أنا بصراحة مب موافق .. يعني الحين نحن جربنا الثانوية بنظام الثلاث فصول ..
و سمعنا إن بنمتحن في يوم واحد امتحانين .. كيف انركز في موضوعين في يوم واحد مايستوي .. حتى لو كانت الكمية شوي .. بعد الواحد يلخبط في المعلومات .. يعني لو تخلون كل امتحان في يوم واحد أحسن .. نذاكر كمية كبيرة من مادة وحده ولا نذاكر مادتين في يوم واحد حتى لو الكمية قصيرة .. لأنه يشتت المخ بصراحة ..
وإذا كان نظام الثلاث فصول له مميزات .. ترى بعد من سلبياته إن نحن انخيس في المدرسة الين الساعة ثلاث الظهر بدون غدا ... ولين الدرب وجي نوصل البيت الساعة 4 العصر .. و نتغدى رواحنا .. ومانشوف اهلنا إلا كمن ساعة في البيت .. لدرجة إن التواصل بين العايلة صار وايد ضعيف للأسف .. خفوا علينا اشوي على الأقل الدوام الين الساعة 2 ..