روايتي تعبت احونكـــــــ كاملهـ

هاجر تركب سيارتها وتسير الصالون علشان حفلة يوم ميلادها وبخاطرها تشوف ابوها واخوها وزوجته وعيالهم
هاجر :- ياااربي اشتقت لابوي ياارب لا تحرمني من شوفته مشتاقه اضمه لصدري مشتاقه ابكي له واشكي له مشتاقه اسولف ويااه مشتاقه اشوف خوفه علي لما امثل اني تعورت ويوقف بجنبي يسئلني يابنتي شوفيج واصيــــح وفجئة اظحكـ واقول اقص عليكـ يبا ههههه وهو يهزبني ذيــج الساعه احس بفرحه مشتاقه اشوف عنود واخوي رشود وعيالهم حلا وغلا التؤام الشقي ربي يحفظهم ياااربي شكثر فراحنه لما سلمت على امي وبستا فوق راسها شكثر تعبت علي وسهرت علي وربتني وعلمتني وبخاطرها تشوفني عرووس ههههه امي حبيبتي رفيجاتي اليوم بشوفهم ان شاء الله وبكشــخ وبظحكـ واسولف وياهم وبخبرهم بخطتي الجديده هع مااتوب

وصلت هاجر الصالون وتمكيجت وسوت التسريحه ولبست فستانها واتصلت لامها تطمن عليها وعلي انه كل شيء جاهز البوفيـه والدي جيـه والزينه والديكور واتصلت لراشد تظحكـ وتسولف وياه ورمست عنود توصيها على رشود وسولفت ويا حمدهـ تنصحها تتوب لله وتبر بوالديها وتصبر على كبرهم وبعدها ع الساعه 7ونص ظهرت من الصالون وكانت مشغلة اغاني اوووفـ مليــت من هالاغاني والله اففف خليني اشوف لي شريط ثاني اخذت شريط من الدرج بدون ماتشوفه ودخلته وتسمع قرآن بصوت السديسي ياســــلام ماشاء الله صوته حلوو

وهيه وتسوق السياره في حاره من الحارات الا بيبي صغير يلعب في الشارع ولفت علشان ماتدعمه ماقدرت توازن السياره فنقلبت وماكانت لابسه حزام الامان ونقلوها في الاسعاف على طول ع الطوارء

وفي بيتهم الكل ينتظرها والكل فرحان ومستانس وامها تحاتيها وتتصل فيها لاكن هاجر ماترد عليها ماتدري انه بنتها صار لها حادث وانها في العمليات اتصلوا على اخوها راشد
راشد :- منو هاللي متصل
الدكتور :- السلام عليكم ورحمة اله وبركاته
راشد :- وعليكم السلام ورحمة الله وبركاته
الدكتور :- انت راشد اخو هاجر
راشد :- هيه نعم انا هو شو السالفه ؟
الدكتور :- اختكـ سوت حادث وهيه الحين في غرفة العمليات في مستشفى توام
راشد :- كيـــف اختي هجور سوت حادث ومتى وكيف وشلونها الحين ان شاء الله بخير
الدكتور :- ان شاء الله بتكون بخير تعال ونحن منقول لك التفاصيل
راشد :- ان شاء الله

راشد قال لامه والكل يصيح وخايف المعازيم رفيجاتها امها زوجت اخته سارو المستشفى على طول واول ماوصلوا

راشد :- لو سمحت اخوي اتصلتوا فيني وقلتوا انه اختي هجور سوت حادث وانا في غرفة العمليات وينها الغرفه ممكن نشوفها

الدكتور :- هدي اعصابكـ يااخوي وتعال معي
ام راشد خانقتنها العبره :- بنتي وينها يادكتور ابي اشوفها
الدكتور :- الحين نسوي لها عمليه جراحية بس وقعوا على هالورقة عندها كسر في الظهر خطيــر وشق في الجمجمه
راشد :- لا حول ولا قوة الا بالله
ام راشد :- بنتي حبيبتي
وعود تحاول تهدي عمتها وراشد ماهو عارف شو يسوي وقع على ورقة العمليه وبعد انتضار ساعات ودعاء صديقاتها والكل ينتضرها ويقراء قران خايف وام راشد واقفه عند باب العمليات تنتضر احد يظهر وكل مادخل او ظهر دكتور تسئله عن بنتها

والاطباء والدكاتره يحاولون يساعدونها باللي يقدرون عليه لاكن للاسف دون جدوى هاجر تلتقط آخر انفاسها ودموعها على عينها نحاول تنطق الشهاده
هاجر :- لا اله الا الله
والدكاتره يحاولون ينقذوها من الموت لاكن لا مفر للموت مها حاول البشر
هاجر :- دكتور بس بقول لكـ وصيتي دكتور سلم على امي وابوي واخوي وقول لهم اني احبهم احبهم احبهم
وتحاول تلقط انفاسها تصارع الموت هاذم اللذات الدكتور يحاول يفهم شو تقول كل ماقالت كلمه تشهق راحت الروح لرب العباد
الدكتور :- لا حول ولا قوة الا بالله
حاولوا ينعشونها لاكن دام الروح ذهبت لله فلن ترجع مها فعلوا

ظهر الدكتور والكل تجمع حواليه

ام راشد :- دكتور بنتي شلونها
الدكتور :- لا حول ولا قوة الا بالله هاجر ماتت
ام راشد :- لاااااااا بنتي هاجر لاااااا
وتصيـــح والكل مصدوووم من الخبر اليوم يوم ميلادها ماتت الله يرحمها
راشد :- اختي ماتت دكتور دكتور لا تمزح اختي ماتت
دكتور :- ماتت وهيه تنطق الشهاده وقالت اسلم على ابوها وامها واخوها وتقول لكم انا تحبكم تحبكم تحبكم الله يرحمها
راشد :- لااااااا اختي

ام راشد وراشد وعنود تجمعوا على جثت هاجر وام راشد تصيح
ام راشد :- هاجر نشي هجووور بنتي نشي لا تمزحين وياي وتمثلين هاجر تكفين ردي علي يابنتي
هاجر تسمع امها لاكن ماتقدر تتكلم تسمعها لاكن ماتقدر تقول شيء
عنود :- هجــــــور دخيلج قولي انج تمزحين وانه هذا مقلب من مقالبج هجووور تكفين اشتقت لج والله اشتقت لج
حمده:- هجــــــــــــــــــــــــورلا تخليني وتروحين هجور انتي تسمعيني صح يلا قومي هجوور
راشد :- يما ادعوا لها بالخير هجور ماتت مابيفيد البكاء ادعو لها بالخير والمغفره
ام راشد :- لا بنتي مامماتت انها اعرفها بترياها لين ماتنش
راشد :- يما ادعيلها بالرحمه والمغفره

ابو راشد كان توه راجع من السفر وهو في المطار فرحان بيحضر يوم ميلاد بنته ومشتري لها هديه وفرحان لانه بيشوف زوجته وعيالها لانه اشتاق لهم واشتاق لشقاوة بنته اتصل في راشد
ابو راشد :- السلام عليكم ورحمة الله وبركاته
راشد :- وعليكم السلام ورحمة الله وبركاته
ابو راشد :- شو فيك راشد تعبان ووين انت اصبح احد يصيـــــح شو هالازعاج
راشد :- لا يبا انا مب تعبان انا في المستشفى
ابو راشد :- هااه المستشفى خير شو في ؟
راشد :- ابوي هاجر
ابو راشد :- هاجر شو فيها قووول وقفت قلبي
راشد :- ابوي هاجر تعبانه في المستشفى
ابو راشد :- شو فيها بنتي من شو تعبانه وفي اي مستشفى وليش تصيحون
راشد :- يبا مستشفى توام تعال وبتعرف السالفه
راشد ماعرف شو يقول لابوه ماقدر يقول له هاجر ماتت

ابو راشد اتصل بالدريول ووصله المستشفى واول ماعرف بوافات هاجر وقف مكانه مستغرب من الخبر مو مصدق اللي يقولونه يتحراه مقلب مثل ماتسوي فيه بنته سار لغرفة العمليات وشاف ام راشد وراشد وعنود والحريم متجمعات وييبكون واقترب وهو بعده مو مصدق شاف بنته لابسه فستان ابيض مبتسمه والدم على فستانها وومايصدق اللي عينه تشوفه لا بنتي انا لله وانا اليه راجعون هاجر ادريبج تمزحين صح ويمسكـ ايدها يابنتي انا موجود اشتقت لج يلا نشي يابنتي اليوم يوم ميلادج تذكرنين لما تقولين لي يبا انا لما اكون كبيره ويدش عمري 24 على يوم تاريخ ميلادي 24\9
وانه احلا رقم واحلا يوم في حياتج بتفرحين وبتلبسين الفستان الابيض وبتسوين حفله كبيره وبتعزمين كل الناس ماعرفت انها عزاج يابنتي تذكرين لما تقولين يبا كل الناس بيون وبيسلمون على امي وعليك ماكنت اعرف المكتوب ماعرفت انه عزاج يابنتي ماكنت اعرف انه عزاج انا لله وانا اليه راجعون وغطاء وجها وخلص اجرائات الوفاه ومو مصدق للحين انه بنته ماتت كان خاطري اشوف ابوي واشوف الهدايه واقص كيكت يوم ميلادي واطفي 24 شمعه واخبرهم اني انقبل في وظيفه واني بكون مهندسة طيران واني بسافر لاستراليا وبيب الشهاده يبا انا لبست الفستان الابيض وانا فرحانه قلت الشهاده يبا قلت اشهد ان لا اله الا الله وامي وانت راضين علي يبا انا فرحانه لاني بشوفكم ان شاء الله في جنات النعيم يبا انا نفس ماانا لاخر يوم في عمري كنت اضحي واكبر ماظحيت فيه روحي ضحيت علشان حياة طفل صغير كان بينحرم من الحياه لو مامت يبا انا احبكـ واحب امي امي لا تصيــحين تكفين ماحب اشوفج زعلانه وتصيحين يما تكفين قطعتي قلبا من البجي يما سامحيني لو زعلتج او ضايقتج يما انا احبج سامحيني ماحققت امنيتج وماشفتيني عروس يما قلت لج بعدي صغيره ماصدقتي كان خاطري اخبرج اني احب شخص وكنت اتمناه يكون زوجي لاكن قدر الله ماشاء فعل يما انا احبج والله احبج رشوود اخوي حبيبي صديقي الصدوق ماتخيل اني بخليكـ وبكون اروحي في ظلمات الليل بتناني اخوي ؟؟ بتنسى الليالي اللي قضيناه مع بعض رشود تذكر لما اقول لكـ انه الله يحبني رشود لا تصيــح مردنا كلنا بنموت ماحد بيبقى في هالدنيا رشود تكفى دير بالكـ على امي وابوي ولا تنسوني تكفون ولاتعذبوني وتصيحون وادعي لي كل يوم رشود اذا يبتوا بنت ثانيه سميها هاجر بس مايخصني لو كانت شقيه مثلي ومشاغبه عنود لا تنسين ديري بالج ع اخوي وعلي عيالج وادعيلي في صلاتج عنود كنت مسويه لج مفاجئه حلوووه ومحظره لج مقالب لج ولرشود حمدوه سامحيني حبيبتي لو خطيت بحقج حمدووه هالله هالله بوالديج رضى الله من رضى والديج بشتاق لج يالغاليه ..تعبت اخون احساسي تعبت اخون انفاسي تعبت اخون نفسي تعبت احلم تعبت من الالم تعبت اشكي همي تركتج يادنيا وماخذت منج الا غطاء ابيض حبيت اقول لكل من تعلق فيني اني احبكم كلكم ماعرفت اني بموت اليوم ماعرفت اني بترككم وماتخيلت في يوم اعيش بدونكم سامحوني اذا زعلتكم في يوم واتقوا الله عباد الله واعملوا لاخرتكم انا تركت هالدنيا وفي يوم انت بتتركها فكروا في اخرتكم فجميعنا راحلون
ومانعرف شو بيصير في اهلنا ولا احباننا هذي نهاية روايتي