دقايق بين الحصص ما يخلونا حتى نوقف و لا نشم هوا ..

وبعدين نرد البيت ع اذان العصر لا نلحق نقدر نصلي و لا نتغدى ..

وبعدين حتى ماشي وقت ندرس و لا نسوي مشاريع ولا تقارير ..

الله يكون في عونا بس ..