دشو وشوفو كثر حب وزارة التربية والتعليم لنا

[فـــارس الأمارات]

والله العظيم انه كلامك %100000000000000000000000000

[وينك يا قمر]

اقول يا خواني الي دشو الموضوع طلعو الي بخاطركم لا تخافون من شي اسمه وزارة نحن ما نغلط يوم نقول راينا بكل صرااحة وبالنسبة لي ماخاف غير من ربي اذا الموضوع بيخليكم تطلعون الي في خاطركم بصراحة انا راح اكون سعيد اما الي يرد علي ويرد بخوف وحذر عشان لا تصير مشكلة اقوله برع المنتدى واقوله انت عديم الشخصية

[صالح 2009]

يا شباب يا حبايبي انا ما قلت انه صعب انا نسبتي 95 حبيت نظام الفصول الثلاثة بس نحن الي ندرس في التعليم الخاص ما عطونا فرصة لا نراجع ولا اي شي الجداول قبل يومين معطينا اياها ولا حد مستعد عشان جذي انا صرت متخربط وبصراحة الوزارة ما تحاسب المعلمين على اهمالهم كل مدرس مصري يدش الي وياه فلوس يحترمه والي ماارح يعطيه فلوس يعني رشوة ما يعطيه ويه لو الوزارة كانت تحاسب اكثر المدرسين على اهمالهم كنا بننجح مو كل مدرس دش الصف وشاف طالب متين ومريش ووياه فلوس قاله منور يا باشا ويا معلم والطالب الي جاي يتعلم يسوي لامه مليون طااااااااااااف

أنا أويد كلامك هذا وخاصة في هذه السنة

في التعليم الخاص الإهمال من الإدارة والمعلمين وكذلك من الوزارة على أنها ما تتابع المعلمين

ومثل ما قلت المدارس الخاصة يعني من المفروض أن الوزارة تتابع المدارس وكذلك المعلمين وبصراحة الرشوة بدأت تنتشر قبل كان الطالب يذاكر لإنه ما ينفعه غير مذاكرته لكن الآن الطالب الذكي يذاكر ويشوف الطالب الكسول والي مخرب الحصة ومضيعها يجيب نفسه يعني بينهما فرق بسيط وبعدين الطالب الذكي بيقول ليش انا اتعب عمري واذاكر وبالأخير الكسالى في الصف يجيبون نفس درجتي

وأنا اعرف مدرسين مايشرحون عدل في الحصص المدرسية يعني يخلون الطالب يكره المادة ويوم بتقول له يا أستاذ تعال اشرح لي في البيت ( حصص خصوصية ) بييك ركض وبيشرح لك شرح ما تتوقعه علشان الفلوس طيب يعني الواحد دافع رسوم المدرسة ما دري كم 10000 الف او اكثر وبعد بيدفع حصص خصوصية

واذكر أن طالب قال استاذنا كنا نتوقع أنه ما يعرف يدرس ( ما يعرف يشرح ) لكن يوم يدخل الموجه الصف ( موجه المادة ) الأستاذ يشرح شرح اتقول في الجامعة حتى الأغبياء فهموا

نرجو من الوزارة أن تنظر في هذا الأمر ويا ريت يفنشوف المدرسين الي ياخذون رشوة