تمديد ساعات اليوم الدراسي هل في مصلحة الطالب ؟

**مخرج الدهماء** · 13-12-2009, 04:07 PM

[align=center][tabletext="width:70%;"][cell="filter:;"][align=center]و الله الله يعين الكل حتى النوم ما نشوفة[/align][/cell][/tabletext][/align]

**بريطاني حيري** · 13-12-2009, 04:22 PM

والله انا مع اخواني شو هذا تبونا بعد ندرس 9 احصص والله ما ادرس ورفقة الشيبة ما ادرس 9 احصص والي ريال يرفع راسه عيل ولا ابو اكبر شنب
اخوكم بو عقيل

**shatha2007** · 13-12-2009, 05:31 PM

ايه والله انا اروح وانام في الحصه
خخخخخخخخخخخخخخخخخخخخ

**نادين احمد** · 13-12-2009, 06:08 PM

انا ان كان عليا احب الدراسة فى الفطرة بعد الظهرة ودى احسن بنكون فقنا من النوم حلو يعنى

**samary coOl** · 13-12-2009, 07:37 PM

لا ح ـول ولا قوة إلا بالله ..

{ نحنا عندنا ( 5 ) حصص و لوؤوؤوؤوعة جبد

كيف بتكوؤون الدرآآسه اذا خلوهم ( 9 ) حصص ..

ع ــآد البنآت صدق بيصطلون ..}

الله ايع ـين الجميع !!

**مدى الحياة** · 13-12-2009, 07:56 PM

المشاركة الأصلية كتبت بواسطة كارولينا

انا ابـا افهم شـي واحد !

وزارة التربية و المشرفين ليش يسوون استطلااعات ومادري شو !

من العام وهم يحطون هالاستطلاعات ولا تغير شي

ليش تخلونا نكتب و نعور قلوبنا و انتو من هناك ماتتحركون ؟؟ !!

كمن واحد احينه دش و كتب وطلع اللي ف خاطره ! ماتحسون شوو !

عيل لا تسوون هالاستطلاعات يوم انكم ماتسمعونا

والله الصراحه شي يرفع الضغط !

دوااااام ليين الساعه 3 !! وقسسم بالله اول مايخلص الدوام و اركب السياره يأذن العصر

حرااااام عليييييكم

حتى غدا ما اتغدى ارد بسرعه ارقد ساعتين والا ساعه ونص وانش اذاكر !! مب حراااام

كل يوم امتحااان كلل يووووووووم امتحانات شفويه و تحريرية مانروووم نرتاااح

وطول اليوم دراسه و غير التقارير اللي مب مستفيدين منها شي وهالمشاريع اللي ماتخلص !

مانحصل وقت نسوي شي !!! حشى شو هالمخ اللي يقدر يستوعب !!!

اصلاً ماشي فايده من هالدقايق اللي زدتوها

اول مايدق الجرس البنات برع الصف و 5 دقايق لين ما الابله تي ..

و5 دقايق لين ماتسكت البنات .. يعني نص الحصه راحت

والابله تدخل علينا تعبانه ماترووح تشرح

وكل يوم ع هالموال ولين احينه ماخلصنا المناهج !!

والفسحه الاولى 20 دقيقه و فسحة الصلاه ربع ساعه

لين مانتوضى و نسير المسيد انصلي دق الجرس

يعني 20 دقيقه بس نرتااح شو هالظلم

حراام عليكم ونحن اللي ف الثنويه واايد نكرررررف

مب حاله هاي

منو بيسمع بس !!!!

صدقتي ..

لكن لـآ حيآة لمن تنآدي .. ومهما نفخت على الرماد يبقى رماد..

بس صج هالـإستطلـآع‘ـآآت بس فضفضه ولـآآ شوو ..؟

في حد يسمع ويشوف ..؟؟

في حد بيقرا ردودنا,,؟؟

بتغير الوضع ولـآ لـآ ..؟!

**uae~a** · 13-12-2009, 08:07 PM

[fot1]

[/fot1]

**عيناوي يعشق التحدي** · 13-12-2009, 08:07 PM

هههه
احنا ما يهمنا الوضع
الحياة حلوة ،و الحمدلله الأكل موجود خخ
و الرقاااد الحمدلله نرقد فالحصة ،

ياخي بتتذكرون هالايام يوم بتكبروا
هع

**طموحي عالي 1** · 13-12-2009, 08:41 PM

تبون الصراحة أحنا مانقدر
مايوديلنا أول مانوصل البيت أذن العصر واحنا ماصلينا الظهر لأن الفسحة عشر دقايق انسير نتوضى ويرن الجرس
لا بعد بدرسونا تسع حصص لا عز الله نجحنا .
تعرفون إنا كل خميس نيلس لساعة 5,5 يعني قبل المغرب
تعرفون كم باقي لينا من المنهج في علم النفس وحدتين كاملات
وامتحانات التقويم المستمر عاد تكفي كليوم اثنين وثلاث احنا كم بنستوعب لا والكميات كبيرة (وحدة ونص , لا وحدة كاملة ).
امتحانات الأنجليزي لازم 30 امتحان هذا أقل شيء في الفصل الواحد .
احنا متى منسوي هذا كله كم عقل لينا الوقت إلي عدنا كله لتقارير والمشاريع والواجبات يعني ماشي وقت للمذاكرة
يعني احنا عادي انواصل يومين كاملات مانرقد عسب نذاكر للا متحان
على كل حال الله يعينا ويعين مدرسينا

**al.9amt** · 13-12-2009, 08:48 PM

إصراحة تعب متى يمدينا نرجع ونصلي ونرقد ونذاكي

واللهـ تعب أنا محتجة

أخوي عيناوي صدقت بس نبي نشد الهمه وراي دكتوراه ^ــــ^

مشاهدة نتائج الإستطلاع: ما هو مدى رضاك عن تمديد ساعات اليوم الدراسي ؟

الموضوع: تمديد ساعات اليوم الدراسي هل في مصلحة الطالب ؟

أدوات الموضوع

عرض

ضوابط المشاركة