تمديد ساعات اليوم الدراسي هل في مصلحة الطالب ؟

[goraa]

اصلن محد يروم يقاوم

انا ارجع البيت قبل اصلي الظهر و لو فاتتني كم صلاه قبل اروم اصليها و ارتاح بعدين

اما الحين ارجع اكل و ارقد و صلوات تتيمع على راسي بس مو بيدي التعب الي يسوي جي

اتمنى الفصل الثاني يردون كل شي مثل ما كان لان صدق ما في فايده من هالزياده

لو الاستاذ عنده اسلوب حلو بيخلص المنهج و باقي اسبوعين عن نهاية العام الدراسي بعد و حصصه ما تكون ملل

اما لو استاذ ما عنده اسلوب ما بيخلص و بياخذ حصص غيره و حصصه ملل و رقاد

[SoOo SoOo]

السلام عليكم ..

اخبارك اخوي ؟؟

لا و الله مب راضيين عليه ابدا ..

مااقدر استوعب شي في الحصة .. اضل نايمة في الصف ..!!

و بعيد يقولولنا انتوا ما تدرسوا و لازم تجتهدوا اكثر ..!!

قسم بالله .. في ايام الدراسة ما اعمل شي غير اني ادرس ..!!

و احس كل دراستي تروحج ع الفاضي ..

يوم ادخل الإمتحان انسى كل شي لأني ما اكون نايمة عدل ..!!

مين يقدر يروح المدرسة و هو نايم بس 4 او 5 ساعات ..!!

اول مرة في حياتي اكره المدرسة و الدراسة ..!!

احسن اجاني احباط >< .. ما ابى اروح المدرسة ><

ياريت يرجع الدوام مثل اول ..!!

اتمنى بس حد يسمعنى .. [ ما اعتقد ان في حد راح ياخذ رأينا حتى لو شوي ..!! ]

و الله المستعان ..!!

موفقين ..

مع السلامة ..

[yosra]

[align=center][tabletext="width:70%;background-image:url('http://www.study4uae.com/vb/backgrounds/12.gif');background-color:sienna;"][cell="filter:;"][align=center]
يه والله فعلا حراااام لين ما نروح اللي يبي يصلي ويرقد ويرتاح تسع حصص حرااااااااااام واااايد بعدين التربية ليش يعملون تشي والله تعباذا سبع حصص ونموت لين ما تخلص طيب كيف تس واللل الله يعينا بعدين الاكل مثل اليابس والعصير يا ويلي مين يايبينه وكل شي موب حلو يا ريت ردونه مثل الاول
[/align][/cell][/tabletext][/align]

[SoOo SoOo]

حرام عليكم .. نص اليوم يروح و نحن في المدرسة >> حشى لها الدرجة الدح ..!!

ترى و الله كثيييير من الطلاب مستواهم نزل كثيييير و انا اولهم ..!!

مع اني ادرس طول و الوقت و ما اطل زين في الإجازة .. احس الحين ما عاد يكفي يومين اجازة ..

اذا المسات يقولولنا يوم الأحد عليكم امتحانين عادي عندكم جمعة و سبت درسوا فيها ..

حشـــــــــــــى نبى نرتاح نبى نتنفس .. الواحد جت له حالو نفسية .. قسم بالله كرة المدرسة ..

خليتوا الواحد ياخذ جبال من الذنوب من كثر ما ندعي و نسب على [ ..... ] .. !!

و الله اروح اسأل ماما .. ماما عادي اطلع من المدرسة ..!!

طول عمري كنت احب التعليم و العلم .. ما كنت اتخيل ان يجي يوم اقول ابى اطلع من المدرسة ..


صرت اتمنى ما يجي بكرة .. لأن علينى مدرسة ..!!

صح ان ما كنتا نحن الإمتحانا و الواجبات .. بس الحين صرت اكرها .. احسهى جبال من الهم و الغم ..

ترى في كثير كلام .ز بس علي بكرة امتحانين و مشروع و واجبات >> طبعا كان عندنا جمة و سب اجازة ><

الله يرحمنى بس ..!!

حشى حسوا في شوي .. ما عندكم اولاد .. !!

و الله المستعان ..

موفقين ..

مع السلامة ..

[بصـ إبداع ـمة]

شوـؤ هـ‘ آلحآأإل..

يعني زين لهم نرجع مع صلآأإت آلعصر..

بعدين نسيير الدينية ونرجع المغرب ..

متى بنلحق نذآأإكر ونحل وآأإجبآأإتنآأإ..

وبعد بعض الأبلآأإت مآأإ يرآأإعون يعطونآأإ درزن من آلوآأإجبآأإت..

يعني شوـؤ هـ‘ آلحآأإل أنآأإ معآأإرضة مليوـؤن مرة..

والله قهررررررررررررر يرفعوـؤن آلضغط..

[مالكة الفرح]

معاكم حق من هالكلام و بعدين محد يفكر فينا وااجبات و تقارير و مشاريع و امتحانات من يوم الاحد للخمييس و على فكرة انا وحدة مستوااي نزل واايد خيفاانة كم بتوصل نسبتي هالسنة و خاصة انا بنت علمي و صح انه ما يفرق علمي و الا ادبي بس المعلمات يذبحنه من كلامهن انتن شو دخلكن علمي و انتن ما تدرسن و من هالكلام اللي ما يخلص كيف يبون مستوانه يتعدل بالعكس جي كل المستويات نزلت لانه الوحدة ترجع البيت عند اذان العصر ما يواحيلها نسوي شيء اذن العصر و الله انه محد يفكر فينا
بلييييييييييييز رجعولنا الدوام مثل قبل

[غرشوب111]

دام جي السالفة خلاص انا بشرد من المدرسة وكله بغيب احسن حل انا بعطيكم اشردوه من المدرسة وانا بحوطكم لاتخافون خلاص بنتفق علي الشرده دام جذا السالفة بيخرونه وبيلسونه بنتعفن نحن في المدرسة نحن يالله يالله نيلس لسن ساعة وحده الله واكبر

[صدامـ مايهــزكـ]

شباب انا مب راضي الصراحه اي الطلبه بيفهمون اكثر اي خرابيط الطلبه قامت تحسب الوقت الباقي من بعد الحصه الخامسه تبدا السوالف وانا اشوف انه الطلبه من كثر ما يملون ييلسون يلعوزون الاساتذه وهذه شي ميرضي انزين نحن نرد الساعه3 منرقد يعني
رقدنا3ساعات صارت الساعه 6 يبالنا نيلس ويا اهلنا تقريبا 1.5 صارت ساعه7.5 ونروح سوق او مكان كم ساعه9 ونتسبح 9.5 بذمتكم بعد 9.5 حد يقدر يراجع حزتها النوم سلطان
تحياتي تحملوني ادري اني تكلمت وايد بس شنسوي مب في ييدنا

[سيل الدموع]

شكرا على الطرح.,,.,.,.,

[بلقيس 92]

السلام عليكم

تم تمديد ساعات الدوام في العام الدراسي الحالي الى تسع حصص ؟

الأسئلة التي تدور في المجتمع كثيرة منها ..... ؟

هل البيئة المدرسية مهيأة للدراسة لفترة ما بعد الظهر ؟
هل الاستيعاب سيكون جيدا ما بعد الحصة السابعة ؟
هل وهل وهل ؟؟؟

نحن هنا في الخليج قد نختلف كثيرا عن أوروبا في مسألة الوقت والطقس والعاداات والتقاليد فلا يمكن الاعتماد على ماهية المنهاج الدراسي وكثرة الحشو الذي يحويه وفترة الإنتهاء منه وعدم الأخذ في الاعتبار المسائل الأخرى المترتبه على هذا القرار ...


هناك تساؤلات وآراء كثيرة .... أود من أولياء الأمور والمعلمين والطلبة مناقشتها هنا لكن من دون تجريح فالكل يستطيع إبداء رأيه وإعطاء مقترحاته ومحاولة إقناع الوزارة بوجهة نظرة

وهنا أضع بين أيديكم هذا الإستطلاع عن مدى رضى المجتمع عن تمديد ساعات اليوم الدراسي

بسم الله الرحمن الرحيم
الاخ الفاضل
انا ولية امر ولدي ولدين بالمدرسة الحمدلله مستواهم الدراسي ممتاز وجيد جدا
ولكن ضد هذا القرار
يعني اذا يرجع الطالب الى البيت بوقت متاخر ولاننسى انه يصحى ايضا بوقت مبكر يعني من الساعه 6 الصبح الى الساعه 3 او 4 العصر بصراحه تعب وهذا الشي اكيد بدون اي شك ما بيكون لا في صالح الطالب ولا في مصلحة المدرس الطالب راح يقل تركيزه خاصة بالحصص الاخيرة والمدرس بعد بيقل عطائه وايضا نفس الشي بالحصص الاخيرة لان المجهود اكيد بيكون في بداية الدوام المدرسي
اما اذا الوزراة حابة تطبق مثل نظام اوربا واليابان لازم ناخذ منهم كل شي في مجال التعليم فلاتنسى تهتم من الناحية الغذائية او بالحصص الغذائية للطالب مب بس تعالوا ياطلاب وقعدوا تعلموا