رأي طلبة الصف الثاني عشر" علمي" في امتحاناتهم من هنا

[انامل]

اممم .. قريت ردودكم .. وشفت معاناة ...
فحبيت ارد مرة ثانية .. مدري ليش ^_^!

الله يكون في العون يارب ..


بنات صفنا تقريباً 90 % قالوا صعب
10% متوسط للصعب ..

وبالنسبة لي .. من اول ما بديت احل الامتحان .. شفت انه سهل .. لأن كان شرا التجريبي ..

الصفحة الثانية ..
هه .. بديت أخلي أسئلة فاضية ..

الصفحة الـ 3 كلها تمت فاضة .. اللهم سؤال واحد يمكن حليته ..

وبديت احل السهل .. ورحت للاختياري وحليته ..

ورجعت مرة ثانية .. اكمل الناقص .. ومع ذلك تمت عندي يمكن 3 مسائل تقريباً .. مب عارفة شو أفكارهم .. لين أخر وقت الامتحان ..
ويودتني غصة الصراحة .. ما كنت اتخيل ان الوقت يخلص وما اكون حالة هالمسائلة .. لكن الحمد لله ..
والحمد لله حليت وما خليت شي فاضي ..


بس الصراحة الصراحة .. للي يقول الامتحان ما يخصه بالتجريبي ..

أنا اقول بالنسبة لي .. ماكنت بعرف احل ربع الامتحان .. لو ما كنت حالة التجريبي ..
وايد افكار عرفتها من التجريبي .. وما كنت شايفتنها لا في الكتاب ولا في الامتحانات التقويمية ..

احمد ربي واشكره .. انه باركلي في الوقت .. وقدرت احل الامتحان التجريبي ..


الله يوفقنا يارب ..


حرآم عليج السنفورة ،،، من جد كآن صعب ومآكآن له علآقة بالتجريبي ،،، خصوصا سؤال تعيين النظريات في المجسم يعني بالله عليكم من توقع يسآلون مكآن النظريآت ؟؟ وبعدين في قوآنين هب موجودة حتى إني حسيت هالقوآنين لخبطة عالطلبة عشآن يحتآسون بأي قآنون يعوضون ،، وفي مسآئل مبآلغ لو رمست ما بخلص ،،، عالعموم سنفورة بشرينآ بدرجة الفيزيا دامه كآن سهل ،،، وبالتوفيق

[السنفورة سنفورة]

حرآم عليج السنفورة ،،، من جد كآن صعب ومآكآن له علآقة بالتجريبي ،،، خصوصا سؤال تعيين النظريات في المجسم يعني بالله عليكم من توقع يسآلون مكآن النظريآت ؟؟ وبعدين في قوآنين هب موجودة حتى إني حسيت هالقوآنين لخبطة عالطلبة عشآن يحتآسون بأي قآنون يعوضون ،، وفي مسآئل مبآلغ لو رمست ما بخلص ،،، عالعموم سنفورة بشرينآ بدرجة الفيزيا دامه كآن سهل ،،، وبالتوفيق

انا ما قلت سهل .. قلت متوسط .. ^_^

وماقلت الامتحان كله يه من التجريبي .. لكن شي افكار كانت واردة في التجريبي .. ^_^

نحن قبل لا ندخل الامتحان .. قالولنا انه مب اكيد يحطون القوانين ..

و الصراحة اول ما دخلت الامتحان .. شفت الصفحة الأولى ما فيها قوانين ..

قلت لاااا ... كدينا خير ..
ويوم كنت أحسب أوراق الامتحان .. شفت ان القوانين موجودة فـ آخر صفحة .. خخخ والله ارتحت نفسياً
حتى كان مرتب القوانين بشكل حلو .. يعني كل درس حاط قوانينه بروحه وكاتب العنوان فوق .. وهالشي ساعدني الصراحة



هيه صح .. شو كان حل هـ السؤال هذا .. مال النظريات . !؟