السلام عليكم ورحمة الله وبركاته
فالبداية احب اقول حق كل الطلاب انه ما فيه شي صعب ابدا نحن دخلنا علمي وقالولنا صعب وما عرف كيف بس الحمدلله مع الجد والمثابره ما في شي صعب توفقنا والحمدلله ويبنا نسب عالية وطلعنا من اوائل الدولة ولله الحمد نسبة 99.8
الموضوع وما فيه انه الواحد لازم يرتب اموره يعني اول ما يوصل البيت يسويله جدول بحيث انه يراجع كل المواد اللي درسها وخصوصا المواد العلمية وما ياجلها ابدا حتى لو يقرا الدرس المهم ايراجع
وطبعا المواد الادبية اللي يبالها تحضير ايحضرها ويحل الواجبات والمشاريع حاولوا تخلصونها من بداية الفصل بحيث انه ما تنضغطون بالنهاية لانه بتيي فترة بتكون كلها امتحانات فلو اجلتوا المشاريع بتيي فترى الامتحانات مال التقويم و بتحسون بضغط رهيب فمن البداية خلصوا مشاريعكم عسب تتفرغون للامتحانات وحاولوا دايما تحلون نماذج امتحانات سابقة عشان اتكونون ملمين بكل الافكار وعقب هالشي بيساعدكم لانه بتتركز الافكار فبالكم واذا ما فهمتوا شي من البداية سيروا للمعلم او المعلمه وسالوهم اول باول عشان ما يتراكم عليكم وقت الامتحان وما تستهينون بامتحانات التقويم لانها بتساعدكم وذاكروا حقها بجد وبذمه لانه هالشي بيخلي المعلومات ترتكز فمخكم ولما بتيون اذاكرون لنهاية السنه بتكونون مذكرين المعلومات وما بتحسون باي صعوبة باذن الله وطبعا اهم شي انه تكون نيتكم خالصة لله سبحانه وتعالى وتقوون علاكتم فيه وغير عن جي لاتحسون انه المواد شي مفروض عليكم بالعكس حفزوا عماركم حسسوا اعماركم انه المناهج مثل الكتاب اللي انتوا اخترتونه وحسوا بالمتعه وانتوا تدرسونه هالشي بيحببكم بالمناهج وبيزيد من نتايجكم..
واي مساعده انا حاضرة ان شاء الله...