أنــا موجود لأي استفسار عن البعثات ..!! ص رقم 2

[sa'eed]

السلام عليكم

اسمحلي اخوي بتعبك شوي بالاسئلة

1- هل بعثة النخبة يطلبون منك تسجل في الجامعات ولا هم يسجلونك فيها ؟
....لانه في امتحان توفل لبعثة النخبة راح يكون يوم الآثنين القادم، هل هذا هو اللي بيعتمدون عليه في التسجيل في الجامعات اذا كانو هم بيسجلونا ؟
....وهل اذا ماتوفقت فيه يطلعوني من البعثة وما يكون في محاولات ثانية ؟

2- بخصوص بعثة موسسة الامارات للطاقة النووية هم يشترطون 6 في الايلتس لاكن الجامعات اللي مشترطين التسجيل فيها كلها 6.5 الا جامعة خليفة هل هذا يعني انهم بيعطونا سنة فاونديشن، لان جامعة خليفة ما فيها الاتخصص واحد ؟
....واذا بيعطونا شو الفايدة من التسجيل في الجامعات من الحين ؟
....وبعد يطلبون 580 في السات ماث، مع ان الجامعات المطلوب منا نسجل فيها كلها تطلب SAT I كامل مب رياضيات بس (من استنتاجي لان العلامات اكثر من ١٠٠٠) ؟!!

3- بعض الجامعات الحين كاتبين الfall 2012 dead line for International students راح يكون في تاريخ 2nd Feb. وانا امتحان الايلتس حقي بعد هذا التاريخ، فهل هذا يعني ان الفرصة راحت علي ؟
....وانا سمعت من بعض الناس ان التسجيل لازم يكون قبل سنة من بداية السنة الدراسية، شو رايك في الكلام هذا?

4- من شروط البعثات هو انك تجيب 3 GPA. لا سمح الله سارت لي مشكلة في احد الفصول هل راح يطردوني من البعثة او فقط عند التخرج لازم تجيب 3 GPA ؟

5- ممكن تفيدني بمكتب يقدر يسجلني في الجامعات الامريكية .

وماقصرت اخوي والله يوفقنا وياك ان شاء الله