ما هو رأيكم بالفصول الدراسية الثلاثة ؟

[ساره]

والله حراام

تعب .. 3 فصوول .. تعب وبنررد البيت متأخريين


ورووحه المدرسه مافيها شي ناكله .. مايبعوون غير هالطفاس النمكي .. والحلااوه .. والعصير .. !

بتفتص عيوونا من التركييز .. اووكي بنقوول دراسه ولمصلحتنا .. بس مب هالكثر ..



السموحه ها ردي . . .

[sadooo]

شي جميل وبناء

اقول ليش ما يخلونه اربع فصول

صيف وخريف وشتاء وربيع

شي جميل لا ؟؟

[كابرون]

اممممممممـــــ ..

قراآآر حلـــو .. لكــــن ارحمونا .. إذاآ كان 3 فصول .. نبا نرد البيت مثل قبل الساعة 1:30

مب الساآعة 3:30 .. واللي يردون بالباص ايردون بيتهم الساعة 4 لين 4:30 << حــراآآآمــــ ..

ونـــرد هلكاآنين .. حتى مانتغدى من التعب .. سيده نرقد لــين الساعه 6 وانش سيده انذاكر ومن غير الواآجبات والتحضير .. والبروجكتات و شرح الدروس والأمتحاآآنات وغيره ..

والــــسمـــوحهـــ ..

[اسيرة البنفسج]

لا طبعا هب موافقه شو انتوا ما تحسون نحن انداوم فصلين و يالله يالله و بعد اتزيدون علينا الدوام ترانا اوادم هب حيوانات على فكرة حتى الحيوانات يتعبن و اللي حاط هالقرار ............... ما فيه ذرة احساس شو وين يالسين فاوروبا هيه صح نسيت تراه جونا وايد يساعد ما شاء الله ثلوج و امطار و شلالات و جو حلو و مهب بارده تبرد على الفواد مب اوروبا و الا امريكا ضو حتى محد يروم يظهر من كثر الحر و نحن دوم يالسين خاري ما نحب المكيفات و بعد من كثر البرد الواحد ما يروم يشغل المكيف .
اتصدقون اخير يوم حطوا هالقرار كل الطلاب بينجحون و نسبهم فوق ما شاء الله بس اتمنى ما تعرضون النسب نخاف على اعمارنا من الحسد و الحساد اللي هب فالدولة حليلهم بيغارون منا محد طول بيرسب .؟.؟. عباقرة ماشاء الله..,:,, و بعد شو رايكم السنة اللي عقبها ما تعطونا اجازة ابرك صح ؟.؟ ترانا و ايد نحب المدرسة و الود ودنا ما نفارقها طول عمرنا و على فكرة نسيت اخبركم ان الناس من اول ما سمعوا هالخبر الحلو و هالبشارة الطيبة مرة كل واحد منهم يدعي من صوب كلهم يدعون حق وزير التربية بطولة العمر و الصحة و العافية حتى انا ادعي له من كل قلبي

[sood121]

ما بعرف بالنسبة إلي الموضوع مبهم ومو واضح
لما يكون واضح وينشرح لنا كل شي ممكن أقول موافقة ولا لأ

[ghla_dxb]

مرحب .. بصراحه هالنظام لمصلحة الطلاب ونحن المستفيدين وهم اكيد بيسهلون المناهج وموفقين ان شالله شدوا الهمه

[البنت المثابرة]

رغم من اني محتارة

لكن اخاف يزيدون في الدروس

على شان هالشيء انا موب موافقة

[جروح البنفسج]

اناا غير مهتمه عآآدي اللي يبون يسوونه يسوونه كيفهم

^^"

[2007]

اهم شى يكون في غدا عحسب المدرسة !!
بس اكيد ماشى
مش موافقه

[اسيرة البنفسج]

داوموا بروحكم حد يداوم فعز الحر