إللي ناوي يحج يبت لكم حمله بخدمة 5 نجوم وأسعار ممتازة

[مجاهد النفس]

السلام عليكم ورحمة الله وبركاته

أولاً: هذا الموضوع من باب الفائده للجميع

هذي حمله كويتيه خبروني عنها وبها الكثير من المميزات ..منها فرق السعر الشاسع بينهم وبين الحملات الإماراتيه ذات الأسعار الخيالية وإذا ليقت حملة سعرها مناسب للأسف خدماتها تكون تحت المستوى المطلوب وبصراحه مقارنة بأسعار الحملات الكويتية بأسعار حملاتنا المحلية بالدولة فرق السما والأرض وفرق كبير بالخدمات المقدمة من الجهتين ، يعني إذا خدمات الحملة الكويتية بـ 17 ألف ... الحملة الإماراتية بخدمات أقل عنها قليلاً تكون بحدود 20 لين 25 ألف ...وهذا من واقع تجارب !!!
المهم ...
هذي الحملة بيكون المسؤول عنها من الإمارات الدكتور المستشار (( خليفة المحرزي )) من محاكم دبي وهو بيسافر مع الحملة ويمثل أهل الإمارات فيها .

غالبية الحملات نظامهم يكون كل 5 أو 7 أشخاص بغرفة والله يعزكم حمام واحد مشترك لكل غرفة ... بهذي الحملة نظامهم غير ،وبعض الحملات تكون تذاكرهم على العربية .

هذي الحملة الكويتيه يتم الألتحاق بها بمطار الملك عبدالعزيز (( بجـــده )) ويكون السفر على طيران الإمارات وأسعارهم كالتالي :-


الغرفة الثنائية ( لشخصين ) بــ 23000 درهم للشخص

الغرفة الثلاثية ( 3 أشخاص ) بــ 20000 درهم للشخص

الغرفة الرباعية ( 4 أشخاص ) بــ 18500 درهم للشخص

يعني وداعاً للغرف الجماعية !!

بتوضيح أكثر .. إذا شخص وزوجته حبوا يكونوا بغرفة منفصلة لهم بيكون السعر لهم الإثنين (46) ألف شامل كل شي ، وإذا كانت عائلة مثلاً ( الأم والإبن والإخت أو الزوجة ) تكون التكلفة الإجمالية (60) ألف .

طبعاً نظام الغرف نفس الشقق المفروشة كل غرفة بحمامها الله يعزكم وبها مطبخ تحضيري والسكن بمنطقة العزيزية وأي شخص يقدر يقارن بين أسعارهم وأسعار أي حملة إمارتية .

وإللي حاب يسافر بروحه بيكون بغرفة مشتركة لأربع أشخاص وإذا صادف إن إللي وياه أخوانه او ربعه يكونوا كلهم بنفس الغرفة .

وطبعاً السكن بمنى والمزدلفة يكون منفصل ( خيمة للنساء وخيمة للرجال ).

هذي الأسعار شاملة كل شي مأكل ومشرب وتذاكر ومواصلات ومسكن .. وإللي مهتم يراسلني على الخاص وبعطيه رقم الأخ المسؤول عن التسجيل

والموضوع يا أخواني ويا خواتي للمنفعه العامه فقط

وأي شخص يقدر يسأل عن الحملات الكويتيه وكيف يكون نظامها وترتيبها .

[Ṁrş ђภ₥ǾǿĐ]

مشكور اخوي يعطيك الف عافيه

[مجاهد النفس]

العفو يا يا خوي وشكرا على مرورك الطيب