العفو حبيبتي وها من ذوقج
هل اول سنه ف الجامعه يكون السكن كل بنت غرفه بروحها و الا عندها حد ف الغرفه ؟
الإجابة : لا حبيبتي مب بروحج للأن أول سنة كما تعرفين بكون في سكن توام في الغرفة الواحدة بكون فيها ثلاث طالبات وهذه الغرفة تقدرين أنتي تختارين ربعج إلا في حال أنه لاقدر الله فيج شي تقدرين تطلبين من المدام غرفة خاصة وحبيبتي أنصحج أنج تختارين ربعج اللي تعرفينهم عدل من أحين للأنهم بيظلون عندج للأخر سنة وأنصحج بعد تختارين من مبنى 1 - 6 الأنهم اليداد.

و حبيت اسال شو بيكون الشغل اول اسبوع .. يعني شو بيمتحنونا و الا كيف ؟؟

الإجابة : أول أسبوع لوحد عندج في الغرفة وانتي ماتبينها مثلا ولا حابة تنتتقلين ويا ربعج ها من اول يوم روحي ويا رفيجاتج . واليوم الثاني بكون محاضرات عن كيفية الإستعداد حق الجامعة وبودوكم المجمع مدير الجامعة عبدالله الخنبشي برحب فيكم . وثالث يوم ولا رابع يوم
بكون في ألعاب في توام بتستانسووووون وايد .وعلى طاري الإمتحانات شدي حيلج فيهم بكون في أمتحان ماث واي تي يعني حاسوب وعربي وهذيل الإمتحانات بيحددونج انتي في أي مستوى لفل ون أو لفل تو فبلييز شدي حيلج فيهم للأنا أحنا ماكنا ندري فدشينا كله لفل ون . وأما الأنجلش حسب الدرجة اللي يبتيها في السيبا .

متى بيبدأ دوام المستجدات ؟؟

الإجابة : والله قبلنا بأسبوع والصراحة التاريخ ماعرفه.


والسموجة على القصور