رأي طلبة الصف الثاني عشر" أدبي" في امتحاناتهم من هنا

[5alo0of]

هههههههه انتي خلي النواه تقدرين تحفظينها عيل شو نسوي ف الدويتيريوم و التريتيوم

خله ايبون ع الحفظ احسن نظمن اذا ع الفهم بنروح فيها مانعرف هم شو يبون و شو يقصدون و شو الاجابه النموذجيه اصلن هههه

وين وصلتي ؟

[ظبيانيـة]

انا ابا الامتحااان كلة اختاري وصح وخطا وتوصيل
ويعطونا كلمات انزلهم فالجدول..
.. خخخخ واايد احلم..

[5alo0of]

ههههه شو رايج بالمره يعطوننا نموذج الاجابه
ههههههههههههه
مالي خلق اذاكر آخر وحدتين

[ظبيانيـة]

يااالييييت والله

انا من المغرب ابا احل نموذج الوزارة ومالي خلق ><"

[سحايب شوق]

ياا ربي .. انا تعقدت بصراااحه !!

يعني اووك انا مخلصه .. بسسس احس انه مب عارفه شي !!

انتوا ويين وصلتوا ؟؟

آآخر وحدتين اررف ><"

[5alo0of]

سحابة شوق لاتعقديني بروحي ابغي حد يرفع معنوياتي و يقول سهل هههههههههه !

[سحايب شوق]

ههههههههههه .. اوكيييك

ذكرتني فـ ربيعتي اول يوم امتحان يالسه تقوولي اونه لا تزيغيين

قوولي انا قادره انا متفووقه اونه .. P=

الحيين تم قوول انا قادر انا متفووق هههه

يااا رب ايي سهل يااا رب p=

[فراقك ذابحني]

السلام عليكم و رحمة الله و بركاته
أنا الحمدالله توني مخلصة الكتاب افتكيت بس رأسي مصدع من زود ما أحفظ في أخر وحدتين واااايد ايبالهن حفظ
شدو حيلكم باكر و إن شاء الله الإمتحان يكون سهل

[سحايب شوق]

علييكم السلام و الرحمه ..

افتكييتي والله .. بسس شوو بششري كيف ذاكرتي ؟ لوول

و شو تتوقعين الامتحان بيكون باجر ؟ =\

امنييتي انه يكوون كلله فقرة و عليها اسئله نفس الصفحه الاخيره مال التجريبي ههههههه

[فراقك ذابحني]

و الله أحس أنه الإمتحان باكر بيكون سهل لأن نحن فمنطقتنا متعودين على الإمتحانات الصعبة فنحس الأسئلة اللي من الوزارة تكون سهولة ما فيها صعوبة و الحمدالله الوزارة مسهلة علينا الإمتحانات فأكيد الأمتحان بكون سهل إن شاء الله
و عن مذاكرتي ذاكرت أول وحدتين يوم الخميس و الثالثة يوم الجمعة و الباقي يوم السبت بس أخر وحدتين لعوزني فيهن حفظ أسماء العلماء و أصلن الأبلة مخلصة حقنا أربع وحدات في أربع أيام عشان هاشكل نحسه شوي صعب .
بس الله يوفقنا