تمديد ساعات اليوم الدراسي هل في مصلحة الطالب ؟

[السابع ثلاثه]

والله ثم والله

ارد البيت مسطلة تخيلواا ماعندي وقت اقعد ويا امي تخيلوا

[الدانا]

---

#0dcfffمتى يمدانا نخلص واجباتنا وتقاريرنا وبحوثنا وامتحاناتنا اليوميه والشفويه
حرام عليكم.....

[احمد المزروعى]

انا عن خواتيه عقب الحصه السابعه امر واخذهن

والاداره مسويات سالفه وحشره وممنوع بس طاف

.................

ياجماعة الخير انتم تعاونو جميع عقب السابعه خلاص اظهرن من المدرسه وخلوهم فى الامر الواقع

لا تخلونهم هم يفرضون عليكم الشي ترا انتم اللى تنفذون واذا سوين عكس اللى يبونه بيشوفون انه فى خساره كبيره

والحين قولن حقى شو بقى ماقلدوه فى الغرب .. نحن مسلمين ياجماعة الخير مب يهود

لازم بيكون فى فرق بينا وبين الغرب يعنى لاتجمعونا وتتفلسفون اونه علم وتطور ومدرى شو

دامنا متاسسين على الشي مانقدر نغيره ولازم بيظهر اشياء سلبيه

بس ماقول غير الله يرحم اوبيه زايد

[حيل حلوة]

والله حراااااااااام عليهم نرد الساعة 3 و نص و يووووم نرد البيت غصبن عنااا نذاااااااكر و مرات ما يكوون عندنا وقت للمذاااكرة حتى أفففففف منهم و الامتحااااااانات تيينا صعبة ليش ما ندري (و تأتي الامتحاناااات بمااا لا تحتويه الكتب ) أففففففففف لااااا يحسبووووونه عباااااااااقرة يعني أففففففففففففففففففففففففف !!!!!!!

[دموع الرحيل]

حسبيا الله ونعم الوكيل

والله حرام عليهم اللي بسوه فينا

علاماتنا نزلت ولا حدا حاسس فينا

ونحن توجيهي وهيك علاماتنا

كيف بنيب نسبة مادري

مافي وقت انام ولا في وقت ندرس متل العالم ولا في وقت حق اي شي

ويطلبووون مشاريع وأشياء

حراااااااااااااااام هالنظام

لازم يتغير عالفصل الثاني

لأنه العلامات مب حلوة بالمرة

والكل معترض

ونحن مش متل الدول الأجنبية جايين يطبقو هالشي عنا

ارحمونا .......

[FOG]

الله يعينكم الحمد الله الحصه السابعه اطلع.........زعلت عليكم .........الله يعيني السنه الجايه

[هب صاحي]

ورفجت الغاليه عندي اني عقب الحصه الرابعة اسويلهم طاااااااااااااااااااااااف و الشرده ادق الكرز سلف و اروح ....... تحياااااتي الملعاي

[شبيه الريح94]

شباب ياليت يطبقون النظام لانه حلو وانا ادري ان الموضوع قديم بس اقول ياليت لاني ما احس بالوقت :1-سوالف2-لعب كرة(رياضة) اطالع شخابيط في الصبورة واسمع كلام من بداية الحصة وكل شي عادي ولو يخلونا انبيت في المدرسة مثل الجامعة يكون افضل هههههههههههههههههههه (الاموووووووووووووور طيـــــــــــــبة)والله عندنا شباب الحصة الرابعة والخامسة والثالثة يطلعون وادا ما عجبهم الوضع يطفرون في الاستاد بس ما نفهم شي ولكن موب كل الاساتيد لان المعلمين الي يحترمون الشباب (ينجحونهم)الكل يحترمهم ويحطونهم على الراس
انا في الامتحانات مرتاح-يوم اخلص امتحان ادق الفتك سلف واتحوط لين صلاة الظهر بعدين ارد البيت وامسك الكتاب شوي
هب صاحي مشاء الله انت مثل ربيعي

[ناويلك ع نيه]

حرام عليكم والله انا اقول تخلوونه 5 احسن مب 7 و الحينه تقووولوون 9 والله بنمووت بروحه حصص الاخيره ما نفهم شي والله
بمووووت ارحمووونا

[عاشق البورش]

السلام عليكم
بخصوص الدوام لين 9 حصص، هو تم إصدار القرار من الوزارة بجهود سامية وفق دراسات كثيفة، على أساس إنها بتكون في مصلحة الطالب.
لكن أنا من رأي.. ما أظن الدراسات اللي أجرتها الوزارة كانت صحيحة، لأنه اللي صار إنه تم تمديد الدوام بدون مراعاة احتياجات الطالب(يعني نفس النظام الأولي بس بدوام طويييييييييييل)وهذا اللي نسونا منه، يعني مثلا بالنسبة للأكل: أنا من وجهة نظري إنه الوجبات لازم تكون مجانية لأنه نحن ملزمين بهالدوام الطويل، وغير جي لازم يكون في تنوع بالأكل. يعني باختصار رفع حالة المقاصف في المدارس.
والشي الثاني مراعاة النظافة العامة، يعني بالدوام القصير كنت أكمل الدوام بدون ما أدخل الحمام الله يعزكم، لكن الحين كلنا مضطرين نقضي حاجتنا.

أختصر كل اللي قلته بأنه المدرسة عقب إطالة الدوام لازم تكون نفس البيت للطالب، بحيث يشعر بالاستقرار وما يضطرب نفسيا. وأنا واثق إنه الجهات المختصة قادرة على تأمين طلبات الطلاب، بس ما أدري شو السر بالموضوع!!!!
وهذا نداء للجهات المختصة بالنظر لشؤون الطلاب، ترى والله هلكنا، والدوام بالطريقة الحالية مب في مصلحتنا(يحتاج تعديل)