وعليكم السلام ورحمة الله وبركاته.
أنا من طلاب النخبة. طبعاً موضوعي كان بالضبط مثلج ولكن في الأخير اخترت النخبة لعدة أسباب: أولاً بعثة رئيس الدولة بنودها وايد معقدة عن باقي البعثات وبعد ما تخلصين دراسة يطلبون منج تشتغلين دبل باقي البعثات، مثلاً النخبة و مؤسسة الامارات يطلبون تشتغلين عندهم عدد سنين الدراسة أما بعثة رئيس الدولة تشتغلين عدد سنين الدراسة X 2 (ضرب اثنين). بالإضافة أنه أقل راتب من بين هذيلا الثلاث هي بعثة رئيس الدولة مع أنها من أفضل البعثات.
ثانياً، مؤسسة الامارات عندها مسلسل طويل قبل ما يردون عليج، منها أنهم يطرشون ملفج لأمن الدولة ويتأكدون أنج مؤهلة في البعثة. أنا حصلت قبول من عندهم تقريباً في نهاية شهر 9 وهذي كانت آخر بعثة يردون علي وعذرهم أنه سياسة القبول تاخذ وقت طويل. واضطريت أني أأخر كل البعثات وانتظر القبول من مؤسسة الامارات. بالمقابل، بعثة النخبة ردو علي في نصف شهر 7 تقريباً مثل باقي البعثات.
طبعاً بشكل عام معظم بنود البعثات الثلاث متشابهة ومنها أنه المعدل الجامعي ما يقل عن 3.0
بخصوص أنه بعثة النخبة عندهم معايير معينة للقبول هذا شي أكيد لأنه كل البعثات عندهم هذا الشي ولكن بعثة النخبة منفتحين لكل شي، طبعاً في عدة امتحانات لازم تجتازينها في بعثة النخبة منها امتحان ذكاء وقيادة وعمل جماعي وأخيراً المقابلة، ولكن كلها سهلة، وبخصوص أنه ما عندهم هندسة نووية هذا مب أكيد لأنه البعثة بعدها في أول سنة لها، بالإضافة أنه أحد الوظايف اللي يمكن يشتغل عليها المهندس النووي هي معالجة شرائح أشباه الموصلات (semiconductors).
إلى الآن أنا مصمم أني أدخل هندسة نووية مع أني في النخبة وإن شاء الله توافق البعثة على هذا الشي.
في الأخير أعطيج نفس نصيحة الأخت من بعثة رئيس الدولة وهي أنج تقدمين على كل البعثات مهما شفتيها لأنه ممكن في آخر لحظة تندمين على أنج ما قدمتي على بعثة معينة. والله يوفقج إن شاء الله.