ما هو رأيكم بالفصول الدراسية الثلاثة ؟

[FUTOON CUTE]

والله الفكره نفس راسه وع اونه عآد يبى يسوي شي بس مب عارف شو يسوي حشا مب سكول 3 عاد 2 شوي وبنمووت اخخخخخخ

[عصابة المتعة]

انا موافق و موب موافق


موافق علشان بتكثر الاجازات كل فترة وفترة وفترة ___ و مب موافق علشان التعب والنكد علينا في الحر (([[الراي الاول والاخير راجعلكم]]))

[الفتيني]

لا ولا ولا احنا زين متحملين فصلين

[علايه الشامسي]

انا لا اوافق على نظام الفصول الثلاثه لانها متعبه على الطلاب وبعدين بلادنا جوها حار وايد

[عذآبي]

احسه هالنظآم حلو .. بس شرط يخففوون ساعات الدوام الرسمي والموآد اللي نمتحهنم اخر الكورس ^^

[إيزي]

أنا أأيد هالنظام وبشده !!
اعتقد انه الطلبة انصدمو من الخبر [ 3 فصول ] وما ركزو ع طريقة الدراسه والتسهيلات اللي امسوينها لهم في هاي السنه الدراسيه ..
بقولكم شو الايجابيات :
1- الاجازات وطبعا اعتقد هذا هم كل الطلبه الاول والاخير ،، لا اتقولون لا .. الواحد من يسمع [ اجازه ] يستانس ويطير عقله .. واظنيه اغلبكم مايعرف انه سنة 2010 بتصادف كل اجازاتها يوم الجمعه وقرار من الوزير طلع هالسنه انه اجازات يوم الجمعه ما تتعوض يعني لو كانت السنه الدراسه فصلين ما بنأجز ابدددن غير فاجازة الربيع اللي هي عقب الكورس الاول اظنيه مافكرتو بهالنقطه !! معناته الكورس الثاني بتنكرفون وبتتعبون يعني اداومون من بداية شهر 2 لين نهاية شهر 6 وماشي ولا اجازه !!!
2- امتحانات الكورس بتكون على خمس ايام فقط !!!! اظنيه هذا شي المفروض الكل يسعد به !!! يعني طلبة القسم الادبي اللي يمتحنون 11 مادة واللي 10 مواد اسبوعين الطالب يكون على اعصابه وما يواحيله يدرس قبل الامتحانات كل المواد وكمية الحفظ كبييييره ونفسية الطالب [ زفته ] <~ اسمحوليه على هالكلمه بس هذا هو حالنا / لازم مايرفضون هالنظام لانه من صالحهم ..
3- الطلاب اللي مستواهم ظعيف او اللي صار له ظرف فكورس من الكورسات ونزل مستواه او رسب لا سمح الله يقدر يعوض وما بيأثر عليه وايد اذا شد حيله فالكورسات الباجيه !! اعتقد الواحد لازم مايكون اناني لهالدرجه ويشوف شاللي يريحه ويفكر فغيره !!
4- بما اني السنه اليايه آخر سنه باذن الله اعتقد النظام ممتاز جداً لطلبة الثنويه العامة وهي اهم مرحلة فالثنويه كلها !! الطالب بيقدر اييب نسبه يرفع فيها راس اهله ويفرح بها !!
5- مب متأكده اذا هالخبر صح والا لا ،، بس سمعت انهم بيلغون الكيميا والفيزيا عن طلبة القسم الادبي .. وهذا شي حلو !!

يمكن الشي السلبي اللي شايلين همه الطلبة هو البحوث والمشاريع والتقارير وهالامور خلال الكورس .. صح انيه اتعب وايد لين ما اسوي البحوث والمشاريع بس ما اعتقد انه هذا شي سلبي !! بالعكس هاذي تهئية للحياة الجامعية الواحد لازم اتكون له نظره مستقبلية للامور !! تتخيلون لو مانعرف انسوي بحوث وتقارير وبروجكتات وندخل الجامعه او الكليه واللي تعتمد بشكل اكبر ع هالامور كيف بتكون حالتنا !! اكيد بننصدم والنتيجه مابنحصل المستوى اللي نتمناه فالكليه او الجامعه !! وبعدين شو سبب رفض هالنظام !! ماشي اي مبرر ترا ايام الدراسه هي نفسها 180 يوم ما بتزيد ولا بتنقص !!

اتمنى ان الواحد يتأنى فقراراته وما اظنيه وزارة التربية والتعليم لهالدرجه ماتعرف مصلحة الطالب !! اكيد هم يبون يسهلون لنا الامور والا لو نحن ع النظام الجديم لا بحوث ولا تقارير ولا مشاريع اللي عليهم النسبه الاكبر من الدرجات جان الطلبة من زمان [ فالمشمش ] ،، لا اتقولون ليه نسبة النجاح كانت اكبر ف السنوات اللي قبل ومن هالكلام انا ما اتكلمت عن امتحانات الكورس ومستواها من ناحية الصعوبه ... الخ انا اتكلم عن عمل الطالب خلال الفصل الدراسي ..
وبس ..
اسمحوليه ع الإطالة ،، /

[man4ever]

أنا السنة الجاية ساير علمي, و الصراحة أقول أني موافق على هذا الأقتراح أفضل
لأن صدقوني حراااام نتمحن 10 إمتحانات وراء بعض متعبة جداً
في السعودية ترى في القسم العلمي ما في جيولوجيا أنا أشوف أن يحذفون الأحياء من الآدبي و يحطون جيولوجيا
نرتاح من الجيولوجيا و هم يرتاحون من الأحياء !
للآنها مو مادة علمية مرة ..

بس المهم أنا موافق, موافق, ثم موافق على هذا الأقتراح
يعني خلونا واقعياً شوي، مو أفضل هذا الشكل !!
هو الصراحة بيكون سيء لمن هم من صف 1 إلى 9
لأن بيكون متعب لهم و المحظوظين من هذا الأقتراح المرحلة الثانوية بشكل عام
و قسم الأدبي و العاشر بشكل خاص

[أنوار الخليج]

[frame="3 80"]
السلام عليكم ورحمة الله وبركاته أناعن راي موافق لان بعد كل ثلاثة أشهر إجازة وطبعاً هذا الراى احسن عن الراى القبلاني وشكراً.
[/frame]

[uae]

أنا أعارض بشدة

ليش ما ترحمونا شوي ولا قالوا ثلات فصوووووووووووووووووول

الله يرحمك يا بوي زايد

والله و كل يوم طلعوا إلناا شي

و كل مرة ينزلون قوانين

[aloking]

بسم الله الرحمن الرحيم

انا اعارض هذا القرار بشدة
يكفينا فصلين
ما نبا 3 فصول
بعد ال اجازة الصيفية بتكون اقل اب شهر
يعني صداااااع