انا موجود لأي استفسار عن البعثات .!!

[قائد الدراسة]

في استفسار بسيط جدا

الحين البعثات تبي اما توفل ولا ايلتس صح؟

بس السيبا اللي يمتحنونا فيها حق شو؟

[بوعوف]

اقتباس:
المشاركة الأصلية كتبت بواسطة قائد الدراسة
في استفسار بسيط جدا

الحين البعثات تبي اما توفل ولا ايلتس صح؟

بس السيبا اللي يمتحنونا فيها حق شو؟




اهلين اخوي ..

طبعا مثل ما قلت التوفل و الايلتس تطلبها البعثات عسب تقدمهن للجامعات ..

اما السيبا .. فهو نوعين رياضيات و انجليزي .. والاثنين يخولونك انك تطوف اللفلات اللي في جامعة الامارات و كلية التقنية .. وطبعا سيبا الانجليزي يدخل في درجات التقويم .. ف هالشي الوحيد اللي بتستفيد من السيبا ..

[بوعوف]

أختي نهلا .. و الله ما عندي اي علم بهالشيء .. لاني موضوعي مقصور على الطلبة الاماراتيين ..
واظن لو تقدرين .. تتواصلين مع السفارة المصرية في الامارات .. لان معظم الدول تكون بعثاتها عن طريق السفارة ..

[تآآمي]

هـلآ آخوي
آنـآ طالبة ف ثاني ثانوي علمي و نسبتي فوق 85% عطوني بعثه لـ ايرلندا ف الحرم الجامعي

طبعا اهلي موافقين بس انـآ ما اعرف شي هنآك و لا ادري عن دراستهم

آرووح و لآ ؟؟

[بوعوف]

اقتباس:
المشاركة الأصلية كتبت بواسطة تآآمي

هـلآ آخوي
آنـآ طالبة ف ثاني ثانوي علمي و نسبتي فوق 85% عطوني بعثه لـ ايرلندا ف الحرم الجامعي

طبعا اهلي موافقين بس انـآ ما اعرف شي هنآك و لا ادري عن دراستهم

آرووح و لآ ؟؟

السلام عليكم ..

دام اهلج موافقين سيري .. بيكون كورس تجهزي لج .. اذا كنتي يوم من الايام بتفكرين انج تدرسين ف الغربة .. ست اسابيع تقضين فيها الصيف .. دراسة و لعب و تروحين عن نفسج و تكتسبين خبرة ..


يا جماعة الخير .. اللي اتييه نفس هالبعثات يسير و الله بيستفيد .. و سرت مرتين على هالبعثات .. و استفدت واايد ..
فارجو من اي واحد فيكم اذا يته الفرصة أو يعرف احد يرووم يسير خله يسير
و السموحة ع الاطالة

[pinkyprincess27]

اممم عندس سؤال d: إذا كنت أبي ادرس برع مثلا استراليا أو كندا أي نوع من امتحان الielts لازم آخذ؟
ثانكس

[بوعوف]

السلام عليكم اختي ..

اللي انا اعرفه .. انه شي نوع واحد للايتلس .. اما التوفل اكثر عن نوع .. بس دامج بتسيرين كندا او استراليا خذي الايلتس افضل لانهم يعتمدون النظام البرطاني

[هب صاحي]

السلام عليكم ورحمة الله وبركاته


حيه بوو عوف والله انك ريال نشمي لو انا مكانك بطفر من كثر الاسئلة لكن السموووحه من باجي الاخوان

بو عوف بغيت اخبرك عن حالتيه وانت شوف الترتيبات الزوينه الي تناسبني

انا طالب ف مدرسه من مدارس دبي الحكوميه ثالث ثنوي _ علمي نسبتي الفصل الاول 83.5% ومجبلين ع امتحانات الفصل الثاني ةالحمد الله قدمت ف كل شي من قبل التعليم العالي و لغتي الانقليزيه لك عليها شوي هب ذاك الزوود اذكر المؤنث و اانث المذكر ......... لكن افكر ادخل الشرطه و افك عمري من البعثات حتى بعثات الشرطة تعايزت عنها لأنها من بعد ما تخلص يأخرون تجنيدك يحني يوم توصل تقريبا 29 سنه يعسكرونك في دوره عسكريه وتكون قبلها مخلص الدراسه بسنتين و مدني بس ع الله وعندي ترتيبات في ديوان محمد بن راشد شو الراي ................... والسموووحه ع الاطاااله

[بوعوف]

هلا اخوي .. هب صاحي

ههههه تراها ما تركب .. احس اني يالس اسبك ..

المهم ..

الخيارات ترجعلك انت .. لانه ها مستقبلك مب مستقبلي
اللي اقدر اقولك .. الاختيار لازم تبنيه ع تخصصك ,, وكيف بتشتغل .. يعني تسال عمرك بعد الدراسة هل هالشغلة تعيبني ولا لا ..
البعثات كلها تتطلب انك توقع على عقد انك بتشتغل معاهم عقب التخرج لمده 4 سنوات .. يعني هم بيوفرون لك المكان المناسب لتخصصك .. اما الشرطة و الجيش فانت بتيلس معاهم اكثر عن 10 سنوات .. فاللي ابي اوصله .. انت يتكون مستانس ولا لاء ف هالشغلة لمدة طويلة ..

و السموحة ع القصور و التاخير ..
وان شاء الله اكون افدتك ..

[اماراتي 90]

اخوي بو عوف .. بما انك تدرس فأمريكا .. ممكن تقول لي شو احسن جامعة من هالجامعات؟
Georgia Institute of Technology
Texas A&M
University of Wisconsin
University of Florida
California State University
North Carolina State University
Pennsylvania State University
Massachusetts Institute of Technology (MIT)
University of Michigan
و بخصوص الايلس .. شو لازم اخذ لو بقدم لبعثة .. Academic و الا General ؟

و مشكور مقدماً