قصيدة شرب العسل من منبع شفاك ... يشفي المريض ويبري العوق عسا ان تنال على اعجابكم

شرب العسل من منبع أشفاك
يشفي المريض ويبري العوق


والعين تخلف سير لفلاك
احذر عيونك تلتفت فوق


والطير حولك حلق وياك
سمعا وطاعه لأمرك أيسوق


والورد يتغنا بذكراك
لو كان اسمك يا ع منطوق


والعود يتبخر بطرواك
ينثر ولو ما ياك محروق


ومعتق المسك فثناياك
ما بينهن فايح ومعتوق


وصفّ الجواهر من وسط فاك
متميزه بالحسن والذوق


والشمس تظهر من محياك
شمس الصباح ونور لشروق


والليل جادل يتبع اخطاك
بالخص كانه طلق مطلوق


حتى الجمال اللي تحداك
كنك لبسته خاتم وطوق


يا بخت من هو عاش وياك
يا ليتني عاشق ومعشوق




عبدالله بن نعمان الكعبي