مٌـقَـآبــلـّهْ مــع طًـفــلٍِ ..}

[ALALILI CONAN]

كيف الاحوال؟؟

بدخل بالمووضوع مباشره

المـوضـوع يتكلمـ عن براءهـ الأطـفال وهو كآلتآلـي



بنختــار عضو..



وبنخليه يسوي مقابله مع طفل

(أخوه.. ولد أخته.. ولد خالته .. ولد جيرانهم .. ولدعمته.. ولد ولد الجيران......الخ المهم أنه طفل)



ولا يزيد عمره عن

<<.. 7- 10 سنوات..>>

وتسأله هالأسئلهـ وتجيب أجوبتهـ..

منها نعرف وش تفكيره..

ومنها للضحك والمتعه..




الأسئلة :


1/ وش تسوي إذا صرت فاضي ؟
2/ لو فزت بـ 1000ريال ايش تسوي فيها ؟
3/ وين ودك تسافر في الاجازه؟
4/ لو صرت مدير مدرسة شو بتسوي ؟
5/ تحبني يا........ ؟ طيب ليش؟؟
6/ شو تعرف عن :
الأنسولين :
الإنترنت :
مجلس الشورى:
الإتيكيت :
التعليم العالي :
الماركة :
الستالايت:


نبي نشوف الاجوبة بدون تعديل

أتمنى إن الفكرة أعجبتكم ,, وأتمنى إنكم تشاركون في الموضوع


انا راح ارشح العضو كبدايه للموضوع

و العضو المرشح يختار العضو اللي بعدهـ

والي يعجبكم احلى رد لاجوبه تقيمونه

(( غصــب تقيمـــون ههه ))





اتمــنى التفـــــــاعل


اخترت العضوة: غزالة شاردة

[الروك]

مشكورين على الموضوع

[غزالة شاردة]

بسم الله الرحمن الرحيم
السلام عليكم ورحمة الله وبركاته

انا سالت اخوي الصغير



1/ وش تسوي إذا صرت فاضي ؟ بيلعب
2/ لو فزت بـ 1000ريال ايش تسوي فيها ؟قال بيشتري دراجة وبي اس بي
3/ وين ودك تسافر في الاجازه؟ماليزيا او الصومال عرف يختار الصراحه هههههه
4/ لو صرت مدير مدرسة شو بتسوي ؟بيضرب الطلاب ههههههه والله مسخرة
5/ تحبني يا........ ؟ طيب ليش؟؟ لا ...ما يعرف مسكين مسوتله بلاوي حليله
6/ شو تعرف عن :
الأنسولين :قال شو الانسولين
الإنترنت :العاب
مجلس الشورى:قال شو مجلس السورى قال السورى مب الشورى
الإتيكيت :التميز
التعليم العالي :ما يعرف
الماركة :النوع
الستالايت:ما يعرف وبعدها قال التصليح

ههههههههههه احلى اجوبة

انا اخترت خيال فزاع
بم ان ورطتني انا بورطك الحين

غزالة شاردة......

[ALALILI CONAN]

جآآري السؤآآل ^^

صرآآحهـ وهقتيني ..!×_×

[ناثرة المسك]

ههههههههههههه لو اخترتوني كان سب كل كلمة قلتها و بيستبهل و بيحرجني و بيقول ما احبج

[تيرابيثيا]

شكرا ع الموضوع
نتريا يديدك

[ALALILI CONAN]

عودة ..~

سألت أختي الصغيرة يزوي (أليازية) وهذي أجوبتها :.!.:

/ وش تسوي إذا صرت فاضي ؟
ألعب ولا أثولف مع عبادي ولا علاوي (أثولف>>أسولف)

2/ لو فزت بـ 1000ريال ايش تسوي فيها ؟
أخشها (سألتها ليش؟) قالت كيفي

3/ وين ودك تسافر في الاجازه؟
ما أبغي أسافر بس لو كان لازم بسير الهند

4/ لو صرت مدير مدرسة شو بتسوي ؟

قالت: لازم مدير ما يصير مديرة ؟؟ قلت يصير قالت بطرد المعلمات وكل الأيام اجازة إلا اليمعة

5/ تحبني يا........ ؟ طيب ليش؟؟
هيه / لأن شكلك حلو >>> أستحيت والله يالسة تتغزل فيني

6/ شو تعرف عن :

الأنسولين :
>>نظرات براءه ولا توجد إجابه<<

الإنترنت :
هذا ( أشرت على اللاب)

مجلس الشورى:
يعني الميلس

الإتيكيت :
(سوت حركات بأيدها تحاول تجاوب بس ما تعرف)

التعليم العالي :
دفتر

الماركة :
بربري>>هذا الفالحه فيه بس

الستالايت:
لمبه

صراحة نقعت من الضحك

[غزالة شاردة]

ههههههههههه
انزين ما خترت عضو

غزالة شاردة..........

[الحن الشجي]

صراحه موضوع حلو واللقاءات احلى يلا اللي عنده بعد يطلع
مشكورين ع الموضوع الرائع والمفيد

[ALALILI CONAN]

صح نسيـــت أختآآآر الجوهـــره المكنـــونه ^^

غزالهـ إجابات أخوج روووعهـ أحلى شي إجابات اليهال خخخ