أستفساراتكم حول كلية فاطمه للعلوم الصحيه

[uae 007]

اقتباس:
المشاركة الأصلية كتبت بواسطة باسليتووو
مشكورة على مبادرتك بغيت اسأل فيه سكن تابع لهالكلية في العين أو أبوظبي

و على اي اساس يقبلون اللي سجل عندهم و هل المقابلة تأثر وايد على مدى قبولهم للشخص أول لا ؟

دمتي بخير



مرحبا بـ ك/ج

العفو افا عليكم .. نحن في خدمتكم ^^

للأسف ماشي سكن حاليا شرات ما ذكرت الطيبه ميثا الزعابي ..

وبالنسبه لسؤالك الثاني ..

هم يقبلون على أساس امور بسيطه شرات النسبه ورغبتك في الأنضمام لكلية فاطمه ..

المقابله بتأثر من ناحية تقييمهم مدى رغبة الشخص بتحمل الصعوبات اللي بتواجهه في هالمهنه ورغبته الحقيقيه في التعلم .. ولا تنسون الأمتحان والشهاده .. وكل شي يأثر على نسبة القبول ..


بس لا تحاتون من ناحية الأنجلش .. لأن الكليه مخصصه سنه كامله لتعليم اللغه

وهم تقريبا يكونون متوقعين أن الطلاب المتقدمين للكليه ضعيفين بعض الشيء في اللغه .. وهذا كان حال أغلبنا يوم قدمنا .. ^^

وأنا يوم حدرت الكليه وانقبلت ما كنت أعرف الأنجلش ..

لكن الحينه بتدرسيهم اللي صدق يفوق كل التصورات صرت كاتبه ومتحدثه وقارئه ومستمعه

ممتازه على حسب تقييم الأساتذه وملاحظةكل اللي حولي ..

أتمنى لكم التوفيق ..

BEST LUCK