التقنيات الحيوية... biotechnology..!!

[اخت الحزن]

يعطيكـ ألف عافية ع التوضيح ،، من جد سااعدتينا وريجتينا

[أمواج هائجة]

مشكوووورة يا طموحي المعالي والله إن نحن نحتاج لكم ونحتاج لارشادكم وفقك الله دنيا وآخرة

[طموحي المعالي]

اخت الحزن
ربي يعافيج حبووبة ...
ماشي تعب بالعكس استانست لني قدرت افيدكم ولو بشي بسيط ...
واذا بغيتي اي شي ثاني لا تترددين ... حياج الله ^^

امواج هائجة
العفوو الغالية لا شكر على واجب
ربي يوفقنا يمييع ان شاء الله ^^

[أمواج هائجة]

سؤال لطموحي المعالي سوري تعبناج ويانا
في التقنييات الحيوية العملي والتطبيق يغلب الحفظ والدراسة؟؟
أنا وايد ارتبك من التجارب يا أحرق ايدي أو أخرب الجهاز

[طموحي المعالي]

هلا أختي أمواج

الدراسة تقريبا اقدر اقول انها 70% نظري و 30% عملي ... بحسب الخطة اللي عندنا بناخذ على الأقل 10 لابات ... و الباقي كورسات نظرية ( متطلبات جامعة اختيارية واجبارية + متطلبات كلية اجبارية + متطلبات قسم اجبارية واختيارية )

اممم بالنسبة للسنة الأولى ما بتاخذين فيها لابات صعبة ... و تقريبا النظري والعملي متساوين .. يعني عندج بايو 1 و 2 وياهم لاب وتجاربه سهله اغلبها ماخذينها فالثنوية .. و مافيها حرق لا تخافين ^^ .. عندج بعد الجنرال فزكس + اللاب بعد مافيه شي اغلب الشغل فيه فالحسابات و اللاب ربورت نفسه مب التطبيق العملي ... اما لاب الكمستري هذا فيه لهب بنزن و مركبات حمضية تحرق بس لا تخافين كل تجربة شي قبلها دمونستريشن و طول الوقت المساعدين يكونون موجودين بس المهم انج تنتبهين للشرح وتمشين خطوة بخطوة وما تستعيلين شراتي عسب ما تعيدين التجربة من اول ههه .. و اذا عندج سؤال او مب متأكدة من شي على طول خبري الاستاذ\ة وهم بيساعدونج .. ( اللي يدرسون كورسات السنة الاولى وايد فرندلي انا جربت اشتغل وياهم ) ^^

اممم السنة الثانية مافيها الا لابين انا باخذهم ان شاء الله .. اورغانك + انالاتيكال كمستري .. وقالولي انهم سهلين بس يبالهم تركيز و طولة بال .. ^^

السنة الثالثة و الرابعة تبدين تتعمقين شوي وتاخذين مواد اصعب بس بتكونين متفرغة لها ( المفروض تكونين مخلصة كل المتطلبات و الكورسات الجنرال فأول سنتين ) .. واللابات لين احينه مانعرف عنها شي لأن دفعتنا سنة ثانية وطلاب السنة الثالثة بياخذوون كورسات التخصص على الفصل الياي ان شاء الله .. بنشووفهم شو بيقولوون ^^

انا متحمسة للسنة الثانية لأن السنة الأولى اعتبرتها كأنها رابع ثنوي .. اغلب اللي درسناه كنا ماخذينه فالثنوية و الاشيا اليديدة كانت خفيييفة وحلوة ^^

وان شاء الله نشوووووفكم ويانا ^^
بالتوفيييج

[أمواج هائجة]

مشكووورة أختي طموحي المعالي وإن شاء الله نتعرف عليج في الجامعة
وفقك الله

[طموحي المعالي]

العفووو أختي أمواج
لا شكر على واجب ...
حاضرين فأي وقت .. ^^

بالتوفييج

[كراعين نمله]

مشكوووووووره الغاليه طموحي المعالي .
وااايد افدتينا ..

[كراعين نمله]

هممممم
لازم ااذ دورة ايلتس عشان امتحن ؟؟
و لا اقدر ااخذه بدون دورات ؟؟
يعني الايلتس سهل و لا صعب ؟؟

[أمواج هائجة]

طموحي المعالي .... ممكن بعد ما أدرس التقنيات الحيوية أصير معلمة أحياء ولا لا