والله المفروض يخبرونا كيف تكون طريقة التصحيح
وهالشي حق من حقوقنا كطلاب يعني لازم تكون الإجابة نفس الإجابة النموذجية
انا مابتكلم عن الناس ألي فرحانه اليوم وطايرة من الفرح يوم يشوفونا معاقين طموحاً
هم يبون الأجانب يمسكون البلد لكن والله لو رسبوني 70 سنة ونجت سنة بخدم دولتي في هالسنة
أهم شي أني أقدم شي لـ هالدولة ألي ماقصرت معانا
......

بخصوص امتحان الأنجليزي على ما اظن من 70 % و 30% عند المدرسين الاجانب
والله فيهم نذالة هم يحاربونا فكرياً تييبونهم يدرسونا وين بنستفيد منهم..؟
والله أن هالسنة أفشل سنة في الإنجليزي حرف واحد ما أستفدت منه
عمركم شفتو أستاذ يمتحن الشعب الثانية وييب الأمتحان لطلاب الشعب الثانية وهم يصححونه
ويقول أن ماعنده وقت ..إذا انت أستاذ وما عندك وقت كيف تبا تدرسنا
المدرسة رفعت عليه تقرير للمنطقة ..والمنطقة لم تحرك ساكناً وكأنها ماتعرف تقرا أو لها غرض ثاني
نظرته لنا تقول بأن نحن مسويله شي وطريقة تفكيره تقول أنه يبا يسويلنا شي
سؤاله لنا ..( من خلق الله ) حاشى لله ....ودعايته لطعم لحم الخنزير بأنه حلو
والله في أشياء وايدة بكتبها عنه بس بطول عليكم ولكن بخطف عليها ع السريع لاني مب فاضي ابا ارتاح في الإجازة
حصته يوزعها كل يوم على الأساتذة
غيااااابة كثيييييير ( من حقه عيونه زرق )
مايعرف يحط بعض الكلمات في جملة ( لاتلومونه عنده شهادة مدرس موسيقى لومو ألي يابوه )
أسلوبه قذر مع الطلاب والمدرسين ( أسألو ألي يدرسهم كيف يعانون منه )
نزل درجاتنا للحضيض ( هذا ألي يبغيه هو )
وأشياء وايدة والله على ما أقول شهيد
والله المستعان .....