اقتباس:
المشاركة الأصلية كتبت بواسطة نبض الود
الموضوع ولا أحلى وايد استفدت منه ,,,

عندي سؤال صغنون




فهالرد ... ابا اعرف ...{ هالبعثات على أي اساس ... النسبة ولا درجتك فالانجليزي .. }
وإذا عندك اضافات لا اتقصر .... مشكووور.. وما اتقصر

ملاحظة صغنونة { لا اتحطون ايميلات .... تم الحذف ....بس متأخرة } ...
سمحولي حذفت ردود ....



اهلين اختي ونور الموضوع بوجودج ..

المهم .. هالبعثات مبنية على اساس النسبة .. نسبة الطالب ف الفصل الاول و الثاني .. و المسؤول عن هالشي ادارة المدرسة .. الادارة تقوم برفع الاسماء لمجلس ابوظبي ومن هناك يتم توزيع الطلاب على المناطق ..
شدوا حيلكم و اسألوا الادارة ..

اختي .. عندي طلب صغير .. واللي هي الرسائل الخاصة .. ترا اللي حط ايميله كان محتاج انه يراسلني .. واكثر من شخص كان عنده سؤال بس ما يبي يكتبه .. فلو تكرمتوا بوضع هالخدمة بيكون شي طيب .. و طبعا الايميل ما بيغني الطلاب عن مشاركاتهم ف المنتدي ..


اقتباس:
المشاركة الأصلية كتبت بواسطة pinkyprincess27
اقتباس:
المشاركة الأصلية كتبت بواسطة pinkyprincess27
انا مسجلة حق البعثات من التعليم العالي بس كيف بيكون الخطوات او الprocess هم يختارون الجامعة او أنا و هل هم اللي بيسجلون حقي و شو لازم اللي علي؟ وبعد التخرج هم اللي يتصلون فينا؟. ثانكس


اهلين .. اختي ..

انزين .. اظن التعليم العالي يبيج تقدمين على جامعة تاخذين فيها كورس الانجليزي واللي بيكون لمدة سنه كاملة .. طبعا التسجيل للجامعة يكون هدفه انج تاخذين ( I-20 ) وهي فيزة الطالب .. بعد هالقبول بتسيرين تدرسين ف الجامعة و عقب انتي بتختارين 6 جامعات تقدمين لهن عسب تكملين دراستج الجامعية اهناك ..
ها و الله اعلم .. مثل ما وصلني ..

وحاولي تتأكدين .. اما بعد التخرج .. ف البعثات بيتصلون .. وانتي حاولي تكونين معاهم اول باول

و السموحة ع القصور



شكرا شكرا جزيلا و ما قصرت... بس عندي بعد سؤال التسجيل في الجامعة و الستودنت فيزا هذا بيكون علي اسويها؟
Thanks again



باااك .. ما شاء الله عليج .. و الله الصراحة ارتاح يوم اشوفج تسألين ..
هههههه ..

اذا كنتي ع التعليم العالي .. بيكون هالشي انتي تسويينه .. اما اذا كنتي ع الديوان فهو يتكلف ب هالشيء
وانا ما عندي اي مشكلة للرد على اي سؤال .. بس اهم شي لا تستحون واسألووا

و السموحة ع القصور