تمديد ساعات اليوم الدراسي هل في مصلحة الطالب ؟

**روح التعاون** · 30-10-2009, 04:11 PM

الله يـــــــــــــسامحهم

مشكوره على الموضوع

**bίήţ uae** · 30-10-2009, 04:13 PM

بصراحة أنا أرى أن 9 حصص كثيرة وجميعنا سنشعر بالتعب وعلينا أن نعطي الطلاب حقهم في الراحة يكفي أنهم متضايقين ولا يريدون الذهاب إلى المدرسة وأرى أن تبقى الحصص كما هي لا 9

**سنيوره بوظبي** · 30-10-2009, 04:15 PM

انا بالنسبه لي الداوم عادي .... انا من بعد اول اسبوع احس اني تأقلمت في الداوم وتعودت عليه ...

صح ارقد واضطر اني ايب معايه دله الشاااااااااااااااي اللي اخلصها بروووووووووووحي في الداوم ...

بس شوه نسوي ماباليد حيله ...

صح مرتاحين مع النظام الداوم القبلي ...

بس الحين زادونا 2 حصه .. ونضطر ان نتقبل هالشي ... حتى لو سرنا واشتيكنا في الميلس واشتيكنا ...

هم يدرون ان نحن هب عاايبنا الدوام عشان اممم انه طويل وانه مايفيد ...

اان الداوم يفيد ويايه بس المشكله يوم يخلون في الحصه السابعه ولا الثامنه ولا التاسعه فيزياء ولا كيميا ولا احيا ولا رياضيات ...

انا اتقبل يحطوون دين ولا عربي ولا انجليزي ولا جولوجيا ...

بس يوم اتيي الحصه الثامنه يوم الخميس ويكون علينا رياضيات .... بصراحه هم مايبون الا انهم يقضون علينا ...

بس ماقول غير الله كريم ...

انا باقيلي هذي السنه واللي عقبها وبتخرج وبسير الجامعه ومناك الداوم بيكون اطول من دوام المدرسه

فاكيد ان هالشي يعني يريحيني لاني بتاقلم مع الداوم عقب ...

والحمدالله على كل حال

**سنيوره بوظبي** · 30-10-2009, 04:20 PM

انا والله معاكم ان الداوم طويل و وايد اشيا تأثر علينا ...

بس انا الصراحه ماشوف الموضوع من هالمنظور ...

لو سرنا في كوريا وشفنا هم مناك اللي يدرسون شوه مستوي فيهم والله كل واحد فينا يقول الحمدالله انه يداوم 9 حصص بعد...

في كوريا يتمون في المدرسه اكثر من 12 ساعه يتمون لين الساعه 6 ...

ونحن معترضين عشان نتم في المدرسه لين 3 ونص ...

ولان في كوريا يتمون لين الساعه 6 عندهم الانتاجيه تكون اعلى ...

ونحن معترضين لان الدوله تبى مصلحه المجتمع ...

فانا اقول اني راضيه ...

ومشكله الصلاه ... ماقصروا عندنا مخلين عندنا وقت للصلاه ونحن الحمدالله نصليها ....

والحمدالله على كل حال ...

هم ماسوا هالشي الا عشان يزيدونا حصتين في الانجليزي والعلمي ياخذون حصتين رياضيات ...

في ادي ياخذون حصتين عربي ...

والحمدالله

**الحلا كلو** · 30-10-2009, 04:20 PM

حرام كتيييييييير عم نتعب و بآخر 3 حصص عم ننام

**فتاه الامارات** · 30-10-2009, 04:21 PM

احنا بس سبع حصص وارقااااااااااااد ...
والحصه السادسه ما نفهم شيء ... انتو 9 حصص بس شو انقوول الله يعينا ...

**صلاح العراقي** · 30-10-2009, 04:45 PM

السلام عليكم ورحمة الله وبركاته
ياجماعه ارحمونا شوي والله الوزارة تعبتنا من قراراتها
كل يوم قرار ياريت يستقرون على شي بدؤا بالتقويم المستمر وبعدين التقارير والبحوث وبعدين الواجبات والحين يريدون يخلون الدوام 9 حصص مقابل 10 دقايق راحة واحب اعلمهم انهم بهذا الشي ما يطورون الدراسة والمستويات لكن كاعدين يتعسون الدراسة ويخلونا نكرة شي اسمة مدرسة
الله المعين على القادم بس لا يمنعون الفصحة بعد خخخ

**xxzzz** · 30-10-2009, 04:56 PM

الله كريم اصبرو

**haboooosh** · 30-10-2009, 05:02 PM

اكيد ضد
لانه خرب روتين حياتنا الي كنا متاقليم عليها لنا اكثر عن عشر سنين
وبعدين هالنظام ما خلة وقت لشي ارد البيت بعد صلاة العصر
متى بنتغدى متى بنصلي متى بنذاكر متى بنرقد
مافي وقت لاي شي
ارد البيت اجابل الكتب لانه ما شي وقت ادرس يعني من اول ما ارد ادرس وياليتني اخلص كل الي علي
وبعدين ما ييوز مطولين الدوام وتحطون في الحصص الاخيره مواد يبالها فهم وتركيز
انا عندي يوم الاحد اخر حصتين وحده رياضيات و الثانيه احياء
والاثنين يبالهم تركيز وعقل صاحي
نحن ع الدوام الجديم كنا ع السادسه خلاص نتعب
كيف لو لين التاسعه ويالسه ادرس رياضيات بعد
والله حراااااااااام و ما بتسفيدون شي ولا بتحصلون اجيال بمعدلات عاليه
حسبنا الله ونعم الوكيل

**az2009** · 30-10-2009, 05:02 PM

و الله هب راضين انرد الساعة 3 و متى انذاكر ان شاء الله؟؟

مشاهدة نتائج الإستطلاع: ما هو مدى رضاك عن تمديد ساعات اليوم الدراسي ؟

الموضوع: تمديد ساعات اليوم الدراسي هل في مصلحة الطالب ؟

أدوات الموضوع

عرض

ضوابط المشاركة