نصائح وإرشادات لكل من هو مقبل على الثانوية العامة ....

[لـ ـيـ ـلـ ـى]

ممكن سؤال ...
انت اخذت التوفل لو بعد ؟ لأني حاخذ التوفل يوم 13-7 و خآيفة
و انا بعدني رايحة لصف الثاني عشر بس لغتي الانجليزية قوية ... فلو تعرف شي لا تبخل عليّ
و أشكرك على هالمجهود .. : )

[المتنبي الثانوية]

اقتباس



شكرا على المرور الطيب أولا .. ما شاء الله .. على تفكيرك الجيد .. في تحضيرك لإمتحان التوفل .. وأتوقع منك أنك من الأوائل في دراستك ووفق الله ..
بالنسبة لي أنا في إجازة الصف الحادي عشر .. كنت مثلك تماما .. ولكن كنت أحضر للأيلتس الأكاديميك مب التوفل .. بس أكيد بنقل لك خبرتي ..
أنا إنجليزيتي ما كانت هالزود .. في الصف الحادي عشر كانت 89 .. ولكن بإجازة الصيف رحت المجلس الثقافي البريطاني .. عملوا لي تحديد مستوى .. وجدوا أن مستواي أني آخذ دورة أيلتس .. من غير أي دورة لغة إنجليزية قبلها .. وكانت 16 حصة .. وأنهيتها بشهر 7 وإمتحاني كان 21/8/2008 .. وتميت في البيت أدرس بروحي ..يعني ( self study )>> والصراحة أستفد منها أكثر عن الدورة .. يعني في الدورة عرفونا كيف الإمتحان فقط .. ومثل هذه الإمتحانات ما تبا تدرسين تحت أستاذ .. هذه الإمتحانات بس الشي الوحيد هو ... أنك تدربين بروحج .. وكل ما تدربتي أكثر .. بتحلي أحسن .. يعني التدرب فيها أحسن من أن تكوني ممتازة باللغة الإنجليزية .. يعني ممكن مدرس لغة إنجليزية لو ما تدرب .. صدقيني ما يقدر ياخذ أكثر عن 61 من 120 في ibt لكن طالب عند هالمدرس وتدب كثير ممكن بكل سهولة يحصل فوق 71
موفقة أختي .. وأي إستفسار أنا جاهز .. ولو تحبين أحط لك كتب أيلتس مع اللسينيج مالها .. انا جاهز .. وياليت لو تخبريني شو نوع التوفل مالج .. لأن أكيد تعرفين أنه 3 أنواع .. يعني ممكن أدور لك على الإنترنت ..