أستغرب الكثيرين مستصعبين امتحان الرياضيات ..؟!
الصراحة من دشيت عاشر وللحين
ما مر علي امتحان رياضيات بهالسهولة
كان أكثر ( مباشرة ) من الي سبقوهـ !!
يعني بشكل عام كان الامتحان وسط ..
و ان شاء الله الـ 80 .. تكفينا والحمدلله

امتحان العربي الصراحة كان أصعب
خصوصاً انه الفقرات كانت معباية معلومات و مفاهيم ..
يعني قهرررر لازم نقرااا و ندقق ..
منو متفيج ع الصبح و الحر
و المكيف خربان و مزجم ( أنا هع )
يعني بشكل عام كان الامتحان صعب
و كلّي التمني اني لو يبت فيه 80 يكون خير وبركة ...!

امتحان الجيولوجيا ..
أقولها بالفم الملياااان كاااان سهللللللللللللللل ..
يعني مادري ليش الكل معقد الأمور
حتى اني طلعت من الامتحان حصلت واحد يايب درجة احسن عني بالتقويم بالجيولوجيا ( بالغش طبعاً ) فسألته : ها شو الامتحان .. فقالي ان شاء الله ناجحين .. فرد علي " شو امتحانك ؟ " فقلتله ان شاء الله درحة كاملة ( طبعاً مب درجة كاملة يعني قولوا 90 بس كنت ابي اقهر فيه )

الحين بتقولون ليش لهدرجة متفائل..
الدرجات المتوقعه انا عادي تكون اقل بكثير بس
انا هذا طبعي التفاؤل دائماً وأبداً ..
ولكن هالمرة تقدرون تقولون يمكن تصدق توقعاتي ..
السر يمكن في اخذي الامور بعدم الجدية مب يعني طاف و ما اذاكر .. بس ما اندمج وايد بالمذاكرة و عوار راس واساتذه و بندول و خرابيط حتى مرات اسئلة اذا ما حصلت اجوبتها او حتى وحدة كاملة ..
اطوفها اقول بخاطري يعني كم سؤال بيي منها 5 ..؟
و عليهم 5 درجات ؟ لو ذاكرت الباقي صح ويبت 95 احسن من اني اتعب و ايلس ادور هاييك الاجوبة و اضيع علي وقت مذاكرة باقي الوحدات اخر شي اطلع من الامتحان بـ 80 ؟؟
صح ولا لأ ؟؟ ولي عودة ..

وبالنسبة لامتحان الأحيا الصراحة لو حد يجيب لنا تقسيم الدرجات .. يكون حلو
يعني كم نسبة الدرجات على الفصل الاول و كم ع الفصل الثاني وهيك
تعالوا صح .. ما جفت أسئلة عن الفصل العاشر بالنموذج ؟ ليكون حذفوه ونحن دارسينه ؟