انا موجود لأي استفسار عن البعثات .!!

[هزاع99]

اقتباس:
المشاركة الأصلية كتبت بواسطة هزاع99
انا الحين ثالث ثانوي
ونسبتي 80 % ادبي ,,

اروم اسير بعثة ولا .. ووين اقدم ,

وشاكر لك اخويه على الموضوع



أهلين اخوي ..

البعثة بتسيرلها .. اهم شي يكون عندك طموح ورغبة .. وماعليك ان شاء الله بتسير ..

اخوي لو شديت حيلك بعد .. يعني تييب فوق 85 ترووم اقدم ع بعثة الديوان ..

اما لو ما توفقت لا سمح الله وكنت تحت 85 .. تروم تقدم على التعليم و الجيش و الشرطة
اهم شي اصرارك .. وحتى لو يبت اقل من 85 .. قدم ع كل البعثات .. واللي ربك كاتب لك اياه بيصير

اخوي البعثة مب مقتصرة على الدول الخارجية ( امريكا و بريطانيا و استراليا ) شي بعثات داخليه قوية .. مثل امريكية الشارجة و دبي و عندك ف قطر ست من اقوى الجامعات ف امريكا .. وتروم تسيرلها ببعثة داخلية

شد حيلك ..

و السموحة ع الاطالة

والله كلامك شجعني ..

بصراحة ما اروم اييب فوق 85

شو الاحسن العالي ولا الشرطة اخوي وكيف اقدم عالشرطة وشو اتوظف بعد ما اخلص ,,

والداخلية كيف اقدم عليها ,, وآخذ راتب ولا !!

شاكر لك اخوي

[بوعوف]

اقتباس:
المشاركة الأصلية كتبت بواسطة هزاع99
والله كلامك شجعني ..

بصراحة ما اروم اييب فوق 85

شو الاحسن العالي ولا الشرطة اخوي وكيف اقدم عالشرطة وشو اتوظف بعد ما اخلص ,,

والداخلية كيف اقدم عليها ,, وآخذ راتب ولا !!

شاكر لك اخوي



هــلا أخوي .. انت ما عليك و لا تتسرع ..
شد حيلك و الباقي على الله .. وان شاء الله بتييب النسبة ..
اخوي حتى لو ما يبت 85 .. قدم على الديوان يمكن يقبلونك ,, ما تعرف
نظام الشرطة و الجيش .. يوم بتخلص بتشتغل عندهم كم سنة خدمة .. على حسب تخصصك ..

الداخلية حاول تستفسر عنها اكثر .. لاني و الله نسيت ,.. بس اللي اعرفه انه شي راتب .. والبعثة الداخلية تتضمن دول مجلس التعاون بعد .. يعني تبتعث لدول مجلس التعاون ..

العفو اخوي .. واي استفسار انا جاهز

[قائد الدراسة]

في استفسار بسيط جدا

الحين البعثات تبي اما توفل ولا ايلتس صح؟

بس السيبا اللي يمتحنونا فيها حق شو؟

[بوعوف]

أختي نهلا .. و الله ما عندي اي علم بهالشيء .. لاني موضوعي مقصور على الطلبة الاماراتيين ..
واظن لو تقدرين .. تتواصلين مع السفارة المصرية في الامارات .. لان معظم الدول تكون بعثاتها عن طريق السفارة ..

[بوعوف]

اقتباس:
المشاركة الأصلية كتبت بواسطة قائد الدراسة
في استفسار بسيط جدا

الحين البعثات تبي اما توفل ولا ايلتس صح؟

بس السيبا اللي يمتحنونا فيها حق شو؟




اهلين اخوي ..

طبعا مثل ما قلت التوفل و الايلتس تطلبها البعثات عسب تقدمهن للجامعات ..

اما السيبا .. فهو نوعين رياضيات و انجليزي .. والاثنين يخولونك انك تطوف اللفلات اللي في جامعة الامارات و كلية التقنية .. وطبعا سيبا الانجليزي يدخل في درجات التقويم .. ف هالشي الوحيد اللي بتستفيد من السيبا ..

[تآآمي]

هـلآ آخوي
آنـآ طالبة ف ثاني ثانوي علمي و نسبتي فوق 85% عطوني بعثه لـ ايرلندا ف الحرم الجامعي

طبعا اهلي موافقين بس انـآ ما اعرف شي هنآك و لا ادري عن دراستهم

آرووح و لآ ؟؟

[بوعوف]

اقتباس:
المشاركة الأصلية كتبت بواسطة تآآمي

هـلآ آخوي
آنـآ طالبة ف ثاني ثانوي علمي و نسبتي فوق 85% عطوني بعثه لـ ايرلندا ف الحرم الجامعي

طبعا اهلي موافقين بس انـآ ما اعرف شي هنآك و لا ادري عن دراستهم

آرووح و لآ ؟؟

السلام عليكم ..

دام اهلج موافقين سيري .. بيكون كورس تجهزي لج .. اذا كنتي يوم من الايام بتفكرين انج تدرسين ف الغربة .. ست اسابيع تقضين فيها الصيف .. دراسة و لعب و تروحين عن نفسج و تكتسبين خبرة ..


يا جماعة الخير .. اللي اتييه نفس هالبعثات يسير و الله بيستفيد .. و سرت مرتين على هالبعثات .. و استفدت واايد ..
فارجو من اي واحد فيكم اذا يته الفرصة أو يعرف احد يرووم يسير خله يسير
و السموحة ع الاطالة

[pinkyprincess27]

اممم عندس سؤال d: إذا كنت أبي ادرس برع مثلا استراليا أو كندا أي نوع من امتحان الielts لازم آخذ؟
ثانكس

[بوعوف]

السلام عليكم اختي ..

اللي انا اعرفه .. انه شي نوع واحد للايتلس .. اما التوفل اكثر عن نوع .. بس دامج بتسيرين كندا او استراليا خذي الايلتس افضل لانهم يعتمدون النظام البرطاني

[هب صاحي]

السلام عليكم ورحمة الله وبركاته


حيه بوو عوف والله انك ريال نشمي لو انا مكانك بطفر من كثر الاسئلة لكن السموووحه من باجي الاخوان

بو عوف بغيت اخبرك عن حالتيه وانت شوف الترتيبات الزوينه الي تناسبني

انا طالب ف مدرسه من مدارس دبي الحكوميه ثالث ثنوي _ علمي نسبتي الفصل الاول 83.5% ومجبلين ع امتحانات الفصل الثاني ةالحمد الله قدمت ف كل شي من قبل التعليم العالي و لغتي الانقليزيه لك عليها شوي هب ذاك الزوود اذكر المؤنث و اانث المذكر ......... لكن افكر ادخل الشرطه و افك عمري من البعثات حتى بعثات الشرطة تعايزت عنها لأنها من بعد ما تخلص يأخرون تجنيدك يحني يوم توصل تقريبا 29 سنه يعسكرونك في دوره عسكريه وتكون قبلها مخلص الدراسه بسنتين و مدني بس ع الله وعندي ترتيبات في ديوان محمد بن راشد شو الراي ................... والسموووحه ع الاطاااله