بسم الله الرحمن الرحيم
السلاااام عليكم ورحمة الله وبركاته ...
احسن شي سويتوه انا نتناقش فـ هالموضوع صرآآآحه انا قمت احس اب عمري فار تجارب
ياخي الحينه ماطبقو هالنظام الا هالسنه انا اخر سنه ثانويه عامه ياخي متعودين نحن على شي من 11 سنه الحين اخر سنه تيبون لنا شي يديد جي مره وحده اعتقد شوي صعبه
انزين ماعليه خلنا نقول انه بنتعود على هالشي اوكي ماعليه
بس في النضام القبلي يوم شي امتحانات كل اسبوع كم امتحان او كل يوم ترى والله احسن
بقول لكم ليش ..؟!!!
لأنه الله يسلمكم يوم الاستاذ بيخبرنا انه علينا امتحان عقب اسبوع مثلا ويحدد اليوم هالشي بيخلينا نذاكر قبل الامتحان طبعا وهالشي تقريبا شوي شوي يخليك حتى انته جاهز حق امتحانات نص السنه واخر السنه لأنك انته من بداية السنه تذاكر غصبن عنك لأنه شي امتحانات
لكن الحين في نظام الـ 3 فصول مابيكون شي امتحانات وايد نفس ماتقولون واب هالطريقه الطالب يوم انه ماعنده امتحان ترى بيتكاسل عن الدراسه .. انزين انا بعد مابا اقول انه محد يحب الدراسه لا في الي يحب والي مايحب الدراسه لكن ياجماعه انا اشوف انه قبل احسن لأنه يوم شي امتحانات وجي ننجبر نذاكر بس جي يوم مافي ترى بنتكاسل اكثر واكثر واشوف صرآآحه انه بيكون اصعب علينا

ولو كانو مطبقينه ع الابتدائيه مثلا وشوي شوي كل سنه عسب يتعودون هالجيل الصغير مب علينا نحن اخر سنه يغيرون انا صرآحه مول مب موافق واعتقد بعد انه الاغلبيه حاطين غير مواافق
والسموحه منكم على الإطاله ..^^
سبحان الله وبحمده سبحان الله العظيم .. سبحان الله وبحمده سبحان الله العظيم ..