..^^.. للبنات ..

[شقشوقة]

دااام انه رمضاان ، ، خلوناا ناخذهاا فرصه !


اللهم مالك الملك تؤتي الملك من تشاء.. وتنزع الملك ممن تشاء..
وتعز من تشاء وتذل من تشاء.. بيدك الخير إنك على كل شي قدير..
رحمان الدنيا والآخرة تعطيهما من تشاء .. وتمنع منها من تشاء ..
أرحمني رحمـــه تغنينـــي بهـــا عـــن رحمـــه من ســـواك

سبحان الله وبحمده عدد خلقه ورضا نفسه وزنة عرشه ومداد كلماته

ماراح اتكلم بأسلوب وشسمه بأتكلم بأٍسلوبنـآ كـ بنـآت..
بنـآت..
مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..
بنات لبسو عبايات كتف وبناطيل و و و لكن ايش..
تركو السوق والتلفزيون والاغاني وجو للمسجد ..
وش معنى هذا..!
مو معنى المسجد
يمكن صليتي في بيتك ورفعتي يدك ودعيتي من قلبك..
وبـ ذلك بكيتي والشيخ يدعي..
تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }
وتسمعين { سبحان من ستر القبيح واظهر الجميل },,
تسمعين يقول { سبحانك تطاع فـ تغفر وتعصى فـ تغفر }.
تبكين من قلبك او يعورك قلبك ..
تحسين انك صح كذا تحسين فجأه انك ولا شيl
يعني وش سوينا نحس ان حنا مغترين بأنفسنا..
تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده k..
معقوووووول.!
ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..
بنات الى متى انا وانتو كذا..
قسم بالله مهيب حاله يعني يجيني حاله اقول ودي اني بعهد الصحابه l..
الى متى وحنا بغفلتنا,,
نصلي ونبكي و و..
يجي العيد وبعد العيد ونرجع لخنبقتنا وننسى ..
طيب انا وانتي خلينا نفكر بـ شي من الحين دام الهمه فيني وفيك الحين..
مثلا نسوي صندوق بالبيت او بغرفتك كل يوم حطي ريال ..
بدل هالشيبس اللي كل يوم نجيب 4 للشله.
نتبرع بريال للصندوق ...
وريال على الريال تصير 10..
تدرين ليه ريال عشان ماتثقل عليك واللي لها قدره الله يجزاها خير..
وعطيها مثلا هاللي ينظفون بالاسواق ولا سواقكم ولا شغالتكم ..
تراهم ماجو هنا الا للحاجه..
واذا كانت تتعنفق ولا تنافخ ..
خلي قلبك اكبر واكسبيها باجر ربي وماجوووووووووره,,
ولسانك ..اللعن ..زي العاده ..
شفتو ابله فلانه الله ..... تستهبل هي وواجباتها..
ولا الدكتور/هـ ودي اذبحها الله .........
ولا اخوي الحمـ.... فصل النت .الله .......
عودي نفسك تتركين العاده ..اذا لعنتي فجأه عاقبي نفسك واستغفري 40 مره مثلا =)..
واحسني خلقك مع أي احد..
تدرين الابتسامه لها اجر..
تمر وحده من جنبك .. لاتمدين الكشره متر ..لا ابتسمي..
انا مره رحت مكان ماعرف احد فيه وفيه بنت ابتسمت لي تمنيت اني هي..
الابتسامه لها دوووووووووووووووووور..
عبايتك ..
انتي عارفه خطأك اكيد بس خليني اقولك عن شي..
مره كانت فاطمه بنت النبي تبكي من قلب وتصييييييييييييييييييح..
جتها عائشه رضي الله عنهم جميع..
تقولها مابالك .!
اعلمك وش قالت ..؟!
قالت بمجمل كلامها .. الحين إذا انا مت وشالوني الرجال بييبن جسمي وبيبان خصري
يعني شكل جسمي بيبان..
اذا فاااااااااااااااطمه بنت الرسول كذا تفكيرها
وهي الحين ميته..(( رحمها الله ))
وحنا العبايه واسعه لكن مع الشنطه وشد العبايه مع الخصر يبان كل شي
بنات تكفون خلونا نتغير ..
وربي ماراح ينفعنا شي..
تدرون بس ان النار سوداء وكل شي مانشوف<~ توها سامعه المعلومـه..
واللي ابتليت بجوال مع الشباب ولا الماسن..
تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ
وش ردك عليه..!
بنات والله ماينفعك..
تدرين ليه اقول كذا .. لاني اعرف كثير وعارفه هالشي صعب..
لكن احببببببببببببببببك
لاني احس انو شي صعب بس من ترك شي لله عوضه الله خير منـه..
اتركيه هالشخص ووضحي له انك تعدلتي..
شي احسن من لاشي ..
حاولي و حاولي وحاولي..
وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..
بنات..
عدلي لو شي واحد وادعي ربك لنفسك دائم..
صح ولا انسى الاغاني والافلام الامريكي والكوري<~ يارب صبرنا وأعنا..
اذا انحطيتي بقبرك ماراح يٍسألو عنك ..
بتنحطين بقماش وذنوبك معك..
حاولي انك دايم تذكرين صحباتك بالجنه والاشياء ..
تخيلو اليوم سمعت عن قصه ..
في اثنين أصحاب ..
كانو قاعدين بمكان <~ اجل وين..المهم..
قامو يتكلمون عن الجنه والنار والخ.!
واحد دمعت عينه بذكر النار خاف منها..
بعدها بمده توفى صاحبنا ..
وجاء لخويه بالحلم ..
قاله صاحبه يافلان وش اخبارك..!
قال اخباري..
انا بالفردوس الاعلى اعلى شي بالجنه..
قاله صديقه ليه..؟
قال تذكر يوم نقعد نسولف انا وانت وذكرنا النار ودمعت عيني..
هذا اللي دخلني الجنه..
شفتي ربي قد ايش كريم..
وربي ربي شي كبيييييييييييييييييييييييير..

بنات..طولت عليكم..

بس وربي ضايق صدري ع حالنا هالبايخ..
خلينا نتحمس سواء ونتعدل مع بعض..

الله يخليكم




منقول >>> ... ^^

[ليش لا]

الموضوووووووووع وااااااايد حلو بس في هالزمن وهالجيل اتوقعي كل شي

تسلميييين على هالموضوع


يزاج الله الف خير ..... في ميزان حسناتج

[ميمي الحبوبه]

شكرا لك ع الموضوع الجميل والرائع

[شقشوقة]

تسلمون ع الردود .....
(( ليش لا .. اذا كان عند البنات قوة ارادة فليش لا انهم يتغيروا ... ^^

ان شاء الله يكون في امل انه نحط ايادينا مع بعض وانغير كل الي ما نبيه

[حاملة القلوب]

اللهم ..
اني اعوذ بك من العجز والكسل والجبن والبخل والهرم وعذاب القبر وفتنه الدجال ..
اللهم ..
آت نفسي تقواها وزكها وانت خير من زكاها انت وليها ومولاها ..
اللهم ..
اني اعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها ..




اسمح لي ابدي اعجابي بقلمك وتميزك واسلوبك الراقي وتالقك

[حاملة القلوب]

الله يهدي من يريد
وان شاء الله البنات رح يهتدوا
آمين يا رب



اذا لم تستطيع ان تنظر
امامك لان مستقبلك ..
مظلم..
وان لم تستطيع ان تنظر
خلفك لان ماضيك..
مؤلم..
فنظر الى الاعلى تجد..
ربك..
تجاهك..
فابتسم فان هناك من ..
يحبك..
يعتني بك..
يحميك..
ينصرك..
يسمعك..
يراك..
انه ..
..الله..
ما اخذ منك..
الا ليعطيك..
وما ابكاك ..
الا ليضحكك..
وما حرمك ..
الا ليتفضل عليك..
وما ابتلاك..
الا لانه يحبك..

[فراشة الفجيرة]

[موضوعكــ في قمة الروعه]
[ جزاكــ الله خيرا أخيتي وجعله في ميزان حسناتكـ]

تقبلي مروري
أختكــ
فراشة الفجيرة

[أسيرة الأرواح]

يسلمو اختي العزيزه على الموضوع الحلو هاد
ان شاء الله البنات ياخذوا عبره من هاد الموضوع

[شقشوقة]

...... منور الموضوع بردودكم يالغاليين ...... ( فراشة الفجيرة ,, ميمي الحبوبة ,, اسيرة الارواح ,, حاملة القلوب ,, ليش لا )

...... وان شاء الله رح يهتدوا يا حاملة القلوب ,,, والله يسمع منج ان شاء الله يا اسيرة الارواح ......

^^