تمديد ساعات اليوم الدراسي هل في مصلحة الطالب ؟

[شارية وناستي]

حرااام والله متى بعد يردون يذاكرون ويكتبون واجباتهم والله انه حرااام
ياليت الدوام القبلي يرد

[هموسهـ]

والله شو هالمصخره كل يوم بـ قرار نازلين لنا .. بصراحه يتمون ع قرار واحد .. كل سنه طلعوا لنا شيء يعور القلب ..

وبعدين على آي آساس يمددون الفتره يعني إحنا ماورانا صلاه الظهر ولا يبونا انصليها مع العصر ..

والله ع الاقل يحسون في الطلبه ومعاناه الطلبة .. والله تعب .. ع الحصه الاخيره الكل راقد وتعبان محد متفيج ينتبه ولا يسمع شيء .. إذا المعلمات بنفسهن مب قادرات واللله اليوم طاحت وحده من المعلمات علينا من التعب .. مب حرام عليهم جي ..


بصراحه الوزارة يبالها من جديد تعدييييييييييييل ..

واسمحولي ع هالكلمة ..

[الزعيم_999]

منو بيفهم عقب الحصة السابعة نحن عقب السادسة ياله ياله نفهم

[همس مطر]

بسم الله الرحمن الرحيم

السلام عليكم ورحمة الله وبركاته


اما بعد



نقوم الصبح الساعة 6 تقريبا نتجهز لين الساعة 7 والساعة 7 ونص يجي الباص
ونوصل المدرسة الساعة 8 تقريبا وكل حصة ساعة تقريبا 50 دقيقة يعني ساعة
الحصة1نفهم والحمدلة و البريك يكون 30 دقيقة وما ناكل عدل الاسباب انقالت فوق
والحصة الرابعة والخامسة يدخل شوية معلومات والبريك يكون اقصر من البريك الاول
يعني نصلي فيها وخلص البريك والسادسة اللي تكون راقدة ولا تكون مدوخة ولا تكون راسة
يعورها يعني ولا معلومة تدش الراس والسابعة كل الطالبات راقدات ودق الجرس البيت
نركب الباص ونوصل البيت وحنا في الباص نسمع اذان العصر مو حالة هذي
ندخل البيت صلينا ورحنا نتسبح ونروح ناكل لقمة في حلوجنا ونريح شوية بنذاكر يأذن المغرب
ويتنا الرقاد نحل الواجبات كلها اخطاء وحليلنا ونذاكر الأمتحان ولا معلومة تدش الراس
ونروح نرقد الساعة 9 لازم رادين من المدرسة يعني تعبانين وتطلع الشمس ونروح المدرسة


هذة حالت الطالبات يعني مو حرام تمددون الحصص وتضيفون بعد لين الحصة التاسعة 9
يعني احنا الطلبة متنا من الارهاق والتعب واليوع ....

(( ارفض رفض تام تام تام النظام الجديد ... ))


[marq="1;right;3;alternate"](( ارحمو من في الرض يرحمكم من في السماء ))[/marq]

[~ســـلامـــه~]

هييه صح نحن بعد الحصه الساابعه خلااص نفضي ماافيناا طااقه

وحتى مانلحق نذااكر المواد او نحضر او نسوي بحووث والله مااعدناا وقت

بس مااقوول غير الله يعييييناااا

[samoy]

أنا أعارض بشدة تمديد ساعات اليوم الدراسي لأنه مرهق جدا ً ولا نجد وقتا ً حتى للاستراحة والتركيز في
المواد الدراسية وتقسيم الوقت للتقارير والمشاريع والامتحانات والواجبات كيف نوفق هذا كله كل في يوم . طاقاتنا كلها
تستنفذ منا بطريقة فوق الوصف والطالب غير قادر تحمل كل هذا باستثناء بعض الفئات من الطلبة فضغط الامتحانات وطلب المعلمين والمعلمات التقارير والمشاريع في موعد لايكفي للطالب حتى أن يأخذ وقته في عمله لتسليمه كامل متكامل ويجب أن يراعوا طلاب وطالبات الثانوية العامة هؤلاء أكثر الناس ممن يحتاج وقت للدراسة وللراحة لتحصيل درجات التميز لمن يرغب منهم .
أرجو من الوزارة أن تجد حلا ً لنا .

[محمد الشعري]

حراااااام والله بس شو بنسوي اصلا نحن 7 حصص وما نخلصها (( نشرد )) ويقولون 9 حصص والله حراام مت بنخلص دروسنا ويعطونك بعد 2100 واجب بس خلها على الله هذا اللي بنقوله

[عيناوية غير2007]

صراحة يعني هاي مب حالة احنا ثانوية عامة و علمي بعد يعني كم مادة عندنا و الدروس وايد صعبة ما نلحق نذاكر يعني شو نسوي نرد البيت يا دوب نرتاح ونبدا نذاكر ولما نروح المدرسة نروح مسطلين لانه ما رقدنا مدة كافية والله حرااااااااااام عليكم

[ula school]

والله صح

ما بيكون في وقت عشان مذاكره

[ula school]

لا مستحيل

يعني نرجع من مدرسه ساعه 4 او 5