رأي طلبة الصف الثاني عشر" علمي" في امتحاناتهم من هنا

[السنفورة سنفورة]

امم

مرة سوولنا اجتماع مع موجه الانجليزي .. مدري شو اسمه
المهم :


قال يوم يكون الطالب ناقص .. هم يدورون أي شي عشان يزيدون درجاته ..

مثلاً اذا كانت ورقة امتحانه نظيفة ومرتبة .. يزيدون درجات على هالشي ..

والخمس جمل اللي اييبونها في الامتحان ..
قال بأن شي وااااايد ناس يخلونها فاضية ..


قال لا تخلون أي شي فاضي .. لأنه لو شي وايد درجات نازلة .. يرجعون حق هالسوالف .. اللي يقدرون يتحكمون فـ تصحيحها ..

يعني اقصد .. الاختياري مثلاً .. ما يقدرون يتحكمون فيه ليش .. لأن الصح واضح .. حرف وبتحطون عليه دائرة ..
يعني ما يقدرون يقولون هذا غلط .. بس يمكن نتغاضى عنه ونسويه صح .. خخخ .. حلوة هاي ..


بس فـالرايتنق .. يسوون هالشي ..
يعني اذا شافوا طالب درجته مرتفعة .. يعني باقيله 2 او 3 عن العلامة النهائية ..
أو درجاته عالحافة .. باقيله 1 أو 2 عالنجاح

يروحون للرايتنق .. ويشوفونه اذا عنده اغلاط .. يراجعونها كذا مرة .. واذا كان الخط مرتب والصفحة نظيفة .. يتغاضون عن بعض
الأغلاط الاملائية وما ينقصون عليها ..

يعني لا تخلون هالرايتنق فاضي .. حتى لو ما تعرفون .. حتى لو غلط .. هم يرجعون حق هالسوالف في النهاية .. عشان يعدلون درجات الطالب ..

بس لو كانت الصفحة فاضية .. فـ يعني ما بيدهم أي شي .. من وين بيحطون درجات وعلى شو.؟
فـ لازم الطالب بعد يساعد نفسه ..


خخخ

مدري اذا استفدتوا معلومة يديدة من كلامي .. خخ ..

بس سالفة الخط المرتب والصفحة النظيفة .. كانت يديدة عليه الصراحة خخخ