السلام عليكم ورحمة الله وبركاته..

يااااا جماااااعة .. رجعت لكم بالخبر اليقين..

رحت يوم الاربعاء امتحنت وافتكيييييييت الحمدلله !!..

طلع انه النظام كالتالي..

أول شي ياخذون المواطنين حسب النسب من الأعلى للأقل ويتصلون فيهم ويحددون لهم موعد الامتحان..
بعد ما يخلصون كل المواطنين يبدأون بالوافدين..

ونفس الشي يتصلون بالوافدين من الأعلى للأقل ..

يعني أنا يوم رحت كان هذاك اليوم واليوم اللي قبله حق الوافدين بس وما كان في مواطنين لانهم امتحنوهم قبل..

وكانوا كل الوافدات اللي معاي نسبهم بين 96 إلى 98 ..
واعتقد انه بيبدأون ينزلون بالنسب ويتصلون في ناس نسبهم اقل ..

بس ..
قالوا انه ما بيقبلون من الوافدين الا 100 واحد فقط!!!
وطبعا اللي متقدمين آلاف..

فكل واحد ونصيبه..

أول شي هم قالوا لي أنه الامتحان الساعة 10 ونص..
رحت 10 ونص لقيت بعض الناس بدأت الامتحان والبعض ما وصل بعده أصلا .. يعني كل واحد يبدأ الامتحان في الوقت اللي يباه والوقت المحدد ينحسب ع الكمبيوتر..

الامتحانات كلها ع الكمبيوتر وكلها خيارات..
امتحان الرياضيات 30 سؤال والوقت 60 دقيقة ..
امتحان الكمبيوتر 30 سؤال والوقت على ما اذكر 30 دقيقة..
امتحان الانجليزي 50 سؤال والوقت 60 دقيقة على ما اعتقد..

امتحان الرياضيات نفس النموذج اللي حاطينه تقريبا..
حليته أول شي بضمير .. لين وصلت عند اللوغاريتمات والمتباينات رحت بدأت اعد للعشرة واختار..

امتحان الكمبيوتر هو كان سهل بس معظم الاشياء ما فهمتها.. بس سهل جدا واشياء عامة ..

امتحان الانجليزي كان سهل جداااااا..

خلصنا من الامتحانات خذينا اوراق مكتوب عليها ارقام وننتظر في الدور عشان المقابل
انتظرنا في الاستراحة .. وتعرفت على مجموعة بنات وتميت اسولف وياهم..

انتظرت انا عن نفسي من الساعة 12 الظهر لين 4 إلا ربع العصر عشان دوري .. !!!
يعني انصحكم روحوا قبل الامتحان بوقت امتحنوا بدري وخذوا لكم رقم في الدور فورًا..


بعدين وانا في الاستراحة البنات قالوا لي انه ((النقاب ممنوع)) !!!
أنا صعقت طبعًا..

وقلت مستحيل كيف يمنعون النقاب !!!

المهم في النهاية قلت ما بشيله ودخلت المقابلة ..
البنات اللي كانوا في المقابلة يوم سألناهم قالوا لنا انهم قالوا لهم عرفوا عن انفسكم وسألوهم سؤال في الرياضيات وسؤال في الفيزيا..

اما انا يوم دخلت .. اول شي قالوا لي اياه انه النقاب ممنوع ..
هزيت راسي وخلاص وما شليته طبعا..
كملت المقابلة عادي وطلعت..

سألوني عرفي عن نفسج..
ليش اخترتي هالتخصص..
عندج توفل او ايلتس ..
وكيف تعلمتي الانجلش..

وبس ..


والله يوفقكم..