استفسار عن كلية فاطمة

[ما بين هذا وذاكـ]

[QUOTE=روح الخزامى;1320333]

اربع سنوات دراسة لكل برامج البكالوريوس هذا شي معروف & اللي يدرسون سنتين او 3 سنوات تمريض عندهم دبلوم وقلة كفاءة عملية صراحه وهذا شي من الواقع وشفته بعيني خلال التدريب في المستشفيات والعيادات ..

التمريض مهنه انسانية بحته بعيده عن الخدم مثل ما تقولين .. اذا الشخص قدر الشي اللي هو يسويه ما تهمه نظرة البعض من الناس له وبعدين الفكرة اللي الناس ماخذينها عن التمريض ما يت من فراغ .. يت من معاملة الممرضات للناس محد خلاهم خدم الا من باب الجزاء من جنس العمل .. نحن في كليتنا هدفنا تغيير نظرة المجتمع للتمريض وهالهدف يالسين نلمس نجاحنا فيه خطوه بخطوة وسنة ورا سنة وان شاء الله ربي بيوفقنا ونخدم دولتنا الحبيبة..

عايشين فالواقع اختي .. باند الايلتس اي حد يقدر اييبه بالعزيمة والاصرار والاجتهاد .. ومثل ما قلتلج اختي باند 6 من شروط جامعة جريفث واصلا الحين الكل يطلب 6 .. 5 اي حد يقدر اييبها بدون دراسه ولا تحضير للامتحان =)

بالنسبة للشهادتين ..
خريجين الكلية لهم شهادتين .. شهادة جامعة جريفث فالتمريض و شهادة كلية فاطمة في العلوم التمريضية
اما بالنسبة للراتب فما يقل عن 15 الف درهم .. الراتب الصافي بدون بدلات اعتقد انه راتب وايد ناس يتمنونه والحمدلله على كل حال .. الدراسه والامتحانات والمحاضرات هذا روتين في كل الجامعات مافي شي سهل الا بالسهر والتعب والاجتهاد .. بالنسبة للشفتات .. كل شي فيه تعب صراحه حتى لو قلتي ما بداوم وبيلس فالبيت .. البيت نفس الشي فيه شغل وتعب ومسؤوليات حتى لو كانت بسيطه وسهله ومريحه بتشوفينها صعبة اذا ما كنتي حابه الشي اللي تسوينه.

اختي كل كلامي اقصد فيه توعيتج ماقصد اني اغلط او اجرحج بالكلام
مابزيد ولا بنقص شي بس برد اقولج التمريض مهنة وايد حلوة وممتعه
كم تسوى ابتسامة مريض او دعوة اهله لج

الله يوفقنا يميع ان شاء الله
والسموحه =)

هلا اخي

اشكرك على تعبك بس انا كان قصدي انو كل الجامعات 4 سنوات الا هي 5 وب5 سنوات احسنلي ادرس طب

والايلس انا بصعوبة اخذت 5 لان الريدنج صعب بس هذي ازمة ممكن نتجاوزها بالدراسة والاجتهاد مثل ما قلت

اما الراتب فانا مو من مواطني الدولة عشان يعطوني هالمبلغ وعامة انا بدخل جامعة خاصة لان جامعات الدولة صحيح احسن لكن اصعب .. فما بجلس بالبيت ولكن بتخلى عن التمريض وبتجه لتخصص اخر

اشكرك على تعبك معي