ارجوكم ضروري حد يفهمني هذي المسائل

[تقية]

سلام عليكم ورحمة الله وبركاته
لو سمح يا اخواني واخواتي بالله انا اريد حل السؤال ص11 تطبيق (أ) السؤال (1) والسؤال (3) أرجوكم بأسرع وقت ممكن
لا تنسو ما اريد الحل وخلاص اريد بعد الشرح ........ في أمان الله

[متحرية الجنوب]

دقايق اشوف الكتاب وانشاء الله رادتلج ^^

[متحرية الجنوب]

السلام عليكم
آسفة عالتأخير

بقولج شي بالنسبة للسؤال 1

بالنسبة للسؤال 1 أ
قالج ما المسافة التي يتحركها لقائد ليصل الى الكنز
مادام يبا المسافة بنجمع المسافات كلها اللي فالمسئلة

يعني بنجمع 45+5+30 = 80

السؤال ب : اول شي ارسمي الحركة
يعني الاتجاهات والحركة اللي تحركها

بعدين بما ان 5.0 سالبة لانه رايح جنوباً
فما بنستخدمها
وبنستخدم نظرية فيثاغورث
بتربيعين وتطلعين الجذر التربيعي
عقب تستعملين قانون تان وبيظهر الناتج
انا ما حليته لان الكتاب توني ما خذتننه يديد

وياسة اراجع احين وعلى حظج ^^..

لا تتقيدين بأجوبة الكتاب
لان اغلب الاجوبة غلط

سؤال 3
نفس الشي يبا االازاحة كلها
بما انه تهبط رأسيا بتكون سالبة لا تحسبينها
واحسبي الباقي باستخدام
فيثاغورث وطلعي الناتج
وطلعي الزاوية بس ..
لان السالب اول شي ما يستوي نحطه تحت الجذر
واذا استخدمناه بيطلع الجواب بالسالب فما له داعي
وبحاول اشوف اجاببات ثانية وبرد عليج
انشاء الله

في امان الله