ما هو رأيكم بالفصول الدراسية الثلاثة ؟

[فتكان]

أنا أوافق ..
لأنه هذا القرار من صالحنا .. عادةً الفصل الدراسي الثاني ما فيه إجازات .. و كونهم حطولنا فصل دراسي ثالث بيكون أفضل ..
لأنه بتكون عدنا إجازة تقارب شهر أو نصف شهر بين الفصلين ..
غير هذا طول الفصل صار أقصر و نقدر نخلص المنهج على راحتنا على امتداد 3 فصول ..
و أضيف، إنه حتى لو كنا انداوم للساعة 3:00 العصر .. عن طريق تقسيمهم الفصول بنقدر انوفر وقتنا و انحل الواجبات و نسوي التقارير بسرعة..
و بعدين ليش لا ؟ .. هاي تجربة وحدة ما بينقص نصكم إذا درستوا 3 فصول .. و مثل ما قالت أختي "الابيض" الثلاث فصول هم نفس المدة إن كانوا فصلين .. جي و لا جي بنخلص نص شهر ستة .. ما اتغير علينا شي <_<

و أنا طالبة ثانوية عامة إن شاء الله السنة الياية، و مـا عندي أي اعتراض على القرار

الحمدلله إذا إللي قالوا إنهم موافقين أغبياء أختي "Cute_Girl" .. أنا ما عندي مانع إني أكون غبية لكن لمصلحتي ..حمدلله يوم طلعت غبية ..