انا موجود لأي استفسار عن البعثات .!!

[بوعوف]

السلام عليكم ..

كيف الحال يا جماعة الخير .. انا فتحت هالموضوع للكل .. وان شاء الله يتم تثبيته ..

اللي عنده اي استفسار عن البعثات , الجامعات و الولايات . . ان شاء الله بساعده قدر المستطااع ..

واللي محتاج اي مساعده ترا انا موجود ..

وعليكم السلام ورحمة الله وبركاته

::

تشكر على هذه المبادرة أخي الكريم

وسيتم تثبيت الموضوع لنرى التفاعل منك ومن الأعضاء وان غاب حس التفاعل من قبل أحد الطرفين فسأضطر الى الغاء التثبيت

::

موفق

[a7la-dalo0o3-007]

السلام عليكم والرحمة
اشحالك اخوي... مشكوور اخويه على هذه المبادرة الطيبة منك لانه قلة ما نرى في بعض المنتديات مثل هذه المبادرة
....
لو سمحت ابغي مساعدك منك
انا قطري ووادرس الثانوية في الامارات كيف احصل على بعثة وشو الجامعات اللي ممكن إني استطيع ادرس فيها في الامارات وعلى العلم نسبتي 83 هل تأثر في البعثات
والسموحة لو طولت عليك

[بوعوف]

مشكووور اخوي على التثبيت وان شاء الله يكون شي تجاوب من الاعضاء ..
اسمحولي اذا تأخرت في الرد على الاستفسارات ...


بالنسبة لأخوي القطري ..
انا الصراحة ما اعرف عن طلاب من دول مجلس التعاون .. بس انت حاول تقدم للبعثات ..
واذا تبا تزيد من فرصة قبولك لأي بعثة حاول بكل مجهود انك ترفع نسبتك فوق 85 ..
الشيء الثاني .. حاول تقدم لامتحان التوفل أو الايلتس ولازم درجاتك تكون عالية ..

بالنسبة للجامعات .. لكل بعثة جامعاتها اللي تتعامل معها ..

مثلا الديوان يتعامل مع افضل عشرين جامعة في امريكا .. وهكذا ..

داخل الدولة تقدر تدرس في جامعة خليفة - الجامعة الامريكية وغيرها ..

أخوي انت ليش ما تدرس ف قطر (( نصيحة ))
قطر مسويه منطقة جامعية مكونه من ست جامعات قوية واهمها taxes a&m والمتخصصة في الهندسة ..

فالله الموفق .. وانت حاول بكل طاقتك انك تقدم لجميع البعثاات .. واللي كاتبه ربك بيصير ..

[طالبة إمتياز]

الســــــــلأام عليك أخو ي ......!

أنــــــــا أدرس أحييين ثاني ثنوي علمي ..متى أجهز عمري حق البعثة وأي بعثة هي أوكي أو أحسن بعثة من بين البعثات ؟ وأنا أبا أدرس ف أمريـــــــــكا ...............!! (( " هندسة " ))............

شكرا .......

[بوعوف]

وعليكم السلام اختي .. طالبة الامتياز ..

افضل الاوقات لتقديم البعثات هي بعد انتهاء الفصل الدراسي الاول للصف الثالث ثانوي .. وطبعا في الصف الثالث ثانوي بيكون هناك تقديم لجميع البعثات .. يعني محاضرة واستفسارات .. نصيحتي سيري واستفيدي ..

البعثات تختلف .. وما شي بعثة احسن من الثانية وحتى الموارد المالية نفسها ..
انا طالع عالديوان و ربيعي عالتعليم .. والاثنين عايشين والحمد لله

الديوان معروف بحسن التواصل مع الجامعات الثانية .. وتسهيل الامور لتقديم الجامعات .. وطبعا شي عيوب ..
التعليم .. التواصل ما يكون لهالدرجة .. بس له ميزة احلى .. وانج تقديمن للجامعة اللي تبينها ..

بس لانج بنت ترومين ترمسين الديوان عن الجامعة اللي تبين تدرسين فيها . وبيراعونج ان شاء الله ..


ولو شي سؤال ثاني اسالي ...

[طالبة إمتياز]

تسلم أخوي ماااااااقصرت .................جيه هم عياااااال البلااااد دوم في الفزعة ...........!

[خيماوي1]

السلام عليكم ورحمة الله وبركاته ..



عندي كمن شغلة ابي استفسر عنها وان شاء الله تقدر اتساعدني فيها



انا خريج كليات التقنية العليا دبلوم في تخصص هندسي ويبت 2.91 في الجي بي ايه وخاطري اكمل في استراليا


قدمت للبعثة في التعليم العالي لكنهم ماخذوني


الحين ابي اخذ بس قبول للجامعة وابي اعرف كم المصاريف الي بتكون علي واي الجامعات المعترفة فيها في استراليا وكم سنة بدرس التخصص وهل بيكون هناك سنة تحضيرية قبل الدخول في التخصص ؟؟


وكيف اقدر آخذ القبول هل هناك مكاتب في الدولة ؟؟ ومتى بداية السمستر الياي ؟؟


واذا خذت القبول في مجال انه البعثات تقبلني ؟؟ وغير بعثة التعليم العالي في بعثات ثانية ؟؟


والسموووووووحة على الاطالة

[بوعوف]

طالبة الامتياز لو نحن ما ساعدنا بعض منو بيساعدنا ..

أخوي خيماوي ..

انا الصراحة ما عندي خلفية عن اللي يبون يكملون دراستهم في الخارج .. وخاصة استراليا ..
لازم تسير للبعثات وتستفسر منهم اكثر .. وتعرف ليش التعليم ما قبلك ..

عن الجامعات .. انت لازم تقدم لها وتعرف كم مصاريفها .. وها يباله search .. وعسب لا اخبي عليك انا سرت استراليا قبل ف برنامج للغة .. والصراحة الشباب قالوا عندهم مشاكل في الجامعات المعترفة .. يعني كل سمستر لازم تشيك عند الوزارة اذا الجامعة معترف فيه ولا ..

فنصيحة مني .. حاول تشوف البعثات وتستفسر اكثر .. لاني انا بعدني طالب ف امريكا .. وما ااعرف ضروف استراليا .. وشو نظام البعثة للي يبي يكمل ..

واسف على الاطالة

[طالبة إمتياز]

يزااااااااااااااك الله خيرررررر ...و اشكر المراقب العاام على تثبيت موضوووووعك ........