“التربية” تقرر إعادة توزيع درجات الكيمياء لمصلحة الطلبة

[الخقاقه]

انا ما اقول غير الله يسامحهم ويهديهم
هم يوم ما يعرفون في ترتيب الجداول اشله معيني لها الشغله
يوم هم ما يعرفون يوزعون اساله ف المتحان شلهم فها الشغله
الله يسامحهم وويراويهم ربي ف عيالهم
اذا بغو من ها الامتحانات تميز والهدف ان الطالب يرتقي فعلمه
هم غلطانين

الكل انعزف عن دراسته الحين ..لاعت جبدهم من الصدمات الي صدموها ايانا
الكل ما يبغي يدرس .. ونسبه كبيره ..جفتهم بعيني وسمعتهم باذني يقولون .. انا طالبه عايشه معاهم
هاي نتيجه امتحاناتكم وقراراتكم
ياليت بس رسالتي توصل لفوق
ويجوفون راينا

الله يسامحكم .. نحن وكلنا امرنا لربنا .. والحمدالله على كل حال


وشي ثاني لو تبغون جد طلاب متميزين .. وعلى مستوا
يبو لهم مدرسين على مستوا
ومن غير ذكر اسماء
مدرستنا مول ما تنفع انها تدرس ثالث ثنوي
وبالاساس ما تاسس عدل ف الكيمايا

فنحن صرنا ظحايا .. لا مدرسه عدله كيميا ولا امتحان سهل

وربي الشاهد .. اكثر نسبة رسوب ف الكيما .. ليش ؟؟؟؟؟

هذا دل الامتحان صعب صح .. ولاكبر من ها الطلاب مب فاهمين مدرستهم ما تعرف تشرح
فعسب ما يعيشون خواتنا الي اصغر عنا نفس تجربتنا
عينو المدرسه الي تستحق انها تكون قد مسؤولية مستوى ثالث ثنو ي

لا يغركم فترت تدريسها لو كملت اكثر عن 20 سنه .. مناك تدريسهم اخرطي ..
يبغون معاشات ولا همهم الطلاب ..
وغياب بالهبل طول ايام الدراسه.. وعلى اخر الفصل قبل الامتحانات بسابيع
تاخير الدوامات الين العصر هذا مب حرام ..
ولا بعد ..انجزنا مره في تاخير .. وحدتين .. صدقوني وحدتين وعلى الخطافي قرايه من الكتاب(هذا شرح معلمتنا .. تسمع النا الموجود فكتاب .. وبدون امثله تطبيق ع الكلام الي تقوله ) .. وين الطالب بيفهم ؟؟
دوام اكثر عن 6 ساعات متواصله .. اطالبه ترجع لبيتها دايخه .. تعبانه ..


اخر شي اقوله .. لو هدفكم طالب متميز .. علموه ع التميز وهو طفل ف الروضه
مش طالب وصل مرحلة الثانويه العامه
ولا بعد ..السنه الي بتحدد مستقبلهم بهدلونا فيها الله يسامحكم

وطالب متميز .. مب يظهر من معلمه لا تعرف كوعها من بوعها .. لا يغركم سنوات تدريسها تراني الي ارمس عنها مش معلمه ايديده ف التدريس لا قديمه وقديمه وايد .. شكلها بس يايه تتسلى ويا ادارة المدرسه تتريق معاهم وتظحك معاهم ولا شغله ولا مشغله تحسب شغلتها اداريه ..مش مدرسه تكون على مكتبها بحيث الطالب اذا بغى شي في وقت فراغه يروح عند مكتبها ويسالها عن احتياجاته لازم يوصل لين الاداره ..

وترجع لمعلمه لبيتها وهي مكيفه على الاخر .... وحصتها عطتها لطالباتها من طرف خشمها كانها مغصوبه ع التدريس ..
مب كل معلم قديم ممتاز
معلم عن معلم يفرق وايد .. مب كل معلم في السما يبرق ويسر الناظرين




وياليت توصل رسالتي ويقرونها .. ويمكن يسمعون لكلامنا ومقترحاتنا لسنوات الي جايه ..

حرام عليكم ..خواتنا الي اصغر عنا الي هم السنه الجايه ثالث علمي فكرو ايلسون ف البيت ولا يعيشون معانات الي عانيناها

هذي هي اهدافكم .. جوفو شكثر سلبيات الي ظهرت منها




وشكرا