مَاكَذبـ " أُبوي " عَ ـليّ .. يَوم قَـآل ..

[ALALILI CONAN]

*
*
*


مَاكَذبـ " أُبوي " عَ ـليّ .. يَوم قَال ..

لاتنام إلا متوضي ...
وصل .. لله ركعتين ..
واقرأ لك لو آيتين ..
وارفع يديك وتضرع .. بالدعاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..

مَاكَذبـ " أُبوي " عَ ـليّ .. يَوم قَال ..


لاتفرط في صلاتك ..
ولايغرك "حب" ذاتك ..
احرص .. تصلى جماعة ..
وكل ساعة ..
راقب الله في حياتك ..

مَاكَذبـ " أُبوي " عَ ـليّ .. يَوم قَال ..


لاتصير إنسان "جارح" ..
اضحك بوجه الجميع ..
عامل الناس بتسامح ..
لا تفرط في حقوقك ...
لا تجامل في النصائح ..
ولا تثور .. تصير فاضح ..
وإن لمست عيب صاحب ..
لا تنافق .. ولا تصارح ..
وانتبه من هالنصيحة ..
لاتصير إنسان غامض ..
ولاتصير إنسان واضح ..

مَاكَذبـ " أُبوي " عَ ـليّ .. يَوم قَال ..

احذر .. أولادك ومالك ..
لاتجافيهم وتقسى ..
ولاتبالغ في دلالك ..
ربهم بالخير .. تربح
وعلم النفس القناعة ..
وعلم القلب الشجاعة ..
ولا تغطي العين وتحلم ..
وتخدع الرآي "بخيالك" ..

مَاكَذبـ " أُبوي " عَ ـليّ .. يَوم قَال ..

انتبه .. لاتبني دارك
قبل ماتختار جارك ..
وفكر بحق المجورة !!! ..
لايحس إنك ظلمته ..
وإلا إنك يوم خنّته ..
وإلا توذيه بصغارك ..

مَاكَذبـ " أُبوي " عَ ـليّ .. يَوم قَال ..

إن وعدتَ وعد .. فاصدق
احذر تزل بلسانك ..
أو تقلل يوم شانك ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو "يغرك" زود مالك ..
ولاتهين إنسان .. تندم ..

مَاكَذبـ " أُبوي " عَ ـليّ .. يَوم قَال ..


خلك إنسان بكرامة ..
لاتغرك هالأمور ..
المناصب ..
والقصور ..
فكَّر بيوم القيامة ..
فكَّر إنك شي فـآني ..
رحلة الدنيا قصيرة ..
تلقى نفسك في سلامة ..

مَاكَذبـ " أُبوي " عَ ـليّ .. يَوم قَال ..

احذر تصير "البخيل" ..
واحذر تبذر وتطّغى ..
واحذر تعيش بخساسة ..
أو ذليل ..
ولاتنام بيوم خالي ..
لاتنام بدون لا تفعل جميل ..
تلقى نفسك في معزة ..
تلقى روحك في شموخ ..
عش أصيل ..
ومت أصيل ..

مَاكَذبـ " أُبوي " عَ ـليّ .. يَوم قَال ..

كل ماسويتْ فيني ..
أو في أمك ..
تبي تشوفه من عيالك ..
بر فينا تلقى بِرك ..
ياعسى الله لايضرك ..
والله الله ..
لاتلين بضعف تعصر ..
وإلا تقسى بشر تكسر ..
إصحى .. و احذر ..
"زوجتك" تشكى وتكدر ..
لاتدقق في خطاها ..
و انتبه تكشف غطاها ..
تسعد بنعمة وفاها ..
وتلقى منها مايسرك ..

مَاكَذبـ " أُبوي " عَ ـليّ .. يَوم قَال ..

لاتمل هموم حملك ..
ولاتظن الناس مثلك ..
واصنع أمرك من يمينك ..
لاتدور من يعينك ..
بين ربعك .. ولا أهلك ..
لاتعامل باللي "تكره" ..
ولا تجارم وإلا تشره ..

*
*
*

هذه وصايا ..
لاتفرط في بعضها ..
ماتتوه الشمس عينك ..
أو تتوه الأرض "رجلك" ..




رآقَ لِـي ~

[بنـت زايـــــد]

تسلمم آخوي ع الطرح الاكثرر من رااائع.*
بصرااااحهـ موضوعك اعجبني وااااااااااااااااايد..
يزااك الله الف خيررر..
ونتريااا يديدك..