شكوى معهد العين (الطالبات )

[حمودي الفلاسي]

السلام عليكم ورحمة الله وبركاته

الصـراحة انا اشتكيت اكثر من مره مافي فايدة بس ماعجبني هالوضع>< وكل وحده تقول رايها وبصراحة

بالنسبه للبس الشاهين العسكريه

ممنوع نلبس اللبس فالبيت وبنات الحكومي يلبسونه ممنوع نلبسه في الحمامات واي وحده تلبسه وتظهر فيه السكيروتي يمسكونهاا

وفي الصاله حقت الشاهين ماشيء مكان نغير فيه لبسنا والمكان اللي كان محطوط قبل السنه اللي طافت قفلوه وخلوه مكتب

وانا عن نفسي وعن البنات والله مايصير نتم على هالحاله وانا مااحب ابدل جدام البنات حتى ع الاقل ماحطين ستاير مادري ليش

دامه جييه ليش مانلبسه في البيت شرات الحكوميه

بالنسبه للكانتين المطعم

اكله نظيف وشغلهم اوكـ بس مافيه اشياء واايد نبي شاي ونيسكافيه شرات بداية السنه علشان نصح صح ولا مادري ليش امنعوه

والمكان ضيق وزحمه اكثر من 500 طالبه مايسد الصراحة ولو يبنا اكل من البيت ياخذو عنا ويفرونه بالزباله جدامنا ليش ؟؟



والمبنى الصراحة زحمه حتى بين الكلاسات ماشاء الله يعني كيف ع السنه الجايه منكون الاولاد لهم مبنى كبير وصالة رياضة كبيره ونحن ولا شيء مبنى قدييـــــــــــــــــــم وكان ورشة عمل لازم يخلصون بنايت المعهد وتجهيزة قبل الدفعه الجديدة لصف التاسع



بالنسبه لتخصص ae الكل عنده كتب الا تخصصنا كله الطباعه علينا والتخصصات الثانيه ماعليهم شيء عندهم الكتب ومرتاحين اما نحن لا ليــش ؟؟ نحتاج لكتاب مثل ماهم عندهم كتاب ليش مايطبع لنا المعهد ويسوي الموديول كتب ويوزعها لناا
ونحن عدنا اربع مواد لهذا التخصص يعني كل تخصص 200 ورقة واكثر طباعه



لكل احد شغلته في المعهد ليش البعض يتدخل في شغلت الثاني مثل وحده شغلتها شيء ثاني نفترض مشرفت الباصات ليش تدخل بشغلة مشرفة الطالبات يعني مثلا البنت لابسه عباية لعذر خاص مثلا اللبس يسبب الحساسيه او ماعنده المعهد مقاسها تيي المشرفه مالت الباصات تهزبها وتسوي لها سالفه وتوديها للاخصائية

كل ماشتكينا مانشوف اي تغيـــــر وسالفت الشاهين من بداية السنه

شو الحل ؟؟

والله عنبر خو بلال .. ترا حالنا من حالكم نحن مو احسن عنكم والصاله الي تتكلمين عنها سنه وهي تنبني ماخلصت .. والكانتين يالله من فضلك حدث ولا حرج تقول زريبه وعند الكاشير يتدازون جنه الكاشير بيطير ويبون يلحقون عليه ويزخونه .. واللبس عندنا الكاب مال معهد لو فيه خط صغير ملون يشيلونه من عندنا .. وهيك من هيك عدينا السنه وانتي مثل ماقالولج هانت خلاص بنتخرج شو تبين بعد دامج بتفتكين من المعهد بكبره تحملي شوي وافتكي عقب مره وحده ولا انتي شرايج ؟؟