سؤال عن البعثة لإيرلندا 2012

[Gabsha]

السلام عليكم..

بغيت استفسر عن كيفية التسجيل في جامعات ايرلندا, يعني لازم انسجل بعد ما نعرف اذا قبلونا من وزارة التعليم العالي ؟ ولا كيف بالضبط ؟ و متى بتكون المقابلة ؟؟

[The State 0f paRadise]

وعليكم السلام ورحمة الله بركاته

أولا عليك التسجيل في الجامعة وإحضار القبول ( الاكاديمي ) .. ومن ثمّ تتوجه الى وزارة التعليم العالي ليتم الموافقة على طلبك
بامكانك التسجيل بخطوتين:
1- المراسلة مع الجامعة التي تود الذهاب اليها
2- مراجعة مجلس أبوظبي للتعليم في كيفية التسجيل في جامعات خارجية أو وزارة التعليم العالي والحصول على القبول الاكاديمي

شكرا لك

[Gabsha]

Thanks for replying !!

[The State 0f paRadise]

لا داعي ..

جزاك الله خيرا

في المرة القادمة الرجاء الكتابة باللغة العربية ^-^ .. نحن لا نتخلّى عن لغة القرآن الكريم

[Theeb AD]

وعليكم السلام ورحمة الله وبركاته ...... أختي الفاضلة اذا وصلج مسج من الوزارة عن القبول فهذا يعني قبولج في البعثة وما يحتاج مقابلة اما بخصوص التقديم في الجامعات الأيرلندية اول شي دوري واسألي عن الجامعات وبعد التفكير والاستخارة اختاري الجامعة وتواصلي مع التعليم العالي عشان اييبون لج القبول ......أنا من خريجين هاي السنة وحالي من حالج وناوي اكمل في ايرلندا والحمد الله الاخوان في التعليم العالي ما قصرو و الحين يتواصلون مع الجامعة عشان احصل ع القبول ..... بالتوفييج وأي سؤال أنا موجود

[Gabsha]

مشكورين و ما قصرتوا !


Theb AD: الحمدلله قبلوني و ابي ادرس طب اسنان و قالولي ان لازم ادرس ثانوية ايرلاندية يعني سنة زيادة, بغيت اسأل عن السكن هل يوجد سكن خاص للمواطنين و على حساب الدولة ولا كيف بالضبط ؟؟

[The State 0f paRadise]

اذا كانت البعثة من وزارة التعلي العالي ... فالسكن يكون على حسابك .. بمعنى ابحثي لك عن سكن تقضين امورك فيه

والله ولي التوفيق

[Gabsha]

مشكور اخوي

[The State 0f paRadise]

وفقكم الله اعزائي وكل عام وانتم بالف خير