انا موجود لأي استفسار عن البعثات .!!

[بوعوف]

اقتباس:
المشاركة الأصلية كتبت بواسطة اماراتي 90
اخوي بو عوف .. بما انك تدرس فأمريكا .. ممكن تقول لي شو احسن جامعة من هالجامعات؟
Georgia Institute of Technology
Texas A&M
University of Wisconsin
University of Florida
California State University
North Carolina State University
Pennsylvania State University
Massachusetts Institute of Technology (MIT)
University of Michigan
و بخصوص الايلس .. شو لازم اخذ لو بقدم لبعثة .. Academic و الا General ؟

و مشكور مقدماً



السلام عليكم اخوي الكريم ..

ما اعرف شو اقولك .. المفهووم ها انسوه .. ماشي اسمه شو احسن جامعة .. لكل جامعة تخصص قوي فيها ..
انت اللي معطيني ايهم افضل الجامعات ف امريكا .. منها الاولى و الثالثة و الخامسة بس ها المعدل العام .. فانت لازم تختار تخصصك وعليه تبني تقييمك للجامعات ..

اما الايتلس .. ف الصراحة انا ما عندي علم عنه .. معظم الشباب او البعثات تتطلب التوفل .. ونوع IBT بالذات

السموحة اخوي على القصور ..

[اماراتي 90]

هلا اخوي

التخصص اللي اباه هندسة نووية

انا ابي جامعة تكون فولاية آمنة و متطورة و فيها كل الخدمات .. و من ناحية مستوى الجامعة بعد

و مشكور عالرد اخوي

[بوعوف]

الجامعات اللي عطيتني اياها قوية جدا
ف تخصص الهندسة النووية عندك MIT , PENN STATE , Uni of MICHIGAN
هالجامعات اللي القوية اللي اعرفها .. من ناحية المناطق و الامان .. انا موجود ف ولاية ميتشيغن و الامور طيبة ..
بس اذا تبي نصيحتي سير جامعة Pennsylvania State University
فيها الامان + شباب اماراتيين معظمهم يدرسون نفس تخصصك ( يعني بتحصل مساعده منهم ) + منطقة حلوة عدالها نيويورك و واشنطن ..

حاول تبحث اكثر .. يمكن اكون غلطان ..
و السموحة ع القصور

[ميجا]

اخوي انا ف مدرسة الخاصة ..

شو لازم اسوي عشان يقبلون شهادتي . ؟

وثآنكس ^^

[بوعوف]

اقتباس:
المشاركة الأصلية كتبت بواسطة ميجا
اخوي انا ف مدرسة الخاصة ..

شو لازم اسوي عشان يقبلون شهادتي . ؟

وثآنكس ^^



هلا أخوي ..

أظن من المطلوب عسب تصدق شهادتك .. تمتحن امتحان SAT وطبعا لازم تكون درجه الريدنج و الماث درجة معينه .. حاول تستفسر من التعليم العالي


السموحة ع القصور

[ميجا]

اهـا

امتحنهـا ف الإمارات ولا ف البلدة إلي بنبعث لهـا ؟

وآسف ع الإزعـاج ^^

[بوعوف]

اقتباس:
المشاركة الأصلية كتبت بواسطة ميجا
اهـا

امتحنهـا ف الإمارات ولا ف البلدة إلي بنبعث لهـا ؟

وآسف ع الإزعـاج ^^



اهلين اخوي ..
لا لازم تمتحنها اهنيه ف الامارات .. عسب وزارة التعليم تصدقها .. لأن البعثات كلها تطلب هالشي من طلاب المدارس الخاصة

[مايرحم هزاع]

هلا والله بابو عوف ........ موضوعك رهيب والكل يتفاعل وياه وعندك معلومات تحسد عليها اللهم لاحسد
اخوي انا نفسي ادرس هندسة نووية فاب اعرف اذا في جهات تقدم بعثات على هذا التخصص لاني بعثة الامارات للطاقة النووية ماظن الحق عليها لانهم بسكرون باب التسجيل 10-6 وانا ماطلعت توفل لحد الان مع العلم ان نسبتي 88 الفصل الاول وانشاء الله في النهائي ناوي على 90 ومشكور على التفاعل ويزاك الله الف خير

[بوعوف]

اقتباس:
المشاركة الأصلية كتبت بواسطة مايرحم هزاع
هلا والله بابو عوف ........ موضوعك رهيب والكل يتفاعل وياه وعندك معلومات تحسد عليها اللهم لاحسد
اخوي انا نفسي ادرس هندسة نووية فاب اعرف اذا في جهات تقدم بعثات على هذا التخصص لاني بعثة الامارات للطاقة النووية ماظن الحق عليها لانهم بسكرون باب التسجيل 10-6 وانا ماطلعت توفل لحد الان مع العلم ان نسبتي 88 الفصل الاول وانشاء الله في النهائي ناوي على 90 ومشكور على التفاعل ويزاك الله الف خير



اهلين أخوي ..

و الله الموضوع لاجلكم يا الشباب و البنات .. تراني طالب مثلكم واعرف معاناتكم ..

مثل ما قلت ف المشاركات السابقة .. الهندسة النووية مطلوووبة جدا .. خصوصا ان الدولة بتعتمد مصدر الطاقة النووية اليديدة .. ف اذا فاتك التسجيل ف بعثة النووي . مب مشكلة .. عندك الديوان و التعليم العالي و جهاز ابوظبي للاستثمار .. بس اخوي انت عليك انك تقدم بسرعة .. حتى بعثة النووي قدملها .. وقولهم انا بامتحن التوفل و عقب بطرش الدرجة و ان شاء الله بيتفهمون امووورك ..

يالله شد حيلك و عقبال 99 .. مب 90 ..

السموحة ع القصور .. و الاطالة ..

واي استفسار انا حاضر

[ميجا]

أهــااا

حبيت اسأل عـن البعثة الخاصة للهندسة النووية

ناوي ادخلها إن شاء الله ..

بس ابغي اعرف كم لازم أييب ؟

لإني مرة سمعت لازم اييب فوق الـ85 ومرة فوق الـ80 : (