تمديد ساعات اليوم الدراسي هل في مصلحة الطالب ؟

[صعبة المزاااج]

انا مب راضيه ابد
الصراحه نحن ما نقدر نرد البيت الساعه 3 ونص بس يكفينا والله الحصه الوحد ساعه والفسحه 15 دقيقه شووه هاااا ما يصير جيه بعد ونحصل عتاب وكل في المدرسه والله حرااام واذا ما حضرنا لكل ماده بيجتلونا المعلمات بس هلكنا نبي نرتاح نحس انه نحن عايشين احس اني موجوده فالدنيا ولا مب موجوده كل نفس الشى دراسه دراسه واللله مب حاله هاااي


...... والسموحه ع الاطاله ......

[بخوت الكتبي]

والله احسن
بعد لوتخلون مدرسه سكنيه زين
نحن راضيين
وشكرا

[بنوتة1993]

انا معاارضه و بشده بعد ،، !!!

يعني بالعقل نرد البيت ساعه 4 ،، و فوق كل هذا عنا
" واجبات ، تقارير ، بحوث ، مشاريع ، تحضير ، امتحاانااات "
متى نلحق نسوي كل ها !!!

و ع قولتهم مسوين 9 حصص عسب زيادة معلومات انا اشوفه بالعكس
نتعب ع الفاااضي ، يعني اخر 3 حصص الصراحه مانفهم شييي

و فوق كل ها مخلين اخر 3 حصص " كيميا و احيا و فيزيا " ورا بعض !!

يعني نحن بعد اوادم نحس ،، والله نتعب والله
والمعلمات والمعلمين مايشتغلون 9 حصص ،، نحن يحليلنا 9 حصص ورا بعض والله حرااام و طلبااتهم اللي ماتخلص

و الفسحه 15 دقيقه ،، اكل ماشي !! اي مدرسه هاي ،، وين مدارس قبل ؟؟!
والله العظيييم والله اكل مدرستنا " الفرااااشه جداااااام عينج تحط لج جبن ف صمون وتعطيج " وصمون يااابس
اي اكل هاا !!

و ممنوع نظهر بين الحصص ،، المس تووقف عند الباب و محد يظهر
والله احس انه سجن

والله احس انه ظلم ف حقناا

والسمووووحه

[bintyafa]

اريد ان اتسجل في موقع تعلم لأجل الأمارات

[مؤمنة لله]

هذا اللي ناقص ، نرد ساعة 3 وبعد يبوون يطولونها ، الصراحة المعلمات أبد ما يحسوون يسوون اللي ف بالهم وبس ، ونحن علينا ننفذ بس الين متى ؟؟ أكيييييد رااااافضة سالفة التمديد

[ميمي.؟]

انااا هب رااضيه..,
بصرااحه هااي هب حااله انرد من مدرسه سااعه 4 ماا انرروم انسووي شي..,اذا ماا ذاكرناا مااده بس يلعنون خيررنااا .., والقهرر انهم يعرفوون ضروفناا مع ذلك ينقصوونااا درجاات شوووه هااا يعني لازم حد يكوون وياانااا ..,يعني بذمه من 6 ل 10 شوو تسوون فيه اتحضرين ولا تذاكرين لامتحان ولا واجباات ولا تقارير ولا بحووث ولا الامتحانات شفوويه..,والله ارووح المدرسه احس رووحي هبله ماا فااهمه شي لاني ماا ارقد ليين سااعه 2 فليل شوووه هااااا...,والله ظلم..,

[الزعيمة الإماراتية]

الصراحة صعب عليهم كيف بيكتبون الواجبات والبحوث والتقارير واذا امتحان متى بذاكروه ومتى بتكون ساعات الراحة
الله يعينهم والله ويعين المدرسات خصوصا المدرسه اللي عندها اعيال متى بتذاكر حقهم وبتقعد عند اعيالها صدق تعب بتعب
يســــــــلموااا

[أحمد العربي]

احنا من الحصة الخامسة نبدأ ما نفهم شي و الحين بيزيدونا حصص عدم فهم
لو قلنا بنفهم متى بنام و نحل الواجبات و متى نتنفس
لو في زيادة حصص أكيد بتزيد الفرص و لازم يكون في مطاعم أكل صحي

في النهاية ما أظن أي مدرسة حكومية مهيأة لهذه التجربة لعدم و جود سبل الاهتمام الكافي بها و لكثرة حشو المناهج

[ندىو ندوش]

نحن ما غيروا الحصص 7حصص ماغيروا اللة يعينكم

[just a girl]

هم ترى بس يعرفون يقلدون وما يعرفون كيف يبتكرون ينظمون امورهم عقب
انا يوم سألت مديرتنا الكندية قالت لي انه في كندا عندهم 4 ولا 3 مواد بس وفي امريكا بعد واذكى منا مليون مرة بس حنا 9 حصص و11: مادة وذل واهانة ع اقل شي ومتوقعين منا نستوي شي