بســــكم سب ..

[VTC159]

الحيين حنيف شو يخصه حراام عليكم والله

مب هو الي صلح اوراقكم ولا هو الي رصدهااا

الرياال طلع من الوزارة خلو فحاله بسكم دعااوي عليه واللله غامضني
ليش جي انتوو

اوكي قلنااا درجاتكم مب عايبتنكم شوفو عمااركم انتو شو مسوين فالامتحانات شو مخبصين

والله كل موضوع تلاقون فيه سب عالوزارة ولا على حنيف

خلاص الي يايب دور ثااني يشد حيله ويسيير يذااااكر احسن ماييلس يطلع حرته
فالمنتدى ويسب تراا كل الدعااوي ترد علييكم



في واايد ناس ماشالله عليهم يايبين نسب فالتسعين ف علمي وأدبي



ومبروووك للناجحيين


..........

[Bnootat UAE]

هيه و الله صح كلامك ترا حنيف ما سوا كل ها بس عسب يطور الوزارة و طرق التعليم
لان الحين الاغلبية يرمسون ويتطنزون على اسلوب التدريس ومناهج الدولة فهو حب
انه يطور اسلوب التدريس في الدولة هو صح ان الوقت ما كان حلو و هو كان لازم
يسوي هالشي من زمان بس هو على الأقل حاول وانتو بدال ما تدعون عليه بالشر
ادعوله انه يقدر يخدم الدولة

[اوهام فتاه]

العقل نعمهـ بس لو حد يحركهـ

الناس تحمد ربها وما تدعي لحد

ولا تحمل غلطها لحد ثاني

[هياهيا]

طيب وانت اعصابك يا vtc159
وحس في اللي نسبهم مو حلو
انت معاك حق بكلامك
المفروض محد يسب حد بس يمكن ساعات الواحد مايعرف شو يسوي من كثر القهر
وشدو حيلكم
ان شاءالله خير
ياريت تهدو اعصابكم يا ناس
صح حرقة اعصاب بس الله كبير
ووالله هالسنة كانت صعبة عالكل
بس الناس في الدراسة مستوايات حاول شوي تفهم هالشي vtc159
تقريبا الكل درس وتعب مثال ربيعتي تدرس اضعاف اضعاف الدراسة اللي انا ادرسها بس انا معدلي احسن منها بوايد
والله يتقطع قلبي على كل حد يقول نسبتة مب عايبتنه بس دخيييلاكم اذكرو ربكم والله بترتاحون
وتعبكم مابيضيع ان شاءالله
هي سنة وخلصت
صح اهم واصعب سنة جد الله يعين الجميع
ويفرح الجميع
ومبروك للناجحين

[هياهيا]

جد حرام عليكم ليش ترمسون جي
والله كل واحد وطاقتة ومهاراته
بدل ماتواسون ربعكم
حتى لو غلطوو بس من القهر

[اوهام فتاه]

في شًي آسًٍمَه دعَآء بًٍآڷهدآيـہ

ڷيشً مَحد يعَرفه آۈ يسًٍتخدمَه

ڷيشً گڷه مَتعَۈدين عَ آڷسًٍبًٍ آڷقٌٍۈي ۈآڷچآرح

خڷ ڷسًٍآنگمَ نظيف آنتۈآ ڷآ تنسًٍۈن آنگمَ مَسًٍڷمَيين

آڷمَسًٍڷمَ ڷآ يسًٍبًٍ آخۈه آڷمَسًٍڷمَ

آعَدۈآ بًٍآڷهدآيـہ آڷڷه يهديگمَ

[alkont]

..........

شلون حنيف ماله علاقة بالموضوع ؟؟ مب اهو كان راس الهرم سابقا ؟؟ واي تغير يصير بالوزارة يكون تحت موافقته و شوف الفرق بين اختبارات نص السنه العام الماضي والعام الحالي ولاحظ الفرق الشاسع انا ما بوقف ضده لو يريد ينمي مهارات التفكير عندنا ويصعب الأختبارات شويه لكن بالتدريج مب مره وحده ومن دون سابق انذار لازم يأهلنا لها لو كانت صعبه اما 11 سنه ندرس نعتمد على الحفظ ويجي اخر سنه ومن دون ما ينبهونا يحطو الإختبار كله على الإستنتاجات وحتى الإنجليزي نحتاج التفكير والإستنتاج حتى نحل الإجابات لو كان الطالب ما حصلو الرد لاستفساراته على الوزارة شنو تتوقع يسوى ! يبتسم لهم ويقول انا راسب .... حنيف يتحمل كل الي حصل في نص السنه انا في اختبار نص السنه جبت 16 من 100 مع اني مذاكر ومهتم في الإنجليزي فليش هذي الدرجه برايك ؟ بخطئ مني لا والدليل اني جبت في الفصل الثاني فوق الـ60 % في اختبار السيبا لانه ما حصل اي تغير في شكل الامتحان والحمدالله اني ناجح بفضل ربي والمذاكرة المستمره وفي النهاية حنيف يتحمل كل الي حصل لان كل قرار يجي من دون دراسة او تأهيل يكون مصيره الفشل وتمنياتي للجميع النجاح

[طموحاتي نجوم]

اول شيء حنيف هو المسؤول الاول و الاخير و انا وكلت امره لله ، لانه
ظلمنا ، لو كان القرار بتصعيب الامتحانات من عنده!..
هذا اولا ، ثانيا لازم انحس بالناس الي نسبها مب حلوة ، صح غلط انها
تدعي بس بعد هي انظلمت!، يعني مب كل واحد ممكن يحل الامتحانات
بسهوولة !! ، انا الحمد لله نسبتي في التسعين ، بس حاسة باللي نسبهم
اقل و بالراسبين !!.. و مبدأ السب و الدعاء هذا انا ماحبه ، بس كفايه ان
انقل حسبي الله و نعم الوكيل!!.. لكن الظالم وين بيروح من عذاب ربه
و من دعوة المظلوم المستجابه ؟

[هياهيا]

جزاج الله الف خي على هالكلام الطيب ياطموحاتي ومبروك التسعين الف مبروك
والف مبروك للكل

[مـرهـف الإحـسـاس]

الي يقول أن حنيف ما له خص في السالفة أقول له السموحة
انته غلطان>>>>>>>>>>>>>>>>>>>>>>>>>>

كيف حنيف ما يخصه وهو ساس البلى
يعني لما كانوا يسون قرار ويطبقونه لا يكون كانوا يسيرون ياخذون موافقة الفراش الي بالوزارة

تراه هو حنيف الي يوقع

واذا انتوا راضين لانكم ناجحين
فانا وغيري وغيره والف واحد مب راضي
وبيتم يسب ويدعي لين يوم القيامة

اونه قالوا شو قالوا تطوير
انا اول مره اشوف واحد يبغي يركب دري بخطوة وحده
ولا بناية من 100 طابق بدون ما يمر ع ولا طابق
بالله عليكم هذا شو اتسمونه
مع احترامي وانتوا بكرامه انا اسميه >>حمار<<

يعني السنوات الماضيه الي تعبنا فيها ودرسنا
اخر شي هذا الي نحصده
واحد راسب والثاني عنده دور ثاني
المفروض اذا تبي اتطور لازم تبدأ من الأساس
وانا اتحدا اي واحد يقول لي غير هالكلام
لان من غير المعقول انك تبيني بناية
وتوصل للطابق العاشر بدون ما يكون عندك اساس

والله لو اتكلم لين باجر كلاامي مابي يخلص

بس فكروا وياي
مب حرام واحد طول ا لسنوات الماضية
يكون من الثلاثة الاوائل
ع اخر سنة يطلع عنده دور ثاني ونسبته زفت
المهم الحمدلله ع كل حال
الله يوفقنا كلنا والراسبين الله يكون في عونهم
والي عندهم دور ثاني مثلي يشدون حيلهم

يعني يا إما تصيب وإما تخيب

والسموة ع الإطالة