الاستعداد لصف الثاني عشر (نقاش)

[الطالب المجتهد كثيرا]

السلام عليكم

كيف حالكم ؟ إن شاء الله بخير

بهنئكم بالعيد المبارك و بحلول العام الدراسي الجديد

أنا إن شاء الله داخل على صف 12 علمي و بصراحة مرتبك شوي

لأنها سنة يبالها مذاكرة بكل مجهودك و تركيزك

انتو كيف استعدادكم؟

[إحساس الحياه]

[blink]وعليــكم الســلآم ورحمــة الله وبركــآآته}~[/blink]



مرحبـــآآ الســــآآع ..

الحمدلله ابخيــر وسهاله .. ومن صوبكم أخويه ..؟!


أخويه الطــآآلب المجتهـــد .. صح آخر سنه .. بس لآزم ما نرتبك ..

لأن الإرتبــآآك بيكون تأثيره سلبي علينــآآ .. لآزم نبدأ بحمــآآس وتفــآؤل ..

ونشد حلينــآآ أكثر عن كل السنوات اللي طــآآفن ..


لأن هاي آخر سنه .. يعني كل جهدنــآآ وهدفنــآآ إننــآآ نييب نسبه ترفع الرآس ..

صح إن السنه يبي لهــآآ درآسة وكرآف .. بس نحن لو نظمنــآآ أوقــآآت الدرآسه

وسووينـــآآ جدول تنظيــم .. صدقني كل شي بيكون سهـــل وبسيط ..




وبقولكم جدولي عسب الكل يستفيــد ..


مثــلآ كل يوم خذينا درس بيي البيت أرآجعه .. وطول الإسبوع براجع الدرس اللي خذيناه فنفس اليوم ..

وعقب فـ نهاية الإسبوع .. براجع ع اللي خذينا طول الإسبوع تقريبا بيكو 4 دروس أو 5 لكل مــآآده ..



وجي يعني ... وفـ نهاية الشهــر .. براجع ع اللي خذينــآآ طول الشهر .. وبتكون المراجعه سهله وبسيييطه ..

لأني بكون حافظه كل درس يوم بيوم .. ومراجعتنه فـ الويكند ..



و أيــآآم إمتحــآآنــآآت التقويم ما يبــآآلنــآآ نذآكر من أول ويديد .. لأننا بنكون حافظين ..


وفـ أيــآآم الإمتحــآآآنـــآآت آخر السنه بنكون ريلآكس .. ومرتـــآآحين ..


لأننــآآ بنكون حــآآفظين الكتــآآب بصم ..



لو اتبعنــآآ هالنظــآآم إن شـــآآءالله بنييب 100 % -> يــآآليت



يعني لآزم يكون حركة ونشــآآط فـ الدرآسه .. مب 24 ســآآعه رقآد



وبــس ^_^ .. سمحولي جـــآآن طولت عليكم



أخويه طــآآلب مجتهد .. لآترتبك .. وإبدأ السنه بجد واجتهـــآآد ..
وإزرع لتحصــد فالنهــآآيه ^^


بالتوفيــج لليمـــع


والسمــوحه ..



إحســ الحيآه ــآس


[blink]فمـــآآن الله }~[/blink]

[الطالب المجتهد كثيرا]

انا ان شاء الله بشد حيلي

و الله يوفق الجميع

[الملثمة]

تسلمين احســـــــــــــاس ع النصائح المفيده بارك الله فيكِ

وبالتوفيق للجميع ^^...~

[نونو الاماراتية]

سؤال

هل يوجد سيبا في هذا العاام ؟؟؟

[صديقة القرآن]

مممـــ..مسآ الطأعــه.." شو الأخبــآر .."! وأنا طالبة ثآنويه عآمه علمي.."! أكيــد أي حد بيحس بارتبآك ف هالعآم..بس ارتبآك معقوول يعني مايخرب تركيزكم وهيــك.." فان شــآ اتكوون سنه حلوه أكيــد متعبه للي طموووحه عآلي مثلي..=) ومثل ماقالت اختي لآزم انرآجع أول بأول بس أنا مشكلتي بطيئه بالمراجعه والمذآكره ..." =( شدوآ الهمه واتوكلوآ وحطو فبآلكم نسبه معينه ومعقووله بالنسبه لجهودكم ..عشآن اتعرفوون شوو هدفكم.." =)

[زعابية و افتخر]

اول شي مشكورة اختي احساس على نصايحج المفيدة
المعروف ان صف عاشر كانت سنة ضاغطة علينا لان مواد يديدة كنا ناخذها و كانت غريبة علينا شوي
اما صف 11 فهاي السنة خفت علينا المواد و شوي كانت مريحة نوعا ما و طبعن مافي سنه ما تخلى من اللعب

اما هاذي السنة سنة جد مب حق اللعبان لازم انذاكر اول باول و انا عن نفسي اول مرة ادرس جيه يعني اعتبر ها الشي انجاز ف حياتي

و المشاريع و التقارير ابدو فيهن الحين عشان ما تنظغطون آخر شي و يفظالكم الجو حق الدراسة
انا صح علمي و خايفة من الياي بس ثقة امي و ابوي فيني و اللي حاوليني خلوني اثق ف نفسي و اني ادرس و اثبتلهم اني قد الثقة اللي عطوني اياها

حطولكم نسبة تكون هدف لكم و اكتبوها اول الكتاب
مثلن انا ابا اييب 95 كتبتها ف كتاب العربي اول صفحة و المس قالتلي ادرسي زين ما زين عشان اتيبين النسبة اللي تطمحيلها و يوم بتستلمين النتيجة افتحي الكتاب و قارني بالنسبة اللي حطيتيها و شوفي اللي قاصرنج و عالجيه

المهم احم هاذا استعدادي لها السنة و انا ما اقول الا الله يوفق الجميع ان شاء الله

اختكم : زعابية و افتخر