في القلب حي مامات
إلى الأبد بيعيش قايد
ذكراه في قلب الإمارات
تنبض وتهتف باسم زايد
ღ
وقف نبض المسا فجأه وفجأه كل شي مهموم
ومن وقع الخبر صارت تنكس نفسها الاعلام
رحل زايد رحل والليل يتساءل بعد هاليوم
صباحج كيف يابلاد شعبها كلهم ايتام
ترجل فارس الامه قدر وأمر القدر محتوم
ترجل من على خيله وصاحت أمة الاسلام
رحل وانجازه الأكبر بلاد مابها مظلوم
حكمها الفارس القايد ومات الفارس المقدام
سمعتك يالخبر وامري مابين مصدق وموهوم
وأمشي خطوه مصدق وخطوه تشبه الأوهام
ويسري شي في دمي كأني بالحزن مسموم
واشوف الناس من حولي وجوه تشبه الآلام
أشوف رجال مكبرها بكت كأنها طفل محروم
وأنا يادوبي مصدق واقول الله يالأيام
خذيتي زايد وكأنك خذيني من مسانا النوم
ولكن حكمتك ربي وحمك سيد الأحكام
رحل واحد نعم واحد ولكنه يساوي قوم
رحل بس بعد ماحقق طموح الشعب والأحلام
فمان الله يازايد كثر ماهالخبر مشؤوم
فمان الله يالوالد كثر خيرك في هالأعوام
كثر حزني وانا اشوفك تروح وموكبك مزحوم
كثر مانظرة محمد بها غبنه وماتنلام
كثر ماصورتك بكت عيون الناس يالمرحوم
ابدعيلك فمان الله وبراحه عساك اتنام
لو الموت وقف بس لحظه وسألناه
وشرايكم عن زايد انتو تموتون
إن كنا متنا عنه نحنا وأهلنا
وان كان عن زايد تعوض بمليون
ليته قبل زايد تخير أجلنا
إن كان قلنا له لجل زايد يهون
ياربنا ماغيرك انتا سألنا
نسألك تجعل جنتك لاجله تكون
لا الدمع صبرنا ولا هو غسلنا
نحتاج لو نبكيه لعيون عيون
منهو الذي من حزننا ينتشلنا
واللي نحبه في الثرى صار مدفون
ღ
ياربنا ياللي ياللي عليك اتكلنا
واللي لأمرك يشهد الكاف والنون
عن شيخنا المرحوم راضين كلنا
نسألك ترضا عنه يا خالق الكون
ღ
من يوم فتحنا وشفنا أملنا
نسمع أهلنا بخير دوم يدعون
هو كان قايدنا أبونا مثلنا
وكان فينا شمس وظلال ومزون
عنا رحل زايد وغادر قبلنا
عنا رحل مطمن وغمض جفون
من بعد ماوحد ولملم شملنا
واهدى لنا قاده بمبداه يمشون
ياربنا ياللي عليك اتكلنا
واللي لأمرك يشهد الكاف والنون
عن شيخنا المرحوم راضين كلنا
نسألك ترضى عليه ياخالق الكون
مايموت اللي ترك خلفه رجال
مايموت اللي مثل زايد يكون
مايموت الخير مع حسن الفعال
والملا له يدعون ويشكرون
ماخطا المرحوم زايد يوم قال
حكمة من هالبشر يتعلمون
المصانع ماهي لي تصنع رجال
الرجال اللي بايديهم يصنعون
ღ
ღ
__________________
الانسان مايعرف ظروفه وين بتوديه .. ومن منو بتاخذه
اللـــہ يرحمــہ و يغمد روحــہ الينــہ
رد مع اقتباس
.jpg "الصورة الرمزية عاشقة الجالكسي")
.jpg "الصورة الرمزية صعبة المناال")
